پاڪستان سي پيڪ تي آمريڪي اعتراض رد ڪري ڇڏيا، منصوبا جاري رکڻ جو عزم

0Shares

ملتان (م ڊ) پاڪستان هڪ ڀيرو ٻيهر سي پيڪ تي آمريڪي بيان رد ڪندي چيو آهي ته آمريڪا جي بيان سان منصوبي تي ڪو به اثر نه پوندو، سي پيڪ جا منصوبا جاري آهن ۽ جاري رهندا، آمريڪا سميت جيڪو به اسپيشل اڪنامڪ زون ۾ سرمايو لڳائڻ چاهي ٿو ته لڳائي، قرآن مجيد جي بي حرمتي جي واقعي تي ناروي جي سفير کي گهرائي احتجاج ڪيو ويو آهي، قرآن جي بي حرمتي ڪندڙ کي سزا ڏني وڃي، ڪشمير جي مسئلي تي سياسي پارٽين ۾ ڪو به اختلاف ناهي، ملڪ ۾ ڪو به احتسابي عمل کان نٿو گذرڻ چاهي، سنڌ حڪومت احتساب جي عمل ۾ ڍال بڻجي رهي هئي، تنهنڪري زرداري جو ڪيس راولپنڊي منتقل ڪيو ويو، نواز شريف جي حوالي سان صحت جي وزارت بهتر جواب ڏئي سگهي ٿي، ٻاهر وڃڻ جون خواهشون سڀني جون آهن، آچر تي هتي صحافين سان ڳالهائيندي پرڏيهي وزير چيو ته والاريل ڪشمير ۾ ڪرفيو کي 112 ڏينهن ٿي ويا آهن، آمريڪي ڪانگريس ۾ ڪشمير جو مسئلو بهتر نموني اٿاريو ويو آهي، ايوان جي ميمبر راشده طالب آمريڪا ڪانگريس ۾ ٺهراءُ پيش ڪيو آهي، هن چيو ته يورپي يونين ۾ به ڪشمير جو مسئلو اٿاريو ويو آهي، شاهه محمود قريشي چيو ته والاريل ڪشمير ۾ ٿيندڙ موت جا انگ اکر جاري نٿا ڪيا وڃن، ان حوالي سان آمريڪي ڪانگريس جي ميمبر بريڊ شرمين والاريل ڪشمير تي بريفنگ جو مطالبو ڪيو آهي، هن جو چوڻ آهي ته يورپي وفد کي والاريل ڪشمير ڏيکاري سگهجي ٿو ته آمريڪين کي ڇو اجازت ناهي، شاهه محمود قريشي چيو ته پاڪستان ڪشمير جو ٻيهر مسئلو اٿارڻ جو فيصلو ڪيو آهي، ڪشمير ڪميٽي جي چيئرمين فخر امام ۽ عسڪري عملدارن صورتحال کان آگاهه ڪيو، پرڏيهي وزارت ۾ اهم اجلاس سڏايو ويندو جنهن جي صدارت لاءِ وزيراعظم کي درخواست ڪئي ويندي، اجلاس ۾ وزيراعظم کي نئين حڪمت عملي کان آگاهه ڪيو ويندو. پرڏيهي وزير شاهه محمود قريشي چيو آهي ته اسان جي ملڪ ۾ ڪير به احتساب جي عمل مان گذرڻ نٿو چاهي ۽ سڀ ٻاهر وڃڻ جي خواهش رکن ٿا. ملتان ۾ صحافين سان ڳالهائيندي شاهه محمود قريشي چيو ته والاريل ڪشمير ۾ ڀارت جي هٺ ڌرمي جاري آهي، اتي ڪرفيو کي 112 ڏينهن گذري چڪا آهن، ڪشمير جي معاملي تي سياسي جماعتن ۾ ڪو اختلاف ناهي، آمريڪي ڪانگريس ۾ ڪشمير مسئلو ڀرپور طريقي سان اٿاريو ويو، نمائندن جي ايوان جي ميمبر راشدا طالب آمريڪي ڪانگريس ۾ ٺهراءُ پيش ڪيو آهي، يورپي يونين ۾ به ڪشمير مسئلي کي اجاڳر ڪيو ويو آهي، اسان جي اندرين صورتحال سبب ڪجهه وقت لاءِ ميڊيا جي نظر والاريل ڪشمير تان هٽي وئي هئي. هن چيو ته والاريل ڪشمير ۾ ماڻهن جي مارجڻ جا انگ اکر به جاري ناهن ڪيا ويندا، ان ڏس ۾ آمريڪي ڪانگريس جي ميمبر بريڊ شرمين والاريل ڪشمير تي بريفنگ جو مطالبو ڪيو آهي، سندس چوڻ آهي ته جيڪڏهن يورپي وفد کي والاريل ڪشمير جو دورو ڪرائي سگهجي ٿو ته آمريڪي کي ڇو نه؟ سندس وڌيڪ چوڻ هو ته ناروي واقعي سان مسلمانن جي دل آزاري ٿي آهي، ڪالهه پرڏيهي آفيس ۾ ناروي جي سفير کي گهرائي ڳڻتي جو اظهار ڪيو ويو، ناروي حڪومت کان مطالبو ڪيو آهي ته قرآن پاڪ جي بي حرمتي ڪندڙ کي سخت سزا ڏني وڃي. پرڏيهي وزير سي پيڪ جي حوالي سان آمريڪي خدشن تي چيو ته اهو منصوبو گيم چينجر آهي، اهو چوڻ ته سي پيڪ سان اسان جي قرضن ۾ واڌ ٿيندي درست ناهي، اسان انهن جي راءِ مان متفق ناهيون، آمريڪا سميت جيڪو به اسپيشل اڪنامڪ زونز ۾ سيڙپڪاري ڪرڻ چاهي ٿو ڪري. شاهه محمود قريشي جعلي بئنڪ اڪائونٽس ڪيس جي حوالي سان چيو ته سنڌ جي حڪومت آصف زرداري جي تابع آهي، اڳوڻي صدر جو ڪيس ان ڪري راولپنڊي منتقل ڪيو ويو، ڇو ته سنڌ حڪومت انصاف جي راهه ۾ رنڊڪ وجهي رهي هئي. نواز شريف بابت ڳالهائيندي هن چيو ته اڳوڻي وزيراعظم جي حوالي سان صحت واري وزارت بهتر جواب ڏئي سگهي ٿي، ٻاهرين ملڪ وڃڻ جي خواهش سڀني جي آهي، ملڪ ۾ ڪير به احتساب جي عمل مان گذرڻ نٿو چاهي، مختلف بهانن ذريعن احتساب جي عمل ۾ رنڊڪون وڌيون وينديون آهن، وزيراعظم احتسابي عمل کي اڳتي وڌائڻ لاءِ پرعزم آهي.

0Shares

اپنا تبصرہ بھیجیں