مخالف ڌر سئو ڀيرا احتجاج ڪري، اسان بجيٽ منظور ڪرائينداسين، عوام جي زندگي ۾ خلل وجهڻ تي قانون حرڪت ۾ ايندو: وزيراعظم

اسلام آباد (بيورو) وزيراعظم عمران خان ڪابينا ميمبرن کي بجيٽ منظور ڪرائڻ لاءِ ٽينشن نه ڪرڻ ۽ مخالف ڌر جي ڪنهن بليڪ ميلنگ ۾ نه اچڻ جي هدايت ڪندي چيو آهي ته اپوزيشن توهان کي ڪنهن هنڌ ڳالهائڻ نٿي ڏئي ته توهان به ڳالهائڻ نه ڏيو، پنهنجي موقف تان پوئتي نه هٽو ۽ سر جو جواب پٿر سان ڏيو جيڪڏهن مخالف ڌر احتجاج ڪرڻ چاهي ٿي ته سئو ڀيرا ڪري، عوام جي زندگي ۾ خلل وڌو ويو ته قانون حرڪت ۾ ايندو، ذريعن موجب وزيراعظم عمران خان جي صدارت هيٺ وفاقي ڪابينا جو اجلاس ٿيو جنهن ۾ حڪومت مخالف ڌر کي منهن ڏيڻ لاءِ حڪمت عملي تيار ڪئي، وزيراعظم سمورن وزيرن کي اپوزيشن جي زبان ۾ جوابڏيڻ جي هدايت ڪئي، اسيمبلي سان گڏ ميڊيا تي به پنهنجي موقف تي قائم رهو ۽ ڀرپور جواب ڏيو، ذريعن موجب وزيراعظم چيو ته مان ڊڄڻ ناهي سکيو ۽ نه ئي بليڪ ميل ٿيندو آهيان توهان کي صلاح ڏيان ٿو ته ڪنهن مصلحت جو شڪار نه ٿيو ۽ سر جو جواب پٿر سان ڏيو. ٻئي طرف حڪومت نيب جي ڊپٽي چيئرمين حسين اصغر کي ڪرپشن جي جاچ ڪندڙ ڪميشن جو سربراهه بڻائڻ جو فيصلو ڪيو آهي.  وزيراعظم عمران خان بجيٽ کانپوءِ قوم کي خطاب ۾ 10 سالن دوران اڳوڻي حڪومتن لاءِ قرضن جي جاچ لاءِ ڪميشن بڻائڻ جو فيصلو ڪيو هو جيڪا قرضن جي استعمال ۽ ڪرپشن جي جاچ ڪندي.  ذريعن موجب نيب جي ڊپٽي چيئرمين حسين اصغر کي ڪميشن جو سربراهه بڻائڻ جو فيصلو ڪيو آهي. حسين اصغر اڳوڻو پوليس آفيسر آهي ۽ ڊائريڪٽر اينٽي ڪرپشن پنجاب سميت ايف آءِ اي ۾ به خدمتون سرانجام ڏئي چڪو آهي.ذريعن موجب حڪومت ڊپٽي چيئرمين نيب حسين اصغر کي جاچ ڪميشن جو سربراهه بنائڻ جو فيصلو ڪيو آهي. حسين اصغر کي ڪميشن جو چيئرمين بنائڻ جو فيصلو وفاقي ڪابينا جي اجلاس ۾ ڪيو ويو جڏهن ته امڪان آهي ته حسين اصغر ڊپٽي چيئرمين نيب جو عهدو ڇڏي ڏئي. ڪابينا اجلاس بعد ميڊيا کي بريفنگ ڏيندي سڌسماءُ واري صلاحڪار فردوس اعواڻ چيو ته اجلاس ۾ احتساب بابت اهم اڳڀرائي ٿي آهي انڪوائري ڪميشن جوڪريڊٽ وزيراعظم عمران خان ڏانهن وڃي ٿو حڪومتون اينديون وينديون رهنديون پر ڪميشن ڪم ڪندي رهندي ماضي ۾ وزيراعظم پيرن کان وڌيڪ چادر ڦهلائيندا رهيا ڪرپشن سبب جيل ويندڙ پاڻ کي سياسي قيدي سڏائي رهيا آهن ان موقعي تي شهزاد اڪبر چيو ته نيب جي ڊپٽي چيئرمين حسين اصغر  کي انڪوائري ڪميشن سربراهه بڻائڻ جي منظوري ڏئي وئي آهي انڪوائري ڪميشن آئين ۽ قانون آهي.03