اڳوڻو صدر آصف زرداري اسپتال مان ڊسچارج، جيل منتقل، آصفه کي والد سان ملڻ نه ڏنو ويو

0Shares

اسلام آباد (بيورو) اڳوڻي صدر آصف زرداري کي هڪ ڀيرو ٻيهر اسپتال مان جيل منتقل ڪيو ويو . اڳوڻي صدر آصف زرداري کي پمز اسپتال مان هڪ ڀيرو ٻيهر اڊيالا جيل منتقل ڪيو ويو. اسلام آباد ۽ جيل انتظاميا اڳوڻي صدر کي بڪت بند گاڏي ذريعي جيل منتقل ڪري ڇڏيو. اختيارين  چيو آهي ته پمز اسپتال جي ماهر ڊاڪٽرز تي ٻڌل ميڊيڪل بورڊ آصف زرداري اوڪي جي رپورٽ پيش ڪري ڇڏي، جنهن کانپوءِ انتظاميا کيس ڊسچارج ڪيو ۽ جيل اختياريون کيس وٺي هليون ويون. ذريعن جو چوڻ آهي ته اسپتال ۾ آصف زرداري جي تڪليف جي حوالي سان ٽيسٽس ڪيون ويون آهن. واضح رهي ته اڳوڻي صدر آصف زرداري جي طبيعت خراب ٿيڻ بعد کيس پمز اسپتال جي ڪارڊيڪ سينٽر منتقل ڪيو ويو هو. ٻئي طرف پمز انتظاميا عاصفه ڀٽو ۽ نير بخاري کي آصف زرداري سان ملڻ کان روڪي ڇڏيو، جمعي تي پمز ۾ علاج هيٺ آصف علي زرداري جي عيادت لاءِ عاصفه ڀٽو ۽ نير بخاري اسپتال پهتا، انتظاميا عاصفه ڀٽو ۽ نير بخاري کي آصف سان ملڻ کان روڪي ڇڏيو، نير بخاري ٻڌايو ته عاصفه ڀٽو ۽ ٻيا اڳواڻ دروازي تي بيٺا آهيون ۽ اسان کي آصف زرداري سان ملڻ نٿو ڏنو وڃي، هن چيو ته عاصفه ڀٽو اسپتال پهچڻ کانپوءِ دروازو بند ڪيو ويو. ٻئي طرف آصفه ڀٽو اڳوڻي صدر آصف زرداري جي ٻيهر جيل منتقلي کي بنيادي انساني حقن جي ڀڃڪڙي قرار ڏيندي چيو آهي ته سندس والد کي ڪجهه به ٿيو ته ذميوار سليڪٽيڊ حڪومت هوندي. پيپلز پارٽي جي اڳواڻن سان گڏ ميڊيا سان ڳالهائيندي آصفه ڀٽو چيو ته اڳوڻي صدر ۽ سندس والد کي خطري ۾وڌو پيو وڃي، نيب ۽ عدالتي اختيارين جي موجودگيءَ ۾تيار ٿيل رپورٽ موجب ڊاڪٽرز جو چوڻ آهي ته آصف زرداري جي اهڙي آهي جو کيس اسپتال ۾ رهڻ گهرجي. آصفه ڀٽو والد آصف زرداري جي جيل منتقلي جي مذمت ڪئي ۽ اُن کي ناانصافي قرار ڏنو. سندس چوڻ هو ته اڄ جڏهن هو والد سان ملڻ وئي ته ڊاڪٽرز کيس ٻڌايو ته مٿن دٻاءُ آهي ته آصف زرداري کي جيل منتقل ڪيو وڃي، جڏهن ته سندس حالت جيل منتقل ٿيڻ جهڙي نه آهي.آصفه ڀٽو مطالبو ڪيو ته آصف زرداري کي فوري طور علاج لاءِ اسپتال منتقل ڪيو وڃي، جيڪڏهن کيس ڪجهه به ٿيو ته ذميوار سليڪٽيڊ حڪومت هوندي، آصف زرداري کي گهربل علاج نه ملڻ نه رڳو ناانصافي آهي پر بنيادي انساني حقن جي ڀڃڪڙي آهي. اُن موقعي تي پ پ اڳواڻ راجا پرويز اشرف، شيري رحمان، فرحت الله بابر ۽ ٻين به آصف زرداري کي جيل مان اسپتال منتقل ڪرڻ جو مطالبو ڪيو.03

0Shares

اپنا تبصرہ بھیجیں