پاڪستان ۾ 70 سالن کان ڳجها هٿ کيڏي رهيا آهن، نوازشريف ڪرپشن ناهي ڪئي: مريم نواز

لنڊن  (م ڊ) نوازشريف ۽ سندس نياڻي مريم نواز جي نياڻي مريم نواز  جمعي تي ڏيهه واپسي جو اعلان ڪري ڇڏيو. لنڊن  ۾ ميڊيا سان ڳالهائيندي مريم نواز چيو ته نوازشريف تي ڪرپشن ثابت ناهي ٿي ڪرپشن جو ڪو به ثبوت ن مليو پر پوءِ سزا ٻڌائي وئي، اسان تي مشرف دور ۾ به ڪيس ٿيا پر ثبوت نه مليو. هنچيو ته جمعي تي پاڪستان اينديس.  هن چيو ته 25 جولاءِ تي وڏي عوامي عدالت لڳندي مريم نواز  چيو ته اڃان ته جيل وينديس. ڪارڪن اليڪشن جي تياري ڪن. نوازشريف چيو ته قومي ذميواري ذاتي ذميوارين کان وڌيڪ آهي. مريم نواز چيو ته ” ريڊ وارنٽن کي پاڻ وٽ رکن، انهن کي ڊڪٽيٽرن جي لاءِ سنڀالي رکن. مريم نواز چيو ته پهرين اسان جو فيصلو ڪيو هو ته ماءُ جي هوش ۾ اچڻ تائين واپس نه اينداسين، ڊاڪٽرن اميد ڏياري آهي ته ايندڙ ڪجهه ڏينهن ۾ ماءُ کي هوش اچي ويندو ان ڪري اسان جمعي تي پاڪستان واپس اينداسين. مريم نواز چيو آهي ته عدالتي فيصلي جو وڪيل جائزو وٺي رهيا آهن ۽ اسان 10 ڏينهن کان اڳ ئي ڏيهه موٽنداسين. لنڊن ۾ صحافين سان ڳالهائيندي مريم نواز چيو ته عدالتي فيصلي خلاف اپيل تي صلاح مشورو ڪري رهيا آهيون ۽ وڪيل قانوني پهلوئن جو جائزو وٺن پيا. هن چيو سٺو ٿيو ته برطانيا کان مدد وٺڻ جو چيو ويو آهي، ان سان کير جو کير ۽ پاڻي جو پاڻي ٿي ويندو، ڇو ته برطانوي ادارا اڳ ئي پاڪستان کي چئي چڪا آهن ته غير قانوني ڪم ناهي ٿيو. سندس چوڻ هو ته عدالتي فيصلي خلاف ڊيو پراسس اختيار ڪيو ويندو، ڏيهه واپسي لاءِ وڪيلن جي ٻڌايل 10 ڏينهن کان اڳ ئي موٽنداسين  مريم نواز چيو آهي ته نيب ريفرنس دوران مسلسل مون کي پيغام ملندو رهيو آهي ته پنهنجي سوچ ۽ ڳالهين جي قيمت چڪائڻي پوندي.  مريم نواز ٽوئيٽ ڪندي هڪ وڊيو پيغام جاري ڪيو آهي. مريم نواز چيو ته 70ورهين کان پاڪستان جي تقدير سان ڳجها هٿ کيڏي رهيا آهن ۽ هر معاملي ۾ مداخلت ڪري رهيا آهن. هن چيو ته منهنجي خلاف ڪيسن پويان اها ئي سوچ آهي جيڪا چوي ٿي ته جيڪو شخص ڳجهن هٿن کي چئلينج ڪندو تنهن ڪري عبرت جو نشان بڻايو ويندو، ان سموري عرصي دوران نواز شريف کي به پيغام ملندو رهيو آهي ته توهان ڌيءَ سميت ٻاهر هليا وڃو ۽ اتي ئي آباد ٿيو، اهڙي نموني مون کي به پيغام ملندو رهيو ته توهان کي ته اسان نه ڇڏينداسين. سندس چوڻ هو ته مون کي مسلسل هڪ پيغام ملندو رهيو آهي ته توهان جي سوچ، تقريرون ۽ بيانن تي سخت اعتراض آهي جنهن جي قيمت توهان کي چڪائڻي پوندي، کين اهو به لڳو ته مان نواز شريف کي سندن خلاف ڀڙڪائي رهي آهيان ۽ مون سان منهن ڏيڻ وڌيڪ مشڪل آهي.