قبائلي عوام دهشتگردن جي سهولتڪارن کان هوشيار رهن: آرمي چيف

0Shares

ميران شاهه(م ڊ) پاڪ فوج جي سربراهه جنرل قمر جاويد باجوه چيو آهي قبائلي عوام دهشتگردن جي سهولتڪارن ۽ معاونت ڪارن کان هوشيار رهن. آءِ ايس پي آر جي ڊي جي ميجر جنرل آصف غفور موجب آرمي چيف خيبرپختونخواهه جي ضل ميرانشاهه جو دورو ڪيو. دوري دوران هن قبائلي عمائدين سان ملاقات ڪئي ۽ خطاب ڪيو. آرمي چيف جو چوڻ هو ته پاڪ افغان سرحد تي خاردار تارون لڳائڻ سان دهشگردن جي آمد رفت گهٽ ٿي آهي. پاڪستان ۾ مستقل امن افغان امن سان جڙيل آهي. اتي مستقل امن جي لاءِ پاڪستان پنهنجو ڪردار ادا ڪري رهيو آهي. ڇو ته افغانستان اسان جو برادر اسلامي پاڙيسري ملڪ آهي. جيترو پاڪستان ۾ امن جي خواهشمند آهي اوترو ئي افغانستان ۾ آهي. قبائلي عمائدين سان خطاب ۾ هن چيو ته عمائدين پنهنجي نوجوانن جي رهنمائي ڪندا آهن. بزرگن جو تجربو ۽ دانش ۽ نوجوانن جي صلاحيتون ۽ انهن جي توانائي ڪاميابي جو فارمولو آهي. قبائلي عوام دهشتگردن جي سهولت ۽ معاونت ڪارن کان هوشيار رهن. آرمي چيف جنرل قمر جاويد باجوه جو چوڻ هو ته اهي عناصر پرامن شهرين جي وچ ۾ رهي دشمن قوتن جي ايجنڊا تي ڪم ڪندا آهن. انهن عناصرن کي طاقت جي ذريعي دٻائڻ مشڪل ڪم ناهي. سيڪيورٽي فورسز جي شهادتن جي باوجود اسان نٿا چاهيون ته انهن عناصرن سان نمٽڻ دوران عام شهري متاثر ٿين. گڏيل تعاون سان اهڙن دهشتگردن کي شڪست ڏئي سگهون ٿا. آرمي چيف جو چوڻ هو ته قبائلي علائقن ۾ ٿيندڙ ترقياتي منصوبن جي بروقت تڪميل سان امن ۽ استحڪام ۽ خوشحالي جو نئون دور شروع ٿيندو. آءِ ايس پي آر موجب جنرل قمر جاويد باجوه سان ملاقات دوران قبائلي عمائدين آرمي چيف کي قبائلي علائقن ۾ وڌيڪ ترقياتي منصوبن سان گڏ ٻين منصوبن جي جلد مڪمل ٿيڻ جي درخواست ڪئي. جڏهن ته قبائلي عمائدين آرمي چيف کي سيڪيورٽي جو ماحول بهتر رکڻ جي لاءِ پنهنجي تعاون جي يقين دهاني ڪرائي آهي.06

0Shares

اپنا تبصرہ بھیجیں