عدليه کي جج ارشد ملڪ جي وڊيو جو نوٽيس وٺڻ گهرجي، احتساب جو عمل جاري رهندو: وزيراعظم

اسلام آباد (بيورو) وزيراعظم چيو آهي ته عدليه کي جج جي مبينه وڊيو جي نوٽيس وٺڻ گهرجي (ن) ليگ ماضي ۾ به عدليه تي دٻاءُ وجهندي رهي آهي نئون پاڪستان آهي هاڻي ايئن نه هلندو عدليه وڊيو لنڪ جو نوٽيس وٺي جيڪو فيصلو ڪري حڪومت مڪمل سهولت ڏيندي سومر تي وزيراعظم جي صدارت هيٺ ترجمانن جو اجلاس ٿيو جنهن ۾ ملڪي موجوده سياسي صورتحال تي صلاح مشوره ڪيا ويا ذريعن موجب وزيراظم جلاس کي خطاب ڪندي چيو ته ملڪي وقار ۽ قومي ادارن تي حملا برداشت نه ڪيا ويندا ادارن کي تڪراري بنائڻ جي ڪنهن به سازش کي ڪامياب نه ٿيڻ ڏينداسين هن چيو ته ادارن جي خلاف بيانن جو ڀرپور جواب ڏنو وڃي عمران خان چيو ته ادارن کي تڪراري بنائڻ جي ڪوشش ڪئي پئي وڃي هن چيو ته (ن) ليگ ماضي ۾ به عدليه تي دٻاءُ وجهندي رهي آهي عمران خان هڪ دفعو ٻيهر واضح ڪيو ته احتساب جو عمل جاري رهندو جج جي مبينه وڊيو تي عمران خان چيو ته عدليه آزاد ۽ خود مختيار آهي عدليه کي مبينه وڊيو جو نوٽيس وٺڻ گهرجي وزيراعظم چيو ته اپوزيشن حڪومتي قدمن تي اعتراض اٿاري سگهي ٿي ان لاءِ معاملو عدليه تي ڇڏڻ چاهيون ٿا هن چيو ته مبينه وڊيو جو فارنزڪ آڊٽ ضروري اهي چاهيون ٿا ته عدليه حڪم ڏي. وزيراعظم عمران خان چيو ته ان معاملي ۾ حڪومت کي ڌر نه بڻجڻ گهرجي، عدليا آزاد ۽ خودمختيار آهي، عدليا کي مبينا وڊيو جو نوٽيس وٺڻ گهرجي. ٻئي طرف وزيراعظم عمران خان آصف زرداري ۽ نوازشريف کي ڪابه رعايت نه ڏيڻ جو فيصلو ڪندي ٻنهي اڳواڻن جي صدر طور ۽ وزيراعظم پرڏيهي دورن جو تفصيل طلب ڪري ورتو خانگي ٽي وي حڪومتي ذريعن ٻڌايو ته وزيراعظم عمران خان آصف زرداري ۽ نوازشريف کي ڪابه رعايت نه ڏيڻ جو فيصلو ڪيو آهي وزيراعظم پرڏيهي وزارت کان 2008 کان هن وقت تائين آصف زرداري ۽ نوازشريف جي علاج تي ٿيندڙ خرچ به طلب ڪري ورتا ان کان علاوه ڪابينه ڊويزن کان ڪئمپ آفيس جا خرچ ۽ سيڪيورٽي تي خرچن جو تصيل طلب ڪيو ويو آهي ذريعن موجب ٻنهي دورن ۾ پارليامينٽ ميمبرن جي دورن ۽ ٻاهرين ملڪ علاج جو تفصيل طلب ڪيو آهي جڏهن ته وزيراعظم عمران خان خرچن جو تفصيل ظاهر ڪرڻ جو به فيصلو ڪيو آهي.03