وزيراعظم عمران خان استعيفيٰ ڏئي، نيون چونڊون ڪرايون وڃن: بلاول ڀٽو

اسلام آباد (بيورو) پ پ چيئرمين بلاول ڀٽو چيو آهي ته وزيراعظم عمران خان استعيفيٰ ڏئي، نيون چونڊون ڪرايون وڃن، سمورا مسئلا حل ٿي ويندا، پ پ مولانا جي احتجاج کي مڪمل سپورٽ ڪري رهي آهي، اسان جا اڳواڻ ۽ ڪارڪنمولانا صاحب جي آجيان ڪندا، هن سياسي جدوجهد ۾ خان صاحب کي گهر وڃڻو پوندو، حڪومت آصف زرداري کي طبي سهولتن کان پري رکي پ پ تي دٻاءُ وجهڻ چاهي ٿي، اسان اهڙين ڪٺ پتلي حڪومتن سان وڙهندا آيا آهيون ۽ وڙهندا رهنداسين، اڱاري تي احتساب عدالت ٻاهران صحافين سان ڳالهائيندي هن چيو ته اڳوڻي صدر کي جيل مان اسپتال منتقل ڪرڻ جي سفارش ميڊيڪل بورڊ ڪئي هئي، حڪومت انتظاميا عدالت جي حڪم تي عمل نه پيا ڪن، اسان گهر ڪريون ٿا ته آصف زرداري کي اسپتال منتقل ڪيو وڃي، هن چيو ته 23 مارچ تي ٿرپارڪر ۾ جلسو ڪرڻ وڃي رهيو آهيان، هن حڪومت عام ماڻهو جو جيئڻ عذاب ڪري ڇڏيو آهي، هن چيو ته اسان ۽ اسان جي ڪارڪنن جي ڪري هي حڪومت گهر ويندي ۽ عوامي حڪومت قائم ڪئي ويندي، هن چيو ته هي اها حڪومت آهي جيڪا پاڻ پنهنجو وفاق لاڪ ڊائون ڪرڻ وڃي رهي آهي، خان صاحب چيو ته اچو احتجاج ڪريو، کاڌو ڏينداسين، ڪنٽينر ڏينداسين ته هاڻ ته پنهنجي ڳالهه تي قائم رهو، هن چيو ته هر شيءِ تي يو ٽرن قبول نه آهي، احتجاج سياسي پارٽين جو حق آهي، هن چيو ته اسان جو حق اسان کي نه ڏنو ويو ته اسان کسي وٺنداسين. هن چيو ته هي بزدل وزيراعظم آهي، احتجاج کان ڊڄڻ نه گهرجي، هن چيو ته احتجاج سياسي پارٽين جو حق آهي، حڪومت کي سپورٽ ڪرڻ گهرجي نه ڪي لاڪ ڊائون ڪري، هن چيو ته پ پ سدائين پرامن ڪردار ادا ڪيو آهي ۽ ڪندا رهنداسين، هن چيو ته اپوزيشن گڏجي ڪم ڪري رهي آهي ان تي خوشي آهي، سموري اپوزيشن جو مطالبو آهي ته اليڪشن ٿئي، هن چيو ته اسان اڳ به چيو ۽ هاڻ به چئون ٿا ته نيب ۽ معيشت گڏ نٿا هلي سگهن، انهن سڀني مسئلن جو حل عمران خان جي استعيفيٰ ۾ آهي.03