سنڌ جو وڏو وزير ڪٺ پتلي آهي، اصل امپائر عوام آهي جنهن لاڙڪاڻي جي چونڊ ۾ پنهنجو فيصلو ٻڌايو: فردوس اعواڻ

0Shares

حافظ آباد (م ڊ) وزيراعظم جي سڌ سماءَ جي خاص مددگار ڊاڪٽر فردوس عاشق اعواڻ چيو آهي ته ڀٽو جي نالي سان سياست ڪندڙ عوامي مسئلن کان بي خبر آهن سنڌ ۾ جيڪڏهن ڀٽو زنده آهي ته غريب مري چڪو آهي، ڀٽو کي زنده رکڻ جي دعوا ڪندڙ لاڙڪاڻو ۽ ٿر ۾ عوام جي لاچاري ڏسو، اربين کربن جي ڪرپشن واري شهباز شريف لاءِ ٽڪي جي ڳالهه مناسب ناهي، اختيار هيٺين سطح تي منتقل ڪرڻ وزيراعظم عمران خان جو مشن آهي آچر تي هتي صحافين سان ڳالهائيندي فردوس عاشق اعواڻ چيو ته صحافت کي هٿي وٺرائڻ ۽ صحافين جي مسئلن جو حل ذميوارين ۾ شامل آهي هن چيو ته انصاف فراهم ڪرڻ تحريڪ انصاف جو منشور آهي حافظ آباد جي ترقي ۾ قومي اسيمبلي ميمبر شوڪت علي ڀٽي جي خاندان جو اهم ڪردار آهي فردوس عاشق اعواڻ چيو ته ڪجهه ماڻهو اقتدار کان پري رهڻ جي تڪليف کي عوام جي تڪليف ٻڌائي رهيا آهن، هن چيو ته اهڙن عنصرن کي اقتدار کان ٻاهر ٿيڻ تي عوامي تڪليف نظر اچي ٿي هن چيو ته پنهنجي خواهشن کي عوام جو نالو ڏئي اقتدار کان محرومي جي ڳالهه ڪري رهيا آهن هن چيو ته سنڌ جو وڏو وزير ڪٺ پتلي آهي عوام اصل امپائر آهي جن لاڙڪاڻو اليڪشن ۾ پنهنجو فيصلو ٻڌايو هن چيو ته چئن سالن کانپوءِ هي عوام ووٽ جي طاقت سان عمران خان کي ٻيهر چونڊيندو  وفاق جي زنجير سمجهي ويندڙ جماعت ڪجهه ضلعن تائين محدود ٿي وئي آهي هن چيو ته سڄي سنڌ موهن جو دڙو نظر اچي رهي آهي نااهل صوبائي حڪومت سبب ڪراچي شهر گندگي جو ڍير بڻجي ويو آهي وزيراعظم جي اڳواڻي ۾ ڪراچي کي ٻيهر روشني وارو شهر بڻائينداسين .هن چيو ته هڪ خاندان بيماري جي بهاني تي ضمانت وٺي ٻاهر هليو ويو هن چيو ته بيمار سان سهولتڪار به ملڪ مان ٻاهر هليو ويو آهي سهولتڪار جو اسيمبلي ۾ چيمبر ان جي انتظار ۾ آهي هن چيو ته شهباز شريف وڏي وزير طور اڳوڻي دور ۾ ڪرپشن ڪئي، هن چيو ته شهباز شريف ۽ ان جو خاندان ملڪ اچي عدالتن کي منهن ڏئي. هن چيو ته حافظ آباد پريس ڪلب لاءِ 10 لک رپيا گرانٽ جو اعلان ڪيان ٿي. هن چيو ته پ پ ڪرپشن سبب دفن ٿي چڪي آهي بلاول اڃا تائين ڪرپشن سان رشتو ناهي ٽوڙيو، اهي ماڻهو ملڪ کي لٽي پئسو ٻاهر کڻي ويا هٺيلو ٻار هر جلسي ۾ امپائر جي آڱر جي ڳالهه ڪري ٿو سنڌ جي وڏي وزير کي اهي هلائي رهيا آهن ڇو ته هن جون ڏوريون هنن جي هٿن ۾ آهن بلاول کي چئن سالن تائين تڪليف ۽ رهڻو پوندو اقتدار کان محروم ماڻهو پريشان آهن هن چيوته اڳوڻي حڪومت پاڪستان کي اوڌر تي هلايو ڪميشن وٺي ملڪ جون پاڙون کوکليو ڪيون ۽ ملڪ کي وينٽي ليٽر تي آڻي بيهاريون نابالغ سياستدان ڀٽو جو نالو وٺڻ کان پهرين ڪراچي ۾ ڪتن جي ڏاڙهڻ جي شرح ڏسي هئا.

0Shares

اپنا تبصرہ بھیجیں