سياسي ۽ فوجي قيادت معاشي استحڪام لاءِ سمورن قدمن جي مڪمل حمايت ڪري ڇڏي

0Shares

اسلام آباد(بيورو) قومي سلامتي ڪميٽي جو اجلاس، ڀارتي چونڊن کانپوءِ جي صورتحال سميت مختلف معاملن تي غور. تفصيل موجب وزيراعظم عمران خان جي صدارت هيٺ قومي سلامتي ڪميٽي جو اجلاس ٿيو، آرمي چيف جنرل قمر جاويد باجوا، سامونڊي فوج جي سربراهه ايڊمرل ظفر محمد الله عباسي، ايئر چيف مارشل مجاهد انور خان، اٽارني جنرل انور منصور خان، گلگت-بلتستان جي وڏي وزير حافظ حفيظ الرحمان، ڊي جي آءِ ايس آءِ  ليفٽيننٽ جنرل سيد عاصم منير، ڊي جي آءِ ايس پي آر ميجر جنرل آصف غفور شرڪت ڪئي. اجلاس ۾ بچاءَ وارو وزير پرويز خٽڪ، گهرو وزير اعجاز احمد شاهه، ناڻي وارو صلاحڪار عبدالحفيظ شيخ، علي امين گنڊاپور ۽ قانون وارو وفاقي وزير فروغ نسيم پن شريڪ ٿيا. ذريعن موجب قومي سلامتي جي اجلاس ۾ خطي جي تبديل ٿيندڙ صورتحال ۽ عالمي حالتن جو جائزو ورتو ويو، جڏهن ته ڀارتي چونڊن کانپوءِ جي صورتحال تي پڻ غور ويچار ڪيو ويو. اجلاس ۾ آمريڪا-ايران ڇڪتاڻ جي حوالي سان معاملن جو جائزو ورتو ويو، ملڪ جي سلامتي صورتحال ۽ دهشتگردي جي خلاف قدمن تي پڻ ڳالهه ٻولهه ڪئي وئي، جڏهن ته ملڪي معيشت ۽ ٻين درپيش چيلينجن تي پڻ خيالن جي ڏي وٺ ڪئي وئي.   ٻئي طرف وزيراعظم عمران خان سان پاڪ فوج جي سربراهه جنرل قمر جاويد باجوا جي ملاقات پڻ ٿي، جنهن ۾ سيڪيورٽي معاملن تي خيالن جي ڏي وٺ ڪئي وئي. نيشنل سيڪيورٽي ڪميٽي جي اجلاس کانپوءِ جاري ڪيل پڌرنامي موجب اجلاس ۾ خطي جي تازو ٿيل اڳڀرائين، خاص طور تي جيو اسٽريٽجڪ ماحول تي خيالن جي ڏي وٺ ڪئي وئي. پڌرنامي ۾ چيو ويو ته فورم علائقائي امن ۽ استحڪام جي حوالي سان پاڪستان پاران ڪوششون جاري رکڻ جو عزم ورجايو، فورم ملڪ جي معاشي معاملن جي پائيدار حل جي ڪوششن جي حمايت ڪئي. ان موقعي تي وزيراعظم عمران خان چيو ته فيصلي سازي جي عمل ۾ گلگت-بلتستان جي عوام خاص طور تي نوجوانن کي ترجيح ڏيڻ گهرجي.

0Shares

اپنا تبصرہ بھیجیں