پاڪستان انصاف واري عالمي عدالت ۾ ڪيس کٽي ورتو، ڪلڀوشن ياديو جي آزادي واري ڀارت جي درخواست رد

دي هيگ (م ڊ) ڪلڀوشن ياديو ڪيس ۾ عالمي عدالت انصاف جي فيصلي ۾ پاڪستان کي فتح حاصل ٿي آهي.ڀارتي جاسوس ۽ دهشتگردي ڪلڀوشن ياديو جي آزادي واري درخواست رد ڪري ڇڏي آهي. اهو پاڪستان جي تحويل ۾ رهندو. ڀارت پنهنجي جاسوس ڪلڀوشن ياديو جي آزادي جي لاءِ عالمي عدالت ۾ درخواست داخل ڪئي هئي. پاڪستان جي طرفان ان اهم ڪيس جي پيروي خاور قريشي ڪئي. عالمي عدالت ڪيس تي فيصلو 21 فيبروري 2019ع تي محفوظ ڪيو هو. عالمي عدالت جي پندرنهن رڪني بينچ جي سربراهه جج عبدالقوي احمد يوسف ڀارتي جاسوس ڪلڀوشن ياديو جي ڪيس جو فيصلو ٻڌايو. ان جو چوڻ هو ته ڪيس جي تفصلي شقن جي طرف نٿا وڃڻ چاهيون. پاڪستان ۽ ڀارت ويانا ڪنوينشن جا ميمبر آهن. ڀارت ويانا ڪنوينشن جي تحت ڪلڀوشن ياديو تائين ڪائونسلر پهچ گهري هئي. جڏهن ته پاڪستان ڀارتي موقف تي پنهنجا ٽي اعتراض پيش ڪيا. عالمي عدالت انصاف جي جج عبدالقوي احمد يوسف فيصلي ۾ چيو ته پاڪستان جو موقف آهي ته ڪلڀوشن ياديو ملڪ ۾ جاسوسي ۽ دهشتگردي ڪئي. جڏهن ته جعلي نالي تي پاسپورٽ جي ذريعي پاڪستان ۾ داخل ٿيندو رهيو. پاڪستان جو موقف هو ته ڀارت ڪلڀوشن ياديو جي شهريت جو ثبوت ڏيڻ ۾ ناڪام ويو آهي. فيصلي ۾ چيو ويو آهي ته ڪلڀوشن ياديو هڪ ڀارتي شهري آهي، پاڪستان ۽ ڀارت ڪلڀوشن ياديو کي هندستاني شهري تسليم ڪيو هو. پاڪستان جو موقف آهي ته جاسوس ۽ دهشتگرد کي ڪائونسلر تائين پهچ نٿي ڏئي سگهجي. ان ڪيس ۾ ويانا ڪنوينشن جو اطلاق نٿو ٿئي. عالمي عدالت انصاف ڪلڀوشن ياديو جي سزا ختم ڪري آزادي واري ڀارتي درخواست رد ڪندي چيو ته ان تي پاڪستان ۾ ڪيس هلڻ ويانا ڪنوينشن جي خلاف ورزي ناهي. عدالت گرفتاري جي بروقت اطلاع نه ڏيڻ وارو ڀارتي الزام هڪدم رد ڪندي چيو ته پاڪستان ڪلڀوشن ياديو کي گرفتار ڪرڻ بعد ان جي بروقت اطلاع ڀارتي اختيارين کي ڏني. دير سان آگاهه ڪرڻ وارو ڀارتي الزام غلط آهي. 25 مارچ 2016ع تي پاڪستان پاران ڀارتي هاءِ ڪميشن کي طلب ڪري احتجاج ڪيو ويو. جنهن کي ويانا ڪنوينشن جي تحت معطل ڪرڻ مڃي سگهجي ٿو. فيصلي ۾ چيو ويو آهي ته ڀارت ٻين عالمي قانون جي مبينا خلاف ورزي ضرور ڪئي. جڏهن ته پوءِ به پاڪستان کي چئون ٿا ته ڀارت کي ڪلڀوشن ياديو تائين ڪائونسلر پهچي ڏئي. ڪلڀوشن کي سزاءِ موت نه ڏيڻ، آزادي ۽ ڀارت جي حوالي ڪرڻ واري درخواست رد ڪئي وڃي ٿي.03