وزيراعظم ڪوڙو آهي، نئون سينيٽ چيئرمين حاصل بزنجو ئي هوندو: بلاول ڀٽو

ڪراچي (اسٽاف رپورٽر) پ پ چيئرمين بلاول ڀٽو زرداري چيو آهي ته مريم نواز جي پريس ڪانفرنس سينسر ڪئي وئي، جنهن جي مذمت ڪيون ٿا، اها صحافت جي آزادي جي خلاف آهي.ڪراچي ۾ پريس ڪانفرنس ڪندي بلاول ڀٽو زرداري چيو ته مريم نواز پيءُ نواز شريف جي صحت بابت ڳالهايو، نواز شريف سميت ڀلي ڪهڙو به قيدي هجي ان کي صحت جون سموريون سهولتون ڏنيون وڃن، اهو انساني حقن جي زمري ۾ اچي ٿو ۽ رياست جي ذميواري آهي، جيڪڏهن ائين نٿو ٿئي ته عدالت کي ايڪشن وٺڻ گهرجي، اڳ انسان ٿيو پوءِ حڪمران بڻجو. سندس چوڻ هو ته عمران خان کي افغانستان بابت وڌيڪ واعدا نه ڪرڻ گهرجن ها، ڇو ته آمريڪا جڏهن ڏکيائين ۾ هوندو آهي ته پاڪستان تي دٻاءَ وجهندو آهي، عالمي سطح تي رابطن تي حڪومت جي حمايت ڪيون ٿا پر سٺو ٿئي ها ته وزيراعظم وڃڻ کان اڳ مخالف ڌر سان به ملاقات ڪري ها، هو ملڪ جي مخالفن بدران اپوزيشن کي ئي نشانو بڻائي رهيو آهي. هن چيو ته اسان جو وزيراعظم ڪوڙو آهي، ملڪ کان ٻاهر وڃي به ڪوڙ ڳالهائڻ کان نٿو مڙي، عمران خان ملڪ جو وزيراعظم بڻجي آمريڪا وڃي ها ته سٺو هو. پ پ چيئرمين دعويٰ ڪئي ته حڪومتي نمائندا اسان جي سينيٽرن سان رابطي ۾ آهن ۽ کين رقم جي آڇ ڪئي پئي وڃي ته پئسا وٺو ۽ ووٽ ڏنو پر ان باوجود نئون سينيٽ چيئرمين حاصل بزنجو ئي هوندو. بلاول ڀٽو زرداري وڌيڪ چيو ته 25 جولاءِ تي انساني حقن جا بکيا اڊيڙيا ويا، تنهن ڪري مخالف ڌر جماعتون سڀاڻي سڄي ملڪ ۾ ڪارو ڏينهن ملهائينديون ۽ چئني صوبن ۾ احتجاجي جلسا ۽ ريليون ڪڍيون وينديون. هن چيو ته سڀاڻي کان نعرو هوندو نامنظور- نامنظور احتجاجي تحريڪ شروع ٿيندي ٻئي طرف پ پ پ چيئرمين بلاول ڀٽو زرداري گهوٽڪي جي ننڍي اليڪشن جي ڪاميابي تي سردار محمد بخش خان مهر کي مبارڪ ڏيندي چيو آهي ته مان گهوٽڪي جي عوام جو ٿورائتو آهيان جنهن اسان سان گڏجي سليڪٽڊ وزيراعظم کي پيغام ڏنو آهي ته نئون پاڪستان نه کپي گهوٽڪي اليڪشن ۾ عوام دشمن بجيٽ، نئون پاڪستان ۽ تبديلي وارن جي هار ٿي بلاول ڀٽو زرداري چيو ته اڄ عوام دشمن بجيٽ، نئون پاڪستان ۽ تبديلي وارن کي هارايو آهي هاڻي اسان کي اسان جي عوام جي معاشي ۽ جمهوري حقن لاءِ جدوجهد ڪرڻي آهي هن ان موقعي تي گهوٽڪي جي عوام جا ٿورا مڃيندي چيو ته گهوٽڪي وارن سليڪٽڊ وزيراعظم کي اهو واضح پيغام ڏنو آهي ته نه کپي نئون پاڪستان نه کپي بلاول ڀٽو زرداري چيوت ه سردار محمد بخش خان مهر ڪٺپتلين آڏو ڪنڌ نه جهڪائيندو هن چيو ته عام چونڊن ۾ کٽيل سيٽ ڪنهن ٻئي کي ڏني ويئي عوام اليڪشن ڪرائي ٻيهر پاڪستان پيپلزپارٽي کي کٽرايو آهي پ پ پ چيئرمين چيو ته گهوٽڪي ڀٽو جو آهي خانڳڙهه ڀٽو جو آهي آءِ ايم ايف بجيٽ وارن لاءِ اين اي 205 جي شڪست پهرين شڪست آهي.03