سليڪٽيڊ وزيراعظم ۾ ملڪ هلائڻ جي اهليت ۽ صلاحيت ناهي: بلاول ڀٽو

پشاور(م ڊ) پاڪستان پيپلز پارٽي جي چيئرمين بلاول ڀٽو زرداري چيو آهي ته منهنجي شادي ويجهي آهي پر تفصيل نه ٿو ٻڌائي سگهان. پشاور پريس ڪلب ۾ ميٽ دي پريس کي خطاب ڪندي بلاول ڀٽو زرداري چيو ته 18 هين ترميم تي حملا ٿي رهيا آهن، وزيراعظم ان ترميم کي واپس ڪرڻ لاءِ ڪوششون ڪري رهيو آهي، واضح ڪرڻ چاهيان ٿو ته هر قسم جو دٻاءُ برداشت ڪرڻ لاءِ تيار آهيان پر 18 هين ترميم پنهنجي نظرين ۽ اظهار جي آزادي تي ڪوبه ڇيهو رسڻ نه ڏينداسين. بلاول ڀٽو چيو ته پريس ڪلب ۾ اسان مشرف جي آمريت جو مقابلو ڪيو وري ڪنهن آمر جو مقابلو ڪرڻو پيو ته ملڪ جون سموريون پريس ڪلب اسان سان گڏ هونديون، هن چيو ته اليڪشن ۾ انتهاپسندي کي هٿي ڏني وئي، سياست بدران ذاتيات کي نشانو بڻايو ويو، اڄ جيڪو ڪجهه ٿي رهيو آهي جمهوريت ناهي اڄ پارليامينٽ وٽ اها طاقت ناهي اسان پنهنجي انساني حقن تي سوديبازي ڪندا پيا وڃون. ان کان اڳ پيپلز پارٽي جي چيئرمين بلاول ڀٽو زرداري 5 جولاءِ ڪاري ڏينهن جي موقعي تي پيغام ۾ چيو ته آمرن ۽ انهن جي ڪٺ پتلين معاشري، معيشت ۽ جاگرافيا کي سخت نقصان پهچايو، ضياءَ منشيات ۽ غير قانوني هٿيارن سان ملڪ ۾ نفرت، لسانيت ۽ مذهبي نفرتن جو ٻج پوکيو جڏهن ته شهيد ڀٽو سمجهندو هو ته غربت قدرت جي نه انسانن جي پيدا ڪيل آهي، شهيد ڀٽو پوري قوم کي جاڳايو ۽ ان کي بااختيار بڻايو. بلاول چيو ته بيگم ڀٽو ۽ شهيد بي بي ملڪ ۾ جمهوريت جي بحالي لاءِ جدوجهد ڪئي، قائد عوام طرفان ڪمزور طبقن کي بااختيار بڻائڻ تي استحصالي گروهه جاڳي پيو جڏهن ته استحصالي گروهه جي سازشن شهيد ڀٽو جي حڪومت جو خاتمو ڪيو. بلاول ڀٽو چيو ته سينيٽ چيئرمين کي هٽائي سگهون ٿا ڪٺ پتلي حڪومت خلاف نئين نسل کي گڏ ڪندس پاڪستان ۾ جمهوري ۽ انساني حقن غضب ڪيا پيا وڃن، ملڪ ۾ جمهوريت هوندي ته آمريت کي موقعو نه ملندو هن چيو ته  منهنجو خاندان ۽ پارٽي کي جيل ۾ بند ڪري ڇڏيو پوءِ به موقف تان هٿ نه کڻنداسين 73ع جي آئين ۽ 18هين ترميم تي حملا ٿي رهيا اهن 18 هين ترميم کي ختم ڪرڻ جون سازسون ٿي رهيون آهن عمران خان پاڻي حوالي سان بيان ڏنو هن چيو ته سليڪٽيڊ وزيراعظم به ملڪ هلائڻ جي صلاحيت ناهي، اسان ضياءَ ۽ مشرف جي آمريت جو مقابلو ڪيو.03