گرينڊ ڊيموڪريٽڪ الائينس شفاف احتساب لاءِ سنڌ حڪومت کي فوري طور هٽائڻ جو مطالبو ڪري ڇڏيو

ڪراچي (اسٽاف رپورٽر )گرينڊ ڊيموڪريٽڪ الائينس مطالبو ڪيو آهي ته صاف شفاف احتساب لاءِ بنا دير سنڌ حڪومت کي هٽايو وڃي ڇاڪاڻ ته سنڌ حڪومت جي موجودگي م احتساب وارو عمل سخت متاثر ٿيندو ,جي ڊي اي ملڪ م وڌندڙ مهانگائي تي سخت ڳڻتي جو اظهار ڪندي مطالبو ڪيو ته مهانگائي تي ضابطو آندو وڃي جي ڊي اي جي سربراه پير پاڳاري  جي صدارت ۾  جي ڊي اي جي ڪور ڪميٽي جو اجلاس ٿيو ,اجلاس ۾ پير سيد صدرالدين شاه راشدي , سيد غوث علي شاه ,غلام مرتضي جتوئي ,ڊاڪٽر ارباب غلام رحيم ,سردار عبدالرحيم ,ڊاڪٽر ذوالفقار مرزا,سيد ظفر علي شاه ,ڊاڪٽر صفدر عباسي ,ايم پي اي نند ڪمار گوڪلاني شهريار مهر,سيد شفقت حسين شاه چيتن مل آرواڻي ,مخدوم فضل حسين ,سيد جلال شاهه ڄاموٽ عرفان الله مروت ۽ ٻين شرڪت ڪئي اجلاس کي خطاب ڪندي حرن جي روحاني پيشوا پير پاڳاري چيو ته سنڌ م ڪرپشن ۽ زرعي تباهي جي ذميدار پيپلزپارٽي جي حڪومت آهي ,حڪمرانن ۽ ڪامورن کي ڪرپشن جو حساب ڏيڻو پوندو ,سنڌ جي عوام سان انصاف جي ڊي اي جي حڪومت ڪندي  هاڻي سنڌ ڪارڊ نه هلندو، صحافين کي بريفنگ ڏيندي پير سيد صدرالدين شاه راشدي چيو ته قرباني واري عيد کان اڳ گهڻيون قربانيون ٿينديون , سنڌ جا سمورا وسيلا بي دردي سان لٽيا ويا آهن ,سنڌ کي بهتر گورننس جي ڊي اي ڏيندي ,سنڌ جا ماڻهون هاڻي ڪرپشن ء ڦرمار خلاف اٿي کڙا ٿين پوري سنڌ سڪي ويران ٿي ويعي آهي ۽ پيپلز پارٽي بيان ڏيڻ م پوري آهي ,هن چيو ته ڪرپٽ ماڻهون پنهنجن ٻارن کي پروموٽ ڪرڻ چاهين ٿا پر انهن جي اولادن پويان ڪير به احتجاج نه ڪندو ۽ نه وري لٺيون کائيندو ,اياز لطيف پليجو چيو ته ملڪ ۾ مهانگائي تي سخت ڳڻتي آهي مهانگائي تي ڪنٽرول ڪيو وڃي ,هن چيو ته ڪرپٽ ماڻهن جي گرفتاري ڪافي نه آهي انهن کي سزا به ڏيڻ گهرجي ,هن چيو ته سنڌ جي وحدت خلاف هڪ لفظ به برداشت نه ڪنداسين سنڌ حڪومت سمورن ادارن کي ڪرپشن وسيلي تباهه ڪري چڏيو آهي سنڌ ۾ هيپاٽائيٽس ۽ ايڊز تباهي ڪري چڏي آهي پر حڪمران چون ٿا ايڊز وڏي بيماري نه آهي ,هن چيو ت پوليس آرڊر کي اسان قبول نٿا ڪيون آء جي کي بي اختيار ڪري سنڌ پوليس کي مرضي موجب استعمال ڪيو ويندو ,هن چيو ته صوبن کي قرضن  جي مد م ملندڙ رقم جو به حساب ڏيڻو پوندو ,ان موقعي تي  ذوالفقار مرزا چيو ته وڏين گرفتارين کانپوءِ ماڻهون مهانگائي کي وساري ويٺا آهن چور ۽ ڦورو پنهنجن جيلن م قيد آهن بلاول ڀٽو چئي ته اسان جي حڪومت سياسي انتقام تي يقين نٿي رکي مون سميت سوين بدين واسين خلاف ڪيس سياسي انتقام نه آهي ته ٻيو ڇا آهي ,هن چيو ته چوڌري نثار جي ڪاوش سان زرداري جي ڪرپشن سامهون آئي آهي.03