نواز شريف جي قسمت جو اڄ فيصلو، اسلام آباد ۾ قلم 144 لاڳو، سيڪيورٽي هاءِ الرٽ

اسلام آباد (بيورو) پاڪستان مسلم ليگ (ن) جي اڳواڻ اڳوڻي وزيراعظم نوازشريف ۽ مريم نواز پاران ايون فيلڊ ريفرنس جو فيصلو ملتوي ڪرڻ لاءِ درخواست داخل ڪئي ويئي تفصيل موجب اسلام آباد جي احتساب عدالت شريف خاندان جي خلاف ايون فيلڊ ريفرنس جو فيصلو محفوظ ڪري ورتو آهي جيڪو ٻڌائڻ لاءِ 06 جولاءِ جي تاريخ مقرر ڪئي ويئي آهي. جڏهن ته نوازشريف گذريل ڏينهن ميڊيا سان ڳالهائيندي فيصلو ملتوي ڪرڻ جي درخواست ڪئي آهي خميس تي محمد نوازشريف خواجه حارث جي معاون وڪيل ظافر خان جي مدد سان ايون فيلڊ ريفرنس جو فيصلو ملتوي ڪرڻ لاءِ باضابطه درخواست داخل ڪري ڇڏي آهي نوازشريف جو درخواست ۾ موقف آهي ته هو ان ٽرائيل جو حصو رهيو آهي ۽ لڳاتار عدالت ايندو رهيو آهي پر اوچتو صورتحال تبديل ٿي ويئي ۽ سندس زال ڪلثوم نواز جي طبيعت سخت خراب ٿي ويئي درخواست ۾ چيو ويو ته جڏهن ته ٻڌو آهي ته احتساب عدالت فيصلو ٻڌائڻ واري اهي ته پاڪستان وڃڻ لاءِ ڊاڪٽرن سان مشورو ڪيو ڊاڪٽرن ڪلثوم نواز جي طبيعت ۾ سڌاري تائين نه وڃڻ جو مشورو ڏنو آهي درخواست ۾ اپيل ڪئي ويئي ته مجبوري سبب 6 جولاءِ تي پاڪستان نٿو اچي سگهان جيئن ئي زال جي طبيعت بهتر ٿيندي پاڪستان ايندس تنهنڪري ڪجهه ڏينهن لاءِ فيصلو ملتوي ڪيو وڃي ذريعن موجب ٻئي پاسي رجسٽرار احتساب عدالت اياز حسن زبيري نوازشريف جي درخواست اچڻ تي جج محمد بشير سان فون تي رابطو ڪيو رجسٽرار جو چوڻ هو ته درخواست اسان پاڻ ئي وصول ڪيون ٿا پر هاءِ پروفائيل ڪيس جي ڪري جج سان رابطو ضروري اهي ان موقعي تي نوازشريف جي وڪيل ظافر خان چيو ته اڃا درخواست صرف داخل ڪئي ويئي آهي ان تي ٻڌڻي اڄ جمعي تي ڪئي وڃي رجسٽرار آفيس جي هدايت تي عدالتي عملي نوازشريف جي درخواست وصول ڪري ڊيوٽي جج ڏانهن اماڻي ڇڏي جج محمد بشير جي موڪل سبب احتساب عدالت نمبر 2 جي جج محمد ارشد ملڪ وٽ درخواست ويئي ته هن سوال ڪيو ته هي درخواست مون وٽ ڇو کڻي آيا آيو جج محمد ارشد ملڪ درخواست تي ٻڌڻي کان انڪار ڪري ڇڏيو جنهن کان پوءِ ڊيوٽي جج ارشد ملڪ جو درخواستن کي ٻڌڻي لاءِ مقرر ڪرڻ جو حڪم جاري ڪيو نوازشريف مريم نواز جون درخواستون جمعي تي احتساب عدالت ۾ ٻڌڻي لاءِ مقرر ڪيون ويون. ٻئي طرف فواد حسن فواد جي گرفتاري تي نوازشريف رد عمل ڏيندي  چيو آهي ته فواد حسن فواد  جي گرفتاري افسوسناڪ آهي. هوڏانهن اسلام آباد انتظاميا ايون فيلڊ ريفرنس  جي فيصلي جي ٻڌڻي سبب قلم 144  لاڳو ڪندي  سيڪيورٽي انتظام سخت  ڪري ڇڏيا آهن. عدالت جي روٽ  کي تمام ماڻهن ۽  ٽرئفڪ  لاءِ سيل ڪيو ويو آهي. عدالت اندر ۽ ٻاهران 400  پوليس ۽ رينجرس اهلڪار مقرر ڪيا ويندا. هوڏانهن نيب ترجمان  راجه عامر عباس چيو آهي ته آرٽيڪل 366  تحت ريفرنس جو ٽرائل  مڪمل ٿي چڪو آهي.  جوابدار جي  درخواست تي فيصلي جي تاريخ وڌائي نٿي سگهجي. شريف خاندان جي ليگل ٽيم ٽرائل  دوران موجود رهي.