ضياءَ ۽ ايوبي آمريت جو مقابلو ڪيو، گرفتارين سان ڊيڄاري نٿو سگهجي: بلاول

0Shares

اسلام آباد(بيورو) پ پ چيئرمين بلاول ڀٽو چيو آهي ته نيب مخالف ڌر کي حراسان ڪري رهي آهي. عدليا تي به سازش تحت حملو ڪيو ويو. اسان ڪنهن کان ڊڄڻ وارا ناهيون. اسان ضياءُ الحق ۽ ايوب خان جي آمريت جو مقابلو ڪيو آهي. سچ ته اهو آهي ته اسٽيبلشمينٽ ئي سڀ ڪجهه هلائي رهي آهي. سي اسي جي ميٽنگ ۾ آئنده جو لائحه عمل جوڙيو ويندو. قانون آهي ته قومي اسيمبلي جي ميمبر جي گرفتاري کان پهرين قومي اسيمبلي جي اسيپڪر کان اجازت وٺڻي پوندي آهي. قانون جي حڪمراني تي يقين رکون ٿا. صحافين سان ڳالهائيندي هن چيو ته لڳي ٿو ته حڪومت قومي اسيمبلي جو اجلاس هلڻ نٿي ڏئي. پروڊڪشن آرڊر آصف زرداري جو حق آهي. لاڙڪاڻي مان چونڊيل قومي اسيمبلي جي ميمبر کي ڳالهائڻ جي اجازت ناهي ڏني وئي. آصف زرداري جي سڀني دوستن کي جيلن ۾ وڌو ويو. سويلين ملڪن ۾ فوج بارڊر، بينڪر ۾ هوندي آهي. اسان ان ڪري جمهوريت کي مضبوط ڪرڻ جي ڪوشش ڪري رهيا آهيون. بار بار جمهوري سسٽم هلندو ته ادارا مضبوط ٿيندا. جهڙي طرح ناني ذوالفقار علي ڀٽو ۽ والده مقابلو ڪيو، مان به ڪندس، سچ ته اهو ئي آهي. بلاول ڀٽو چيو ته حڪومت سليڪٽڊ ميڊيا، سليڪٽڊ مخالف ڌر ۽ سليڪٽڊ عدليا چاهي ٿي، بجيٽ ۾ غريبن تي ٻوجهه وڌو پيو وڃي. مون کي قومي اسيمبلي ۾ ڳالهائڻ جو موقعو نٿو ڏنو وڃي. گذريل اجلاس ۾ به مون کي ڳالهائڻ نه ڏنو ويو. اڄ مون کي  مائيڪ ڏيڻ جو واعدو ڪيو ويو هو. حڪومت جي ٽن وزيرن اسيمبلي ۾ تقرير ڪئي. حڪومت جمهوري، انساني حقن تي حملا ڪري رهي آهي. سنڌ اسيمبلي جي اسپيڪر جي گهر حملو ڪيو ويو. چادر ۽ چارديواري جو تقدس پائمال ڪيو ويو. هن جو چوڻ هو ته قومي اسيمبلي جي اسپيڪر کي وزيرستان سان تعلق رکندڙ ٻن ميمبرن جي باري ۾ خط لکيو هو. وزيرستان جي ميمبرن جي پروڊڪشن آرڊر جو به مطالبو ڪيو هو. ڪوڙ ڳالهايو ويو ته خط ناهي مليو. اسپيڪر ۽ ڊپٽي اسپيڪر کي مستعفي ٿيڻ گهرجي. ٻنهين جي روين جي مذمت ڪريون ٿا. اڄ قومي اسيمبلي ۾ جيڪو ڪجهه ٿيو اهو سڀني ڏٺو. هڪ سوال جي جواب ۾ هن چيو ته ملڪي مسئلا وڌيڪ آهن، ڪا به هڪ پارٽي حل نٿي ڪر سگهي. جي يو آءِ (ف) جي امير مولانا فضل الرحمان جڏهن به اي پي سي سڏائيندو شرڪت ڪرڻ جي لاءِ وينداسين. بلاول چيو ته عليمه خان جو احتساب ڪڏهن ٿيندو، جن کي ڃاهي ۽ بم ڌماڪان سان جهڪائي نهس گهيا اهي گرفتارين سان ڪيئن جهڪندا، آصف زرداري ڪيسن کي منهن ڏيندو.03

0Shares

اپنا تبصرہ بھیجیں