فضل الرحمان جو مارچ چورن جي آزادي لاءِ آهي، جيلن وارا مولانا کي ڍال طور استعمال ڪن پيا: وفاقي سرڪار

0Shares

لاهور (بيورو) اطلاعات بابت وزيراعظم جي خاص مددگار فردوس عاشق اعواڻ چيو آهي ته نواز شريف جي ڳالهين کانپوءِ مولانا جي مارچ جي ٻلي ٿيلهي مان ٻاهر اچي وئي، ثابت ٿي ويو ته مارچ ڪشميرين نه چورن جي آزادي لاءِ آهي، ماڊل ٽائون ۾ ٿيندڙ اجلاس به ان راند جو حصو آهي. سماجي رابطن واري ويب سائيٽ ٽوئيٽر تي ٽوئيٽ ڪندي ۽ لاهور ۾ ميڊيا سان ڳالهائيندي فردوس عاشق اعواڻ چيو ته نواز شريف ۽ شهبازشريف، سميع الله ۽ ڪليم الله جي راند کيڏي رهيا آهن، ڪڏهن بال شهباز شريف ته ڪڏهن نواز شريف وٽ هوندو آهي، ٻئي گول ڪرڻ ۾ ناڪام آهن، ڇو ته ٻنهي جي گول پوسٽ ڌار ڌار آهي. هن چيو ته اڄ ماڊل ٽائون ۾ ٿيندڙ اجلاس به ان راند جو حصو آهي، نواز شريف جي ڳالهين بعد مولانا جي مارچ جي ٻلي ٿيلهي مان ٻاهر اچي وئي، ثابت ٿي ويو مولانا جو مارچ ڪشميرين نه چورن جي آزادي لاءِ آهي. سندس چوڻ هو ته اهي مظلومن لاءِ نه ڪرپشن جي بادشاهن جي سياسي ۽ معاشي روزگار کي تحفظ ڏيڻ لاءِ نڪري رهيا آهن، مولانا فض الرحمان سياسي حلوي جو شوقين آهي، جيڪو حاصل ڪرڻ لاءِ اسلام آباد ۾ لاڪ ڊائون نه ڪري. فردوس عاشق اعواڻ چيو ته ڏيهي ۽ پرڏيهي آقائن کي خوش ڪرڻ لاءِ ڀارت خلاف ڪاري ڏهاڙي کي سياست لاءِ چونڊيو ويو آهي. هن چيو ته جيلن وارا فضل الرحمان کي ڍال طور استعمال ڪري رهيا آهن ملڪي مفادن ۾ ڳالهيون ٿي سگهن ٿيون ٻي صورت ۾ ڪي به ڳالهيون نه ڪنداسين حڪومت ڪنهن سان به  سياسي انتقام نه وٺي رهي آهي نواز شريف جو فيصلو سپريم ڪورٽ ۾ ۽ احتساب عدالت ڪيو پي ٽي آءِ حڪومت کي قرض ورثي ۾ مليا ماضي جي حڪمرانن ملڪ کي قرضي ڪيو هن چيو ته نواز شريف جي فضل الرحمان کي پيغام واري خط جو حشر به قطري خط جهڙو ٿيندو. ٻئي طرف هوا بازي واري وفاقي وزير غلام سرور خان چيو آهي ته مولانا فضل الرحمان سان ڪو مسئلو آهي ته اسان ڳالهين جي لاءِ تيار آهيون. وفاقي وزير چيو ته 27 آڪٽوبر تي ڪشميري عوام ڪارو ڏينهن ملهائيندو آهي، مولانا جي ايجنڊا واضح ناهي ته آزادي مارچ آهي ڪهڙي شئي جو؟ هو وڃي لائن آف ڪنٽرول تي ڌرڻو ڏئي، حڪومت هن جو ساٿ ڏيندي. هن چيو ته وزير اعظ۾ گذريل ڏينهن پاڻ ئي چيو هو ته نه ڪنهن کي مجاز قرار ڏنو آهي نه ڪنهن ڪميٽي جي ضرورت آهي جهڙي ريت مولانا جي حڪمت عملي هوندي اهڙي ئي حڪومت جي هوندي. وفاقي وزير غلام سرور چيو آهي ته مولانا ڪشمير ڪميٽي جو چيئرمين هو ته هڪ لفظ ڪشمير تي نه ڳالهايو، هاڻ جڏهن دنيا ڪشمير تي ڳالهائي رهي آهي ته مولانا ان کي خراب نه ڪري. غلام سرور خان وڌيڪ چيو ته فضل الرحمان سان ڪو مسئلو آهي ته اسان ڳالهين جي لاءِ تيار آهيون. وفاقي وزير غلام سرور خان چيو ته حڪومت فضل الرحمان سان ڳالهين لاءِ تيار آهي فضل الرحمان کي اسلام آباد اچڻ جي ڪهڙي ضرورت آهي فضل الرحمان جي حڪمت عملي کانپوءِ اسان پنهنجو پلان تيار ڪنداسين فضل الرحمان ڪنٽرول لائين تي ڌرڻو هڻي اسان حمايت ڪنداسين اسان جي ڌرڻي جو مقصد هو فضل الرحمان جو ڪهڙو مقصد آهي جو ڌرڻو هڻي رهيو آهي فصل الرحمان ڪرپشن جي بادشاهن جي سياسي ۽ معاشي روزگار کي تحفظ ڏيڻ لا3 ٻاهر نڪري رهيو آهي.03

0Shares

اپنا تبصرہ بھیجیں