جج کي هٽائڻ کانپوءِ نواز شريف خلاف فيصلو ڪالعدم ٿي چڪو آهي: شهباز شريف

0Shares

اسلام آباد (بيورو) مسلم ليگ ن جي صدر شهباز شريف چيو آهي ته احتساب عدالت جي جج کي هٽائڻ کانپوءِ نواز شريف خلاف فيصلو ڪالعدم ٿي چڪو آهي.مسلم ليگ جي صدر شهباز شريف احتساب عدالت جي جج کي هٽائڻ تي رد عمل ۾ چيو ته سچائي ثابت ٿيڻ تي اسان الله تعاليٰ جو شڪر ادا ڪريون ٿا. هن چيو ته وڊيو ۽ ان سان جڙيل سموريون حقيقتون سچ ثابت ٿيون آهن. سندس چوڻ هو ته احتساب عدالت جي جج کي هٽائڻ کانپوءِ نواز شريف خلاف فيصلو ڪالعدم ٿي چڪو آهي.شهباز شريف چيو ته نواز شريف کي جيل ۾ هڪ منٽ به رکڻ هاڻي غير قانوني آهي تنهن ڪري جج کي عهدي تان هٽائڻ کانپوءِ نواز شريف کي فوري طور آزاد ڪيو وڃي جڏهن ته نواز شريف خلاف دٻاءَ تحت فيصلي کي ڪالعدم قرار ڏنو وڃي.هن چيو ته جج هٽائڻ کانپوءِ نواز شريف کي جيل ۾ رکڻ جو جواز ختم ٿي ويو آهي، جڏهن ته انصاف جون گهرجون پوريون ڪندي نواز شريف کي فور طور تي آزاد ڪيو وڃي. ٻئي طرف مسلم ليگ ن جي نائب صدر مريم نواز احتساب عدالت جي ارشد ملڪ کي عهدي تان هٽائڻ جي فيصلي تي چيو آهي ته اعليٰ عدليه حقيقتن کي قبول ڪري ورتو آهي.ٽويٽر تي بيان جاري ڪندي مريم نواز چيو ته الله جو شڪر آهي پر معاملو جج کي معطل ڪرڻ جو ناهي پر ان فيصلي کي معطل ڪرڻ جو آهي جيڪو هن جج ڏنو. هن چيو ته معاملو ڪنهن جج کي ڪڍڻ جو ناهي پر ان فيصلي کي عدالت جي رڪارڊ مان ڪڍڻ جو آهي جيڪو هن جج دٻاءَ ۾ ڏنو. سندس چوڻ هو ته معاملو ڪنهن جج کي فارغ ڪرڻ جو ناهي پر ان فيصلي کي فارغ ڪرڻ جو آهي.مريم نواز چيو ته جج کي فارغ ڪرڻ جو مطلب آهي ته اعليٰ عدليه حقيقتن کي قبوليو آهي، ايئن آهي ته فيصلو ڪيئن برقرار رکيو پيو وڃي جيڪو جج ڏنو، فيصلو ڏيندڙ جج کي سزا ٻڌائي وئي ته بيگناهه نواز شريف کي آزاد ڇو نه پيو ڪيو وڃي. مريم نواز چيو ته جيڪڏهن هڪ جج مس ڪنڊڪٽ جو ذميوار ٿيو آهي ۽ کيس عهدي تان هٽايو ويو آهي ته ان مس ڪنڊڪٽ جو نشانو ٿيندڙ کي ڪيئن سزا ڏئي سگهجي ٿي.هن چيو ته نوازشريف 3 ڀيرا وزيراعظم جي عهدي تي رهندڙ پاڪستان جو پهريون ۽ واحد شخص آهي ۽ اهو شخص اڄ بي گناهه ثابت ٿيڻ باوجود جيل جي سلاخن جي پويان قيد آهي. اهو ڪٿي جو انصاف آهي. ڇا صرف جج کي ئي عهدي تان هٽائڻ ڪافي آهي. هوڏانهن مسلم ليگ(ن) جي  ترجمان مريم اورنگزيب چيو آهي ته احتساب عدالت جي جج کي هٽائڻ کان پوءِ نوازشريف خلاف ڏنل فيصلي کي به ڪالعدم قرار ڏنو وڃي.  مريم اورنگزيب جج ارشد ملڪ کي هٽائڻ جي فيصلي تي پنهنجي رد عمل ۾ هڪ بيان ذريعي چيو آهي ته نوازشريف جي خلاف فيصلي کي به ڪالعدم قرار ڏنو وڃي ۽ فوري طور تي کيس آزاد ڪيو وڃي. تصديق ٿي وئي آهي ته وڊيو اصلي آهي. جج صاحب پاڻ مڃيو آهي ته دٻاءُ تي فيصلو ڪيو ويو. هن چيو ته نواز شريف خلاف فيصلي جي قانوني حيثيت پاڻمرادو ختم ٿي وئي آهي. جج کي هٽائڻ سان ثابت ٿي ويو آهي ته مريم نواز جيڪي حقيقتون عوام آڏو آنديون اهي درست آهن.03

0Shares

اپنا تبصرہ بھیجیں