ن ليگ احتساب عدالت جو فيصلو رد ڪري ڇڏيو، نواز شريف جي واپسي تي شاندار استقبال جو فيصلو

0Shares

لاهور (بيورو) مسلم ليگ ن جي صدر شهباز شريف جي صدارت هيٺ اجلاس ٿيو. اجلاس ۾ رانا تنوير، جاويد لطيف، خواجه سعد رفيق، حمزا شهباز شريف، احسن اقبال، اياز صادق سميت ٻين اڳواڻن به شرڪت ڪئي. اجلاس ۾ نواز شريف ۽ مريم نواز جي ڏيهه واپسي بابت انتظامن جو جائزو ورتو. اجلاس ۾ احتساب عدالت جي فيصلي کانپوءِ جي صورتحال جو جائزو ورتو ويو. مسلم ليگ ن جي صدر شهباز شريف نواز شريف ۽ مريم نواز جي لاهور اچڻ جي تجويز پيش ڪئي جنهن جي سمورن اڳواڻن حمايت ڪئي. مسلم ليگ ن تبديل ٿيندڙ حالتن کي نظر ۾ رکندي پنهنجي چونڊ حڪمت عملي به تبديل ڪرڻ جو فيصلو ڪيو آهي، جڏهن ته مسلم ليگ ن چونڊ تڪن ۾ متحرڪ ۽ فعال ڪارڪنن کي امڪاني گرفتارين کان بچڻ جي هدايت ڪئي آهي. مسلم ليگ ن کي خدشو آهي ته کين چونڊن مان آئوٽ ڪرڻ لاءِ چونڊ تڪن ۾ متحرڪ ۽ فعال ڪارڪنن جي وڏي پئماني تي گرفتارين جو امڪان آهي. مسلم ليگ ن کي خدشو آهي ته نواز شريف، سندس نياڻي ۽ ناٺي  خلاف فيصلي تي احتجاج جي آڙ ۾  مسلم ليگ ن جي پرامن ڪارڪنن کي گرفتار ڪيو ويندو ۽ ان لاءِ مسلم ليگ ن حڪمت عملي تبديل ڪرڻ جو فيصلو ڪيو آهي. ٻئي طرف شهباز شريف طرفان ايندڙ چونڊن جي منشور جي اعلان جي موقعي تي به پارٽي ڪارڪنن طرفان سينئر اڳواڻن سان ڪارڪنن جي گرفتارين تي به بحث ڪيو ويو ۽ڪجهه سينئر ڪارڪنن طرفان پارٽي اڳواڻن کي اطلاع ڪيو ويو ته وڏي پئماني تي پارٽي ڪارڪنن کي مختلف ڪيسن ۾ گرفتار ڪرڻ لاءِ لسٽون تيار ڪيون ويون آهن پر اڳواڻن جو چوڻ هو ته ان حوالي سان في الحال ڪجهه چوڻ وقت کان اڳ هوندو. ٻئي طرف ميڊيا کي بريفنگ ڏيندي ريم اورنگزيب چيو  ته نواز شريف خلاف نيب عدالت جو فيصلو انصاف جو قتل آهي ن ليگ ان کي رد ڪري ٿي نواز شريف ۽ مريم نواز ڏيهه واپسي اچي رهيا آهن 25 جولاءِ تي قوم شينهن تي ٺپو هڻندي ڪابه ڪرپشن ثابت ناهي ٿي تير جو ٽرائل ڪيو پيو وڃي جمهوريت جي طاقت وارو پاڪستان نواز شريف بڻائيندو اسان ووٽ کي عزت ڏيو جو نعرو لڳايو آهي نواز شريف جي واپسي تي تاريخي استقبال ڪيو ويندو قانون هٿ ۾ نه کنيو ويندو.5

0Shares

اپنا تبصرہ بھیجیں