سنگين غداري ڪيس ۾ پرويز مشرف جو دفاع وارو حق ختم، وڌيڪ موقعو نٿو ڏئي سگهجي: خاص عدالت

اسلام آباد(بيورو) خاص عدالت غداري ڪيس ۾ پرويز مشرف جو دفاع جو حق ختم ڪندي چيو ته روپوش جوابدار وڪيل جون خدمتون حاصل نٿو ڪري سگهي قانون دفاع وزارت لاءِ وڪيلن جا نالا پيش ڪري قانون مطابق عدالت مشرف جي دفاع لاءِ پاڻ وڪيل مقرر ڪندي مشرف پاڻ کي قانون جي حوالي ڪري ته پنهنجي مرضي جو وڪيل ڪري سگهي ٿو جڏهن ته اڳوڻي صدر ۽ آرمي چيف جنرل رٽائرڊ پرويز مشرف سنگين غداري ڪيس ۾ هڪ دفعو ٻيهر عدالت ۾ پيش نه ٿيو ۽ ان جي وڪيل ٻڌايو ته هو ذهني ۽ جسماني طور تي مل۾ واپس اچڻ جهڙو نه آهي اربع تي جستس طاهره صفدر جي سربراهي ۾ خاص عدالت جي ٽن ميمبرن واري بئنچ پرويز مشرف جي خلاف سنگي غداري ڪيس جي ٻڌڻي ڪئي پرويز مشرف ٻيهر پيش نه ٿيو ۽ ان جي وڪيل خاص عدالت کان مشرف جي پيشي لاءِ هڪ ٻيو موقعو ڏيڻ جي اپيل ڪري ڇڏي وڪيل چيو ته پرويز مشرف زندگي جي جنگ وڙهي رهيو آهي تنهنڪري هو واپس نٿو اچي سگهي سندس وزن تيزي سان گهٽجي رهيو آهي هو ويل چيئر تي آهي ۽ پنڌ به نٿو هلي سگهي هر تاريخ ٻڌڻي تي ڪيس جي التوا جي اپيل تي اسان کي به شرمساري ٿي آهي سندس دل جي ڪيموٿراپي ٿي رهي آهي جنهن کان پوءِ صحت وڌيڪ خراب ٿئي ٿي کيس هڪ موقعو ٻيو ڏنو جو هو پاڻ عدالت ۾ پيش ٿي سگهي انساني همدردي تحت هڪ ٻئي موقعي جي اپيل ڪري رهيو آهيان استغاثا جي وڪيل ڊاڪٽر طارق حسن عدالت کي درخواست ڪئي ته مشرف جو بيان وڊيو لنڪ جي ذريعي قلمبند ڪرڻ جو موقعو ڏيو عدالت ٻڌڻي ملتوي ڪرڻ جي درخواست تي فيصلو محفوظ ڪري ڇڏيو جنهن کان پوءِ عدالت فيصلو ٻڌائيندي سنگين غداري ڪيس ۾ پرويز مشرف جو دفاع وارو حق ختم ڪري ڇڏيو عدالت چيو ته روپوش جوابدار وڪيل به نٿو ڪري سگهي. عدالت قانون واري وزارت کان مشرف جي دفاع لاءِ وڪيل جا نالا طلب ڪندي چيو ته قانون مطابق عدالت مشرف جي دفاع لاءِ پاڻ وڪيل مقرر ڪندي. عدالت مشرف جي بريت جي درخواست به نه ٻڌڻي جوڳي قرار ڏيندي ڪيس جي ٻڌڻي 27 جون تائين ملتوي ڪري ڇڏي.