محبت جي معاملي ۾ عمر جي ڪا به حد مقرر ناهي هوندي: تبو

ممبئي(شوبز نيوز) گذريل مهيني 30 جون تي باليووڊ اداڪارا تبو هڪ تقريب دوران اڃان تائين ڪنواري رهڻ تي ڪنهن به افسوس جي بنا چيو هو ته کيس ان ڳالهه جي ڪا به پريشاني ناهي ته اڃان تائين سندس شادي ناهي ٿي سگهي. 46 ورهين جي باليووڊ اداڪارا تبو کان اهو سوال ان وقت ڪيو ويو جڏهن باليووڊ ۾ هن کان ننڍي عمر واري ادڪارائن يعني سونم ڪپور، نيها ڌوپيا ۽ انوشڪا شرما شادي ڪري چڪيون آهن.جڏهن ته دپيڪا پڊڪون، پرينڪا چوپڙا ۽ عاليا ڀٽ جهڙي اداڪارائن جي شادي جو خبرون پڻ گردش ڪري رهيون آهن. جيتوڻيڪ تبو اڃان تائين شادي نه ڪرڻ تي افسوس جو اظهار ناهي ڪيو  پر هو ماضي ۾ هن وقت تائين شادي نه ٿيڻ جي ذميدار باليووڊ ايڪشن هيرو اجي ديوگن کي قرار ڏئي چڪي آهي. ماضي ۾ تبو چئي چڪي آهي ته اجي ديوگن هن جو ٻالڪپڻ کان وٺي بهترين دوست آهي، جڏهن ته انهن ٻنهي جي وچ ۾ محبت پڻ هئي ۽ اداڪارا جي شادي نه ڪرڻ جو هڪ سبب اجي ئي آهي. شادي ڪرڻ يا نه ڪرڻ بعد هاڻ هن پاڻ کان وڏي عمر جي شخص سان محبت ڪرڻ جو حوالي سان ٻڌايو آهي. ڀارتي ميڊيا جي رپورٽن موجب هڪ فلمي تقريب ۾ خطاب ڪندي تبو پنهنجي حقيقي ۽ فلمي زندگي بابت گهڻو ڪجهه ڳالهايو ۽ ٻڌايو ته اهڙا ڪهڙا ڪردار ۽ ڪهڙيون فلمون آهن، جنهن کيس بلڪل تبديل ڪري ڇڏيو. تبو 2006 ۾ ريليز ٿيندڙ فلم”نيم سلڪ“ کي پنهنجي شخصيت تبديل ڪندڙ فلم قرار ڏيندي چيو ته جيڪڏهن ان فلم ۾ عرفان خان سان گڏ ڪم نه ڪري ها ۽ آشما گنگولي جو ڪردار ادا ڪرڻ جو موقعو نه ملي ها  ۽ حقيقي زندگي ۾ ايترو تبديل نه ٿي سگهي ها.ان سان گڏ ئي تبو 2007 ۾ ريليز ٿيندڙ رومانوي فلم ”چيني ڪم“ ۾ پنهنجي ڪردار ۽ پاڻ کان وڏي عمر وري شخص سان محبت جي حوالي سان پڻ کلي نموني ڳالهايو.  اداڪارا اعتراف ڪيو ته فلم” چيني ڪم“ ۾ 34 ورهين جو ڪردار ادا ڪرڻ ۽ 64 ورهين جي شخص سان محبت ڪرڻ جو ڪردار سندس حيقيقي زندگي جي تمام ويجهو هو.پر ان سان گڏ ئي هن اهو پڻ چيو ته حيقيقي زندگي اڄ تائين ۾ ساڻس اهڙو واقعو ناهي ٿيو. اداڪارا وڌيڪ وضاحت ڪندي چيو  فلم ۾ پاڻ کان وڏي عمر واري شخص سان محبت ڪرڻ جو ڪردار ادا ڪرڻ جو ڪريڊٽ اميتاڀ بچن ڏانهن وڃي ٿو، جيڪڏهن ساڻس گڏ مک ڪردار ۾ نه هجي ها هو ڪڏهن به اهو ڪردار ادا نه ڪري سگهي ها. ان سان گڏ اداڪارا لڪل لفظن ۾ چيو ته سندس خيال ۾ محبت جي مامري ۾ عمر جي ڪا به حد مقرر ناهي هوندي. ياد رهي ته سال 2007 ريليز ٿيندڙ فلم چيني ڪم ۾ تبو پاڻ کان وڏي عمر واري اداڪار اميتاڀ بچن سان محبت ڪندڙ عورت جو ڪردار ادا ڪيو هو. چيني ڪم کي تبو جي بهترين فلمن ۾ شمار ڪيو ويندو آهي.