نواز شريف 10، مريم نواز 7 ۽ ڪئپٽن صفدر کي هڪ سال قيد جي سزا، ايون فيلڊ اپارٽمينٽ ضبط ڪرڻ جو حڪم، احتساب عدالت فيصلو ٻڌائي ڇڏيو

 اسلام آباد (بيورو) احتساب عدالت جي جج اڳوڻي وزيراعظم نواز شريف کي 10 سال، ان جي ڌيءُ مريم نواز کي 7 سال ۽ محمد صفدر کي هڪ سال قيد جي سزا ٻڌائي ڇڏي آهي.احتساب عدالت نواز شريف تي 80 لک پائونڊ ۽ مريم نواز تي 20 لک پائونڊ ڏنڊ پڻ مڙهيو آهي، جڏهن ته ايون فيلڊ اپارٽمينٽس کي سرڪاري تحويل ۾ وٺڻ جو پڻ حڪم ڏنو. مريم نواز کي ڪوڙا دستاويز جمع ڪرائڻ تي به هڪ سال قيد جي سزا ملندي. ن ليگ اڳواڻ مريم نواز لاهور جي تڪ اين اي 127 ۽ پي پي 137، جڏهن ته ڪيپٽن (ر) صفدر اين اي 14 مانسهرا کان اميدوار هو، جيڪي هاڻي چونڊ وڙهڻ جي اهل ناهن رهيا. نيب پراسيڪيوٽر مطابق جوابدارن کي سزا ڏيڻ بابت ميڊيا کي آگاهه ڪيو ۽ ٻڌايو تهحسين نواز ۽ حسن نواز عدالت ۾ پيش نه ٿيا، ان بابت سزا ناهي ٻڌائي وئي. جڏهن ته ٻين جوابدارن کي مليل قيد جي سزا ۾ سخت پورهيو به شامل آهي. سندس چوڻ هو ته نيب آرڊيننس ۾ سزا خلاف اپيل داخل ڪرائڻ لاءِ 10 ڏينهن رکيا ويا آهن، انڪري جوابدارن کي سزا خلاف 10 ڏينهن اندر اپيل داخل ڪرڻ جو حق آهي. احتساب عدالت جي جج اڳوڻي وزيراعظم نواز شريف، سندس ڌيءُ مريم نواز ۽ ناٺي ڪيپٽن (ر) صفدر خلاف ايون فيلڊ ريفرنس جي ٻڌڻي عدالت جي بند ڪمري ۾ ڪئي، فيصلو ٻڌڻ لاءِ ڌرين جا وڪيل پڻ بند ڪمري ۾ موجود هئا. ايون فيلڊ ريفرنس ۾ جوابدار ڄاڻايل اڳوڻو وزيراعظم نواز شريف ۽ سندس ڌيءُ مريم نواز لنڊن  ۾ بيگم ڪلثوم نواز جي عيادت ۾ مصروف هجڻ ڪري پيش نه ٿيا، جڏهن ته ڪيپٽن (ر) صفدر مانسهرا ۾ موجود هجڻ ڪري عدالت ۾ پيش نه ٿي سگهيو. احتساب عدالت جي جج محمد بشير 9 مهينا 20 ڏينهن تائين ريفرنس جي ٻڌڻي ڪئي ۽ 3 جولاءِ تي فيصلو محفوظ ڪيو ويو. ان دوران مجموعي 18 شاهدن جا بيان قلمبند ڪيا ويا، انهن شاهدن ۾ پاناما جي آءِ ٽي سربراهه واجد ضياءَ به شامل هو. فيصلو ٻڌائڻ وقت عدالت ٻاهريان سيڪيورٽي جا انتظام انتهائي سخت ڪيا ويا هئا. اسلام آباد ۾ 144 قلم لاڳو ڪيو آهي، جڏهن ته احتساب عدالت ڏانهن ايندڙ ويندڙ رستا عام ٽريفڪ لاءِ بند ڪيا ويا هئا. واضح رهي ته عدالت پاران فيصلو ٻڌائڻ کان اڳ عدالت ان فيصلي کي ملتوي ڪرائڻ لاءِ نواز شريف ۽ مريم نواز پاران داخل اپيل کي پڻ رد ڪري ڇڏيو هو. عدالت پنهنجي فيصلي ۾ چيو آهي ته مريم نواز ڪوڙا دستاويز جمع ڪرايا ۽ جرم ۾ نواز شريف جي معاونت ڪئي، لنڊن فليٽ 1993ع کان نواز شريف جي ملڪيت آهن، نواز شريف 1993ع کان لنڊن فليٽن ۾ رهيو مريم نواز به ان جي رفالت هيٺ رهي 100 صحفن تي ٻڌل عدالتي فيصلي ۾ چيو ويو آهي ته حسن ۽ حسين نواز کي اشتهاري قرار ڏنو وڃي ٿو ۽ انهن جا دائمي وارنٽ جاري ڪيا وڃن ٿا عدالت نواز شريف کي 10 سال قيد ۽ 8 ملين پائونڊ يني هڪ ارب 33 ڪروڙ 20 لک رپيا ڏنڊ جي سزا ٻڌائي مريم نواز کي 7 سال قيد ۽ 2 ملين پائونڊ يعني 33 ڪروڙ 5 لک رپيا ڏنڊ جي سزا ٻڌائي ڪئپٽن صفدر کي هڪ سال قيد جي سزا ٻڌائي وئي عدالتي فيصلي کانپوءِ مريم نواز  ۽ ڪئپٽن صفدر 10 سال چونڊ وڙهي نه سگهندا نواز شريف کي شيڊول ٽو تحت هڪ سال اضافي سزا ڏني وئي نواز شريف جون ٻيئي سزائون هڪ ئي وقت شروع ٿينديون  مريم نواز مجموعي طور 8 سال سزا ڀوڳيندي جاچ ايجنسي سان تعاون نه ڪرڻ تي نواز شريف ۽ مريم نواز کي وڌيڪ هڪ هڪ سال سزا ٻڌائي وئي عدلت مريم نواز شريف ٽرسٽ ڊيڊ جعلي قرار ڏني ڪئپٽن صفدر گواهه طور ٽرسٽ ڊيڊ تي صحيحون ڪيون نواز شريف ۽ مريم نواز کي نيب آرڊيسنس جي سيڪشن 9 اي 5 تحت سزا ٻڌائي وئي اهي پراسيڪيوشن پنهنجو ڪيس ثابت ڪرڻ ۾ ڪامياب وئي جوابدارن کي آمدني کان وڌيڪ اثاثن ۽ بي نامي ملڪيت ۽ سزا ٻڌائي وئي مريم نواز  والد جا اثاثا لڪائڻ ۾ مدد ڪئي عدالتي فيصلي موجب جوابدار 10 سالن تائين ڪوبه عوامي عهدو رکي نه سگهندا ڪنهن به بئنڪ ڪان مالي فائدو وٺي نه سگهندا نواز شريف آمدني کان وڌيڪ اثاثا ٺاهيا ۽ آمدني جا اثاثا ٻڌائڻ ۾ ناڪام ويو.5