گيانچند کي چئلينج آهي ته ملڪ اسد جي حمايت کانسواءِ مون کان يوسي چيئرميني کٽي ڏيکاري: عبدالعزيز پالاري

0Shares

نوري آباد (ن هه): گيان چند ايسراڻي جي ملڪ اسد سڪندر کانسواءِ ڪوهستان ۾ ڪابه حيثيت ناهي. آئون کيس چئلينج ٿو ڪريان ته ملڪ اسد ان مان هٿ ڪڍي ۽ هو ڪوهستان جي ڪنهن به علائقي مانمونسان يوسي چيئرميني جي سيٽ تي مقابلو ڪري وڏي پئماني تي نه دسيمس ته سڄي عمر سياست تان رٽائر ٿي ويندس. جيڪڏهن هو مون کي ملهه ماري وڃي ته آئون هن کي روز سلام ڪندس. اهڙو اظهار نوري آبادي جي بااثر شخصيت ۽ ڄامشوري اتحاد جي اڳواڻ وڏيري عبدالعزيز پالاري ميڊيا سان ڳالهائيندي ڪيو. هن وڌيڪ چيو ته اڃان تازي ڳالهه آهي جڏهن ملڪ صاحب کيس بنگلي تان تڙي ڪڍيو هو ۽ کيس وزارت نه ملي ۽ جڏهن هو زرداري وٽ ويو ته ان چيس ته ملڪ اسد چوندو پوءِ توکي وزارت ملندي ساڳيو جواب کيس اڳوڻي وزيراعليٰ مراد علي شاهه به ڏنو تڏهن ملڪ صاحب ۽ زرداري پاڻ ۾ ٺهيل هئا. هن وڌيڪ چيو ته ملڪ صاحب سان اختلافن کانپوءِ کيس ڪوهستان جو ڪو ماڻهو شادي غمي ۾ هٿ ڏيڻ لاءِ تيار نه هو. هن وڌيڪ چيو ته ان کانپوءِ ملڪ صاحب ۽ آصف علي زرداري جو پاڻ ۾ جهيڙو شروع ٿيو، ٻئي هڪ ٻئي کان ناراض هئا. ان جهيڙي کي گيانومل عرف گولي وڌيڪ هوا ڏيئي پنهنجو اُلو سڌو ڪيو ۽ ملڪ صاحب جي پيرن تي ڪري معافيون ورتيون پوءِ ملڪ صاحب هن کي معاف ڪيو. هن چيو ته هن جي حيثيت ملڪ صاحب جي جتي جي برابر به ناهي. ڪوبه ماڻهو کيس ووٽ ڏيڻ لاءِ تيار ناهي. ايتريقدر جو ڪافي جڳهين تي گڏجاڻين ۾ ماڻهن واضح ڪيو آهي ته اسان جو ووٽ ملڪ صاحب جي امانت آهي اهو جيڪڏهن ڪنهن گڏهه يا ٺوري کي بيهاريندو. ته اسان ان کي ڏينداسين. ڇاڪاڻ ته ماڻهو اڃان سرداري نظام ۾ جهڪڙيل آهن. هن چيو ته کيس گولي مان گيانچند ڪرڻ وارو ملڪ اسد آهي. 1997ع جي جنرل اليڪشن جي حوالي سان وڏيري ٻڌايو ته آئون ان ڳالهه جو شاهد آهيان ۽ مون وٽ ثبوت موجود آهن ته هن ڪيئن شراب جي ڪمائي مان لکين رپيا ان وقت جي اليڪشن ڪمشنر کي ڏيئي جعلي ووٽ وجهرائي سيٽ کٽي هئي نه ته هو هارايل هو. وڏيري وڌيڪ چيو ته عوام هاڻي سجاڳ ٿي چڪو آهي ۽ ڪوهستان جي غيور ۽ غيرتمند عوام کي شعور اچي ويو آهي. هندو يا مسلم برادري مان گهڻي قدر ماڻهو ان شرابي گولي کي ووٽ نه ڏيندا بلڪ ڪوهستان جي سچي هڏڏوکي ۽ هر دلعزيز شخصيت ملڪ چنگيز خان کي ووٽ ڏئي ڪامياب ڪرائيندا. هن چيو ته پالاري برادري کلي عوام ڄامشوري اتحاد جي اميدوارن جي حمايت ڪري ٿي.

0Shares

اپنا تبصرہ بھیجیں