اپوزيشن حڪومت خلاف سرگرم، آصف زرداري ۽ فضل الرحمان وچ ۾ ملاقات

0Shares

اسلام آباد  (بيورو) اڳوڻي صدر آصف علي زرداري ۽ جي يو آءِ (ف) سربراهه مولانا فضل  الرحمان عيد کانپوءِ حڪومت خلاف سرگرميون تيز ڪرڻ جو فيصلو ڪري ڇڏيو، ٻنهي اڳواڻن اتفاق ڪيو آهي ته مهانگائي سبب عوام پريشان آهي سياسي جماعتن سان رابطا جاري رکيا ويندا. اڳوڻي صدر آصف علي زرداري ۽ مولانا فضل الرحمان وچ ۾ اسلام آباد ۾ ملاقات ٿي، جنهن دوران حڪومت مخالف تحريڪ هلائڻ تي خيالن جي ڏي وٺ ڪئي وئي. گذريل رات ٻنهي اڳواڻن ۾ ٿيل ملاقات ۾ سياسي جماعتن سان رابطا جاري رکڻ تي اتفاق ڪيو ويو. ذريعن موجب، ملاقات دوران آءِ ايم ايف ۽ ٻين قومي مسئلن تي به خيالن جي جي ڏي وٺ ڪئي وئي، جڏهن ته ٻنهي اڳواڻن پاران اثرائتي ايجنڊا کڻي عوام ڏانهن وڃڻ جو فيصلو ڪيو ويو. ملاقات ۾ عيد کانپوءِ اسلام آباد ڏانهن مارچ جي حڪمت عملي تي به غور ڪيو ويو. ٻنهي اڳواڻن اتفاق ڪيو ته حڪومت خلاف ميدان تي اچڻ لاءِ تياريون تيز ڪرڻيون پونديون، عوام مهانگائي سبب تنگ ٿي چڪو آهي. آصف زرداري مولانا فضل الرحمان سان ملاقات دوران کيس عمري جون واڌايون به ڏنيون. ٻئي طرف  پ پ چيئرمين بلاول ڀٽو مخالف ڌر پارٽين جي اڳواڻن کي آڄ آچر تي اسلام آباد ۾ افطار ڊنر تي گهرائي ورتو، ان ڏس ۾ مريم نواز ۽ حمزه شهباز سميت سينيئر اڳواڻن کي دعوت ناما موڪليا ويا آهن، ذريعن موجب مريم نواز، فضل رحمان، اسفند يار ولي، سراج الحق کي وفدن سميت شرڪت جي دعوت ڏني وئي آهي، ذريعن موجب افطار ڊنر کان اڳ مخالف ڌر اڳواڻن جو گڏيل صلاح مشوري وارو اجلاس ٿيندو جنهن ۾ ملڪ جي سياسي صورتحال معاشي بحران سميت اهم معاملن تي خيالن جي ڏي وٺ ڪئي ويندي، ذريعن موجب حڪومت خلاف تحريڪ سميت مختلف معاملن تي ڳالهه ٻولهه ٿيندي، ذريعن موجب ن ليگ قيادت ڪيترن ئي سالن کانپوءِ زرداري هائوس ۾ ڪنهن اجلاس ۾ شرڪت ڪندي، مريم اونگزيب موجب مريم نواز ۽ حمزه شهباز وفد سان گڏ افطار ڊنر ۾ شرڪت ڪندا، بلاول ڀٽو سينيٽر سراج الحق کي افطار ڊنر جي دعوت ڏني، سراج الحق ٻاهرين ملڪ هئڻ سبب شرڪت نه ڪندو، جڏهن ته جماعت اسلامي جو وفد پ پ جي افطار ۾ شرڪت ڪندو، پ ذريعن موجب بلاول ڀٽو مريم نواز کي ٽيليفون ڪري کيس ۽ ن ليگ کي آچر تي افطار ڊنر ۾ شرڪت جي دعوت ڏني جيڪا مريم نواز قبول ڪري ورتي، بلاول ڀٽو، مولانا فضل رحمان ۽ اسفند يار ولي سان فون تي رابطو ڪيو، بلاول ڀٽو محمود اچڪزئي، اختر مينگل کي فون ڪري افطار ڊنر ۾ اچڻ جي دعوت ڏني، بلاول ڀٽو آفتاب شير پائو ۽ اويس شاهه نوراني کي افطار ڊنر جي دعوت ڏني، بلاول ڀٽو پاران مخالف ڌر اڳواڻن کي هڪ پچ تي آندو ويندو، افطار ڊنر ۾ عوامي احتجاجي تحريڪ جي حوالي سان ڳالهيون ٿينديون، مريم اورنگزيب خانگي ٽي وي سان ڳالهائيندي چيو ته مريم نواز جي سربراهي ۾ ن ليگ جو وفد افطار ڊنر ۾ شرڪت ڪندو، وفد ۾ حمزه شهباز ۽ سينيئر اڳواڻ به شامل هوندا.04

0Shares

اپنا تبصرہ بھیجیں