غير محفوظ رت، غير محفوظ انجيڪشن جو استعمال ۽ ووٽيڪل ٽرانسميشن ايڊز پکڙجڻ جا وڏا ڪارڻ قرار

0Shares

لاڙڪاڻو/رتوديرو(بيورو رپورٽ+ن هه) صحت کاتي جي صوبائي وزير سنڌ ڊاڪٽر عذرا پيچوهو ڪمشنر آفيس لاڙڪاڻو ۾ پريس ڪانفرنس ڪندي چيو آهي ته ڪجھ ڏينهن اڳ ضلعي لاڙڪاڻي جي رتوديرو شهر واسي ٻارڙن سميت وڏن/ ۾ ايڇ آءِ وي ايڊز ظاهر ٿيڻ کان پوءِ مختلف ادارن ۽ آغا خان اسپتال سميت ڊائو يونيورسٽي جي ڊاڪٽرن تي مشتمل هڪ ٽيم جوڙي وئي هئي جيڪا هن وقت تائين معاملي جي جاچ ڪري رهي آهي ته آخر ايڇ آءِ وي ايڊز جهڙو مرض ڪٿان شروع ٿيو آهي، جنهن کان پوءِ اسان ڪجھ ميڊيڪل ڪئمپون قائم ڪيون هيون ته ماڻهن جي ٽيسٽ ڪئي وڃي ته ٻيو ڪو ته ان مرض ۾ مبتلا نه آهي، جڏهن ته ان ڪئمپن تي ماڻهن جي تمام وڏي رش هجڻ سبب ڊاڪٽرن ۽ اسٽاف کي سخت تڪليف ٿي رهي هئي، ان لاءِ اسان هن وقت ضلعي لاڙڪاڻي جي ٻين شهرن توڙي ڳوٺن سعيدو ديرو، ڳوٺ پير بخش، ڳوٺ لاشاري، نئون ديرو ۽ ڳڙهي خدا بخش ڀٽو ۾ وڌيڪ ميڊيڪل ڪئمپون قائم ڪرڻ جو فيصلو ڪيو آهي، جتي عام ماڻهن اچي پنهنجي ايڇ آءِ وي ٽيسٽ ڪرائي سگهندا، هن چيو ته قائم ڪيل ميڊيڪل ڪئمپن مان 11 هزار کان وڌيڪ ٻارڙن سميت ٻين ماڻهن جون ٽيسٽون ڪيون ويون آهن، جن مان ڪيترن کي ايڇ آءِ وي ايڊز ظاهر ٿي آهي، جڏهن ته ايڇ آءِ وي مرض ۾ مبتلا مريضن جو علاج بهتر نموني ڪرايو ويندو، جيڪا اسان جي ذميواري آهي، هن وڌيڪ چيو ته لاڙڪاڻي جي پرنٽ ۽ اليڪٽرانڪس ميڊيا پاران ايڇ آءِ وي ايڊز ۾ مبتلا مريضن جا نالا، ذات، ايڊريس ۽ فوٽو ظاهر ڪرڻ وارو عمل افسوس ناڪ هيو، ڇو ته لا ۾ اهو پڻ آهي ته ايڇ آءِ وي ايڊز ۾ مبتلا ڪنهن به مريض جي ڊٽيل ظاهر ناهي ڪرڻي، جيڪڏهن اوها ڊٽيل ظاهر ٿي ته ان مريض سميت معاشري تي هڪ وڏو اثر پوندو آهي، جڏهن ته هن وقت جيڪڏهن پرنٽ ۽ اليڪٽرانڪس ميڊيا اهڙو عمل ٻيهر ڪيو ته انهن کي نوٽيس جاري ڪري سندن خلاف قانوني ڪاروائي ڪئي ويندي، صوبائي وزير هيلٿ جو وڌيڪ چوڻ هيو ته ضلعي لاڙڪاڻي سميت ضلعي قمبر شهدادڪوٽ ۽ ٻين شهرن توڙي ڳوٺن ۾ عطائي ڊاڪٽرن خلاف ڪاروايون ڪندي 400 سو جي لڳ ڀڳ عطائي ڊاڪٽرن گرفتار ڪري سندن جون ڪليئنڪون ۽ ليبارٽريون مڪمل طور تي سيل ڪيون ويون آهن، جڏهن ته لاڙڪاڻي مان ڪجھ شڪايتون اوهي پڻ مليون آهن ته ايڇ آءِ وي ايڊز وڌڻ جو سبب اوهو پڻ آهي جو ڪجھ ماڻهو استعمال ٿيل سرنج کي ٻيهر پيڪ ڪري مارڪيٽ ۾ وڪرو ڪن پيا، جنهن کي نظر ۾ رکندي اسان سرڪاري توڙي نجي اسپتالن جي انتظاميه کي سختي سان هدايتون جاري ڪيون آهن ته سرنج کي هڪ دفعو استعمال ڪيو وڃي ۽ ٻاهر جيڪا سرنج اچي ٿي ان کي چيڪ ڪيو وڃي يا وري جيڪا سرنج استعمال ٿئي ٿي ته ان کي مڪمل طور تي ناڪارا ڪيو وڃي ته جيئن اوهو ٻيهر استعمال ڪرڻ جي قابل نه رهي، هن وڌيڪ چيو ته هن وقت ضرورت ان ڳالھ جي پڻ آهي ته اسان کي عام ماڻهن ۾ ڄاڻ ڏيڻي آهي ته هن موضي مرض مان ڪيئن بچڻ لاءِ احتيات ڪيو وڃي، ڇو ته هي مرض سڄي زندگي مريض سان هوندو، جڏهن ته يو اين اين جا ڪجھ ڊونر اسان سان هن وقت گڏ آهن ۽ ايندڙ بجيٽ جو ڪجھ حصو ايڇ آءِ وي ايڊز جي مريض لاءِ رکيو ويندو، هن وڌيڪ چيو ته لاڙڪاڻي شهر جي چانڊڪا ميڊيڪل اسپتال جي حالت ڳڻتي جوڳي آهي، جنهن لاءِ ايندڙ بجيٽ مان ڪجھ حصو ان لاءِ پڻ رکيو ويندو ته جيئن اسپتال کي بهتر نموني هلائي سگهجي، ان موقعي تي يو اين اين جا عملدار، ڪمشنر لاڙڪاڻو، ڊپٽي ڪمشنر لاڙڪاڻو، ڊي ايڇ او، ايم ايس لاڙڪاڻو سميت ٻيا عملدار پڻ موجود هئا.

0Shares
کیٹاگری میں : سنڌ

اپنا تبصرہ بھیجیں