فضل الرحمان پنهنجي ٻڏندڙ سياست کي بچائي رهيو آهي، احتساب تي سوديبازي نه ٿيندي: وزيراعظم

0Shares

اسلام آباد (بيورو) وزيراعظم عمران خان چيو آهي ته قوم تي مولانا فضل الرحمان جي سياسي مقصد وڌيڪ عيان ٿيڻ گهرجن، هو پنهنجي احتجاج لاءِ هاڻ 27 آڪٽوبر جي تاريخ نه بدلائي.تفصيل موجب وزيراعظم عمران خان جي صدارت هيٺ حڪومتي ۽ پارٽي ترجمانن جو اجلاس ٿيو اجلاس جي اندروني ڪهاڻي سامهو اچي وئي. هن اهم اجلاس ۾ مولانا فضل الرحمان ۽ مخالف ڌر جي احتجاج تي به ڳالهه ٻولهه ڪئي وئي. ذريعن موجب اجلاس ۾ وزيراعظم عمران خان چيو ته مولانا فضل الرحمان پنهنجي ٻڏندڙ سياست کي بچائي رهيو آهي. حڪومت مدرسن ۾ ريفارمز آڻي رهي آهي جنهن جي مولانا کي فڪر آهي. وزيراعظم عمران خان چيو ته مدرسن جي اصلاحات تي مولانا وڌيڪ پريشان آهي. مدرسن ۾اصلاحات سان طالب اهڙن سياسي مقصدن جي لاءِ استعمال نه ٿي سگهندا. هن چيو ته عوام جي جان مال جو تحفظ يقني بڻايو ويندو، احتساب تي ڪابه سوديبازي نه ٿيندي ذريعن موجب اجلاس ۾ شريڪ ٿيندڙن چيو ته مولانا فضل الرحمان هاڻ 27 آڪٽوبر جي تاريخ نه بدلائي ۽ اسلام آباد اچي وڃي. قوم تي به مولانا جا سياسي مقصد واضح ٿيڻ گهرجن. ٻئي طرف وفاقي گهرو وزير اعجاز شاهه هڪ بيان ۾ چيو آهي ته آزادي مارچ کي روڪڻ جي پهرين ذميواري صوبن جي آهي. اسلام آباد ۾ ايندا ته پوءِ اسان ڏسنداسين. جمعيت علماءِ اسلام (ف) جي سربراهه مولانا فضل الرحمان جي ممڪنه لاڪ ڊائون جي باري ۾ ميڊيا سان ڳالهائيندي اعجاز شاهه  جو چوڻ هو ته ان باري ۾ خيبرپختونخواهه جي وڏي وزير جو بيان ته توهان ٻڌو هوندو. ريڊ زون جي ڳالهه ڪئي وڃي ته هتي قلم 144 لاڳو آهي. هتي ڪنهن کي داخل ٿيڻ نه ڏينداسين. وفاقي گهرو وزير اعجاز شاهه ٻڌايو ته پهرين پوليس ئي مارچ کي ريڊ زون ۾ داخل ٿيڻ کان روڪيندي. آخري آپشن فوج هوندو. هن واضح ڪيو ته جيڪو به قانون هٿ ۾ کڻندو، ان کي قانوني ڪارروائي کي منهن ڏيڻو پوندو.03

0Shares

اپنا تبصرہ بھیجیں