گرينڊ ڊيموڪريٽڪ الائينس وزيراعليٰ سنڌ جي گرفتاري جو مطالبو ڪري ڇڏيو

0Shares

ڪراچي (اسٽاف رپورٽر )گرينڊ ڊيموڪريٽڪ الائينس جي ڊي اي جي ڪور ڪميٽي جو اهم اجلاس جي ڊي اي جي سربراهه پير پاڳاري جي صدارت ۾ ڪنگري هائوس ۾ ٿيو اجلاس ۾ پاڪستان مسلم ليگ فنڪشنل سنڌ جي صدر پير سيد صدرالدين شاه راشدي ,ايم پي اي سردار علي گوهر خان مهر ,غلام مرتضي جتوئي ,سيد غوث علي شاه ,پير سيد راشد شاه ,ذوالفقار مرزا ,ايم پي اي نند ڪمار گوڪلاڻي فقير وريام خاصخيلي ,نصرت سحر عباسي ,حسنين مرزا ,عارف مصطفي جتوئي ,حاجي منور عباسي ,عرفان الله مروت ,طارق حسن,سيد شفقت حسين شاه ,جلال شاه ڄاموٽ ۽ ٻين اڳواڻن شرڪت ڪئي اجلاس کانپوءِ صحافين کي بريفنگ ڏيندي پير سيد صدرالدين شاه راشدي چيو ته جي ڊي اي جي اڄوڪي اجلاس ۾ ڪشميرين سان يڪجهتي جو اظهار ڪيو ويو ڀارتي جارحيت جي مذمت ڪئي وئي ۽ مستقبل جي باري ۾ غور ويچار ڪيو ويو,هن چيو ته سنڌ حڪومت ۾ افراتفري متل آهي عمران خان اقوام متحده جي جنرل اسيمبلي کي خطاب ڪرڻ لاءِ وڃي پيو اميد آهي ته هو ڪشمير,افغانستان جي مسئلن سميت مني لارڊنگ خلاف به ڳالهائيندو ,هن چيو ته سنڌ ۽ پاڪستان جو مستقبل روشن آهي برساتن سنڌ ۾ تباهي مچائي چڏي آهي ڪئنالن کي پڪو ڪرڻ جي نالي تي ڪرپشن ڪئي وئي آهي, هن چيو ته اڄوڪي اجلاس ۾ سينيٽرن ايم اين ايز ايم پي ايز شرڪت ڪئي آهي ,اياز لطيف پليجو چيو ته جي ڊي اي جي اجلاس ۾ ان تي ڳڻتي جو اظهار ڪيو ويو ته اڌ سنڌ ٻڏل آهي ۽ اڌ سنڌ سڪي پيو سنڌ جي گادي جو شهر ٻڏل آهي حيدرآباد ٻڏل آهي گهرن ۾ برساتي ۽ گٽرن جو پاڻي بيٺل آهي سنڌ جا سمورا ضلعا برساتي پاڻي ۾ ٻڏل آهن ٻارنهن سالن کان اقتدار تي ويٺلن سنڌ جو جيڪو انفرااسٽرڪچر ڏنو اهو ناڪاره ٿي ويو آهي نوان ٺاهيل روڊ ناڪاره ٿي ويا آهن اربين رپين جي بجيٽ هڙپ ڪئي وئي آهي سنڌ جو وڏو وزير صرف فوٽو سيشن م مصروف آهي وزير اعليٰ ٻدائي ته هن ڪهڙي ڪرپٽ آفيسر خلاف ڪاروائي ڪئي آهي. هن چيو ته سردار علي گوهر خان مهر ۽ سيد صدرالدين شاه راشدي سياسي رابطن جي حوالي سان تفصيلي رپورٽ ڏني آهي,سنڌ م برسات دوران ڪرنٽ لڳڻ سبب ڪيترائي معصوم ماڻهو مري ويا جنهن تي ڪابه ڪميشن نه ٺاهي وئي زارا منگي جا قاتل گرفتار نه ٿي سگهيا آهن سنڌ ۾ ڊرينيج ۽ بندن جي بجيٽ جي وفاقي حڪومت تحقيقات ڪري ته اها ڪٿي خرڇ ڪئي وئي آهي هن چيو ته سکر لاڙڪاڻي ۽ ٻين ضلعن ۾ پاڻي ڏيڻ لاءِ خاص قدم کنيا وڃن تعليم ۽ صحت تي خاص توجهه ڏني وڃي ايڊز ۽ ايچ آءِ وي کي روڪيو وڃي ڪندڪوٽ جيڪب آباد سانگهڙ بدين عمرڪوٽ ۾ يونيورسٽيون قائم ڪيون وڃن ,هن چيو ته اسان ڪشمير م ٿيل ڀارتي جارحيت جي مذمت ڪيون ٿا ڪشمير ۾ ڪرفيو آهي ,هن چيو ته ايندڙ دور جي ڊي اي جو هوندو ,هن چيو ته ٻه هزار تيرنهن ۽ ارڙهن جي عام چونڊن م ادارن جي مينڊيٽ تي ڌاڙو هنيو ويوان موقعي تي سيد غوث علي شاه چيو ته ڪشمير پاڪستان جي ڪرنگهي جي هڏي جي حيثيت رکي ٿو انڊيا کي ڀڄڻ نه ڏينداسين ڪراچي پاڪستان جو صاف سٿرو شهر سڏائيندو هو هاڻي گندگي جو شهر سڏجي ٿو ,عرفان الله مروت چيو ته سنڌ جي ڪرپٽ حڪومت آهي نيب ستل آهي وزيراعليٰ کي گرفتار ڪري ڪراچي جو گند صاف ڪرڻ لاءِ زرداري کي سڏايو وڃي يا بلاول جي هٿ ۾ بيلچو ڏنو وڃي اياز لطيف وڌيڪ چيو ته اسان جهموريت جي دائري م رهندي تبديلي جي ڪوشش ڪيون پيا جي ڊي اي جمھوري طريقي سان تبديلي لاءِ ڪوشان آهي پيپلز پارٽي جا درجنين اسيمبلي ميمبر ڪنگري هائوس سان رابطي ۾ آهن. سنڌ ۾ڪرپشن جا رڪارڊ ٽوڙيا ويا آهن، وڏي وزير کي گرفتار ڪيو وڃي.03

0Shares

اپنا تبصرہ بھیجیں