سلمان خان تي پاڙيسڙين ذهني تشدد ڪرڻ جو الزام لڳائي ڇڏيو

ممبئي(شوبز نيوز) باليووڊ سلطان سلمان خان مٿان هڪ بزرگ  جوڙي الزام لڳايو آهي ته سلمان خان ۽ سندس خاندان کين لاڳيتو پريشان ۽ ذهني تشدد جو نشانو بڻائيندو رهيو آهي. ڀارتي ميڊيا جي رپورٽن موجب ممبئي جي علائقي پنويل ۾ سلمان خان جو فارم هائوس آهي، ان ئي فارم هائوس ۾ ڪيتن ڪڪڙ نالي شخص جي پڻ زمين آهي، جيڪو 3 ورهيه اڳ آمريڪا مان واپس موٽي آيو آهي، ڪيتن ڪڪڙ جو چوڻ آهي ته هن اها زمين 1996 ۾ خريد ڪئي، زمين جي خريداري دوران سلمان خان جي والد سليم خان کان به سندس رضامندي حاصل ڪئي. ڪيتن ڪڪڙ جو چوڻ آهي ته جڏهن به هن جو آمريڪا کان ڀارت اچڻ ٿيندو هو  ته هو پنهنجي زمين جو چڪر پڻ لڳائيندو هو.  پاڙيسڙي هئڻ ڪري سلمان خان طرفان ساڻن سدائين سٺو سلوڪ ڪيو ويندو هو پر جڏهن کان هو مستقل طور تي ڀارت آيو آهي ۽ هو پنهنجي زمين تي گهر ٺاهڻ چاهي ٿو ته سلمان خان بلڪل بدلجي ويو آهي ۽ سندن طرفان لاڳيتو پريشان ڪيو پيو وڃي.  هاڻ صورتحال اها آهي جو زمين جو مالڪ هئڻ بوجود گهر نٿو ٺاهي سهگان.  ڪيتن ڪڪڙ وڌيڪ چيو ته سلمان خان پنهنجي فارم هائوس جي ٻاهران اهڙي نموني دروازو لڳايو آهي جو سندم زمين تي وڃڻ لاءِ  پريشاني کي منهن ڏيڻو پئجي رهيو آهي. جڏهن ته مقامي انتظاميا جي هڪ آفيسر سلمان خان جي خلاف سندس مدد ڪرڻ جي ڪوشش ڪئي ته جي به بدلي ڪرائي وئي. پنيول ۾ سلمان خان جي گهوڙن لاءِ پڻ بجلي آهي ۽ اسان جي زمين لاءِ بجلي ناهي ملي رهي. ان سلسلي ۾ مهارشٽرا جنگلات واري وزير سان پڻ رابطو ڪيو آهي، هن پهريان مدد ڪرڻ جو يقين ڏياريون پر بعد ۾ هو به سلمان خان سان گڏ پارٽي ڪندي ڏٺو ويو. ڪڪڙ فيملي جي وڪيل آڀا سين جو چوڻ آهي ته سلمان خان جي فيملي تمام گهڻو اثر رکندڙ آهي، اهو ئي سبب آهي جو انهن جي ڪٿي به ٻڌڻي ناهي ٿي رهي. ياد رهي ته سلمان خان اڄ ڪلهه پنهنجي فلم، دبنگ، رد لوڊڊ جي شوٽنگ جي سلسلي ۾ آمريڪا ۾ موجود آهي.