ن ليگ پاران فضل الرحمان جي آزادي مارچ ۾ شرڪت جو فيصلو، حڪومت جي خاتمي لاءِ تحريڪ هلائڻ جو اعلان

لاهور(بيورو)مسلم ليگ نون ليگ طرفان جي يو آءِ ف جي آزادي مارچ ۾ باضابطه طور شرڪت جو فيصلو ڪري ڇڏيو، شهباز شريف چيو آهي ته نواز شريف جو حڪم مٿانهون آهي، ن ليگ آزادي مارچ ۾ ڀرپور نموني شرڪت ڪندي، هو چيلهه ۾ تڪليف سبب رڳو لاهور ۾ ريلي جي قيادت ڪندو، جنهن بعد احسن اقبال جي قيادت ۾ اڳواڻ ۽ ڪارڪنن اڳتي وڌندا.لاهور جي ماڊل ٽائون واري علائقي ۾ شهباز شريف جي صدارت هيٺ ن ليگ جو اعليٰ سطحي اجلاس ٿيو.اجلاس ۾ ن ليگ ترجمان مريم اورنگزيب،  احسن اقبال، راڻا تنوير، راڻا مشهود، حنيف عباسي، امير مقام، عبدالقادر بلوچ ۽ ٻين شرڪت ڪئي.اجلاس ۾ مسلم ليگ نون پاران مولانا فضل الرحمان جي آزادي مارچ ۾ شرڪت جو فيصلو ڪيو ويو.ن ليگ صدر شهباز شريف چيلهه جي تڪليف سبب لاهور ۾ ريلي جي قيادت ڪندو.احسن اقبال جي قيادت ۾ اڳواڻ ۽ ڪارڪن آزادي مارچ ۾ شرڪت ڪندا.ان موقعي تي شهباز شريف نواز شريف جو خط پڙهي ٻڌائيندي چيو ته نواز شريف جو حڪم مٿانهون آهي، ن ليگ آزادي مارچ ۾ ڀرپور نموني شرڪت ڪندي، چيلهه ۾ تڪليف سبب رڳو لاهور ۾ ريلي جي قيادت ڪندس، جنهن بعد احسن اقبال جي قيادت ۾ اڳواڻ ۽ ڪارڪنن اڳتي وڌندا. صحافين سان ڳالهائيندي احسن اقبال چيو ته اجلاس ۾ شهباز شريف نوازشريف جو لکيل خط پڙهي ٻڌايو جنهن ۾ پارٽي جي لاءِ آئنده جي حڪمت عملي جا تفصيل ڏنا ويا هئا. احسن اقبال ٻڌايو ته نوازشريف جي هدايتن تي ئي ڀرپور مهم جي شروعات ڪئي وڃي ته جيئن حڪومت کان ڇوٽڪارو حاصل ڪري سگهجي.ان جي هدايت  جي پارٽي طرفان مڪمل حمايت ڪئي وئي آهي. سڀاڻي اسان جو وفد جي يو آءِ(ف) جي اڳواڻ مولانا فضل الرحمان سان ملاقات ڪندو ۽ کيس نوازشريف جي خط  بابت آگاهه ڪندو. ملاقات ۾ آزادي مارچ جي حوالي سان لائحه عمل جوڙيو ويندو. احسن اقبال چيو ته نواز شريف حڪومت جي خاتمي لاءِ تحريڪ هلائڻ جي هدايت ڪئي آهي ن ليگ ۾ ڪي به اختلاف ناهن شهباز شريف پارٽي جو صدر آهي ۽ صدر رهندو نواز شريف جي نظريي تي اعتماد آهي هن چيو ته عمران خان چوندو رهيو ته هڪ سال تائين پرڏيهي نه ويندو مهانگائي ۽ بيروزگاري وڌي رهي اهي حڪومت کان ڇوٽڪاري لاءِ تحريڪ هلائينداسين.03