ن ليگ جي نائب صدر مريم نواز ۽ نوازشريف جو ڀائيٽو يوسف عباس چوڌري شگرملز ڪيس ۾ گرفتار

0Shares

لاهور (بيورو): نيب مسلم ليگ ن جي نائب صدر مريم نواز ۽ نواز شريف جي ڀائيٽي يوسف عباس کي چوڌري شگر ملز ڪيس ۾ گرفتار ڪري ورتو.ذريعن موجب مريم نواز اڳوڻي وزيراعظم نوازشريف سان ملاقات جي لاءِ ڪوٽ لکپت جيل پهتي هئي جتي نيب ٽيم پهريان ئي موجود هئي جنهن  پوءِ جيئن ئي مريم نواز پهتي نيب کيس گرفتار ڪري ورتو.نيب طرفان جاري ڪيل پڌرائي موجب موريم نواز ۽ يوسف عباس کي چوڌري شگرملز ڪيس ۾گرفتار ڪيو ويو آهي، نيب چيئرمين جي حڪم تي ڊاڪٽرن جي ٽيم مريم نواز ۽ يوسف عباس جو طبي معائنو ڪندي جنهن کان پوءِ ٻنهي کي اڄ لاهور عدالت ۾ ريمانڊ لاءِ پيش ڪيو ويندو.نيب پڌرائي موجب پرڏيهي شيئر هولڊرز طرفان مريم نواخ کي شيئرز جي منتقلي جي تفصيلن تي وضاحت گھري وئي هئي، سڀني شيئرز جي منتقلي 21 مئي 2018 تي ڪرڻ جو انڪشاف ٿيو، شيخ زڪاالدين طرفان 20 لک 21 هزار 760 شيئرز مريم نواز جي نالي تي منتقل ڪيا ويا ۽ هاني احمد ڄام طرفان 97 هزار 33 شيئرز مريم نواز کي منتقل ٿيا.نيب ذريعن موجب نيب مريم نواز کان ان سوال جي وضاحت گھري هئي ته مريم نواز 70 لک شيئرز يوسف عباس کي منتقل ڪيا، اهي شيئرز 20.7.2011 تي يوسف عباس نصير عبدالله کي ٽرانسفر ڪيا ۽ ان کان پوءِ اهي شيئرز حسين نواز کي منتقل ڪيا ويا، نيب مريم نواز کان انهن شيئرز جون رسيدون، رقم جي ادائگي ۽ ايگريمنٽ جا تفصيل به ساڻ آڻڻ جو چيو هو. نيب ذريعن چيو آهي ته چوڌري شگرملز ڪيس ۾ مريم نواز 31 جولاءِ تي موڪليل سوالنامي جا اطمينان جوڳا جواب نه ڏنا هئا جنهن تي کيس ٻيهر سوالناما موڪليا ويا هئا ۽ کيس اڄ جواب ڏيڻ جي لاءِ طلب ڪيو ويو هو پر مريم نواز نيب ٽيم جي آڏو پيش ٿيڻ کان انڪار ڪري ڇڏيو هو. ذريعن موجب نيب طرفان مريم نواز کي ڏنل سوالنامي مان سرمائيڪاري ۽ ايراضي بابت مختلف سوال ڪيا ويا هئا ۽ اهو پڇيو ويو هو ته چوڌري شوگرملز جا تفصيل فراهم ڪيا وڃن ۽ اها مل ڪڏهن لڳائي وئي. سرمائيڪاري ڪٿان کان آئي ۽ شيئر هولڊر ڪير آهن. 01

0Shares

اپنا تبصرہ بھیجیں