جعلي اڪائونٽس ڪيس: آصف ۽ فريال ٽالپر جي جڊيشل رمانڊ ۾ 12 نومبر تائين واڌ

0Shares

اسلام آباد (بيورو) جعلي بئنڪ اڪائونٽس ڪيس ۾ آصف علي زرداري ۽ ان جي ڀيڻ فريال ٽالپر جي جوڊيشل رمانڊ ۾ 12 نومبر تائين واڌ ڪئي وئي آصف زرداري ۽ فريال ٽالپر کي احتساب عدالت ۾ پيش ڪيو ويو. لطيف کوسي دليل ڏيندي چيو ته عدالت آصفه ڀٽو جي توهين عدالت جي درخواست تي رپورٽ گهري هئي. جيل اختيارين کان پڇيو وڃي ته ان تي عمل ڇو نه پيو ڪيو وڃي. هن چيو ته آصفه ڀٽو اڄ پاڻ پيش ٿيڻ چاهيو ٿي  پر مان کيس روڪيو. نيب پراسيڪيوٽر چيو ته قانون کي ڏسڻو پوندو ته توهين عدالت آهي يا نه. نيب پراسيڪيوٽر جي ڳالهائڻ تي لطيف کوسي اعتراض اٿاريندي چيو ته توهين عدالت جيل اختيارين ڪئي آهي نيب ڇو ڳالهائي رهيو آهي.؟ لطيف کوسه چيو ته نيب رياست جو نمائندو آهي ۽ رياست توهين عدالت ڪندڙن سان گڏ ناهي هوندي. ميگا مني لانڊرنگ ريفرنس تي دليل ڏيندي آصف زرداري جي وڪيل لطيف کوسي چيو ته آصف زرداري کي جيل ۾ ذاتي مشقتي فراهم ڪيو وڃي. جنهن تي نيب پراسيڪيوٽر چيو ته جيل ۾ ئي ڪنهن قيدي کي بطور مشقتي فراهم ڪري سگهجي ٿو. نيب پراسيڪيوٽر چيو ته ائين نٿو ٿي سگهي ته ٻاهران ڪنهن کي آڻي جيل ۾ بطور مشقتي رکيو وڃي. قانون غير لاڳاپيل ماڻهن کي جيل ۾ بطور مشقتي قيدي سان گڏ رهڻ جي اجازت نٿي ڏئي سگهجي. عدالت جيل ۾ آصف زرداري کي سهولتون فراهم ڪرڻ بابت درخواست تي فيصلو محفوط ڪري ورتو. احتساب عدالت آصف زرداري ۽ فريال ٽالپر جي جوڊيشل رمانڊ ۾ واڌ ڪندي ڪيس جي ٻڌڻي 12 نومبر تائين ملتوي ڪري ڇڏي. پارڪ لين ريفرنس جي ٻڌڻي به 12 نومبر تائين ملتوي ڪري ڇڏي. عدالت ۾ پيشي جي موقعي تي اڳوڻي صدر آصف علي زرداري سان چيئرمين پيپلز پارٽي بلاول ڀٽو ۽ آصفه به ملاقات ڪئي. راجه پرويز اشرف، فيصل ڪريم ڪنڊي، رحمان ملڪ، مهرين ڀٽو ۽ ٻيا پارٽي اڳواڻ به ملاقات ۾ شريڪ ٿيا.03

0Shares

اپنا تبصرہ بھیجیں