جعلي اڪائونٽس ڪيس: نيب آصف زرداري کي 16 مئي تي گهرائي ورتو

0Shares

اسلام آباد(بيورو) نيب جعلي اڪائونٽس ڪيس ۾ اڳوڻي صدر آصف علي زرداري کي 16 مئي تي هڪ دفعو ٻيهر طلب ڪيو آهي. قومي احتساب بيورو(نيب) جعلي بئنڪ اڪائونٽس ڪيس ۾ پيپلز پارٽي جي شريڪ چيئرمين آصف علي زرداري کي 16 مئي تي پيش ٿيڻ جي هدايت ڪري ڇڏي آهي. آصف زرداري کي 16 مئي تي نيب اولڊ هيڊ ڪوارٽر ۾ پيش ٿيڻ جو چيو ويو آهي. نيب ذريعن موجب اڳوڻي صدر آصف علي زرداري کي  هريش اينڊ ڪمپني ڪيس ۾ طلب ڪيو ويو آهي. هريش اينڊ ڪمپني پارڪ لين ڪمپني جي فرنٽ ڪمپني آهي هريش اينڊ ڪمپني سنڌ حڪومت کان واٽر سپلاءِ جو ٺيڪو حاصل ڪيو. نيب ذريعن موجب سنڌ ۾ واٽر سپلاءِ جي رٿا تي ڪم نه ڪيو ويو، هريش اينڊ ڪمپني جي اڪائونٽ مان نئون ديرو هائوس تي خرچ ڪيو ويو.  ذريعن موجب آصف زرداري کي گذريل هفتي به هريش اينڊ ڪمپني ڪيس ۾ طلب ڪيو ويو هو.  اڳوڻي صدر احتساب عدالت ۾ پيشي ۽ ٻين مصروفيتن سبب 15 ڏينهن جو وقت طلب ڪيو هو.  اڳوڻي صدر آصف علي زرداري جي اسلام آباد هاءِ ڪورٽ مان ورتل ضمانت 15 مئي تي ختم ٿي رهي آهي. ٻئي طرف نيب جعلي اڪائونٽس ڪيس ۾ اڳوڻي صدر آصف علي زرداري جي ضمانت واري درخواست تي جواب به تيار ڪيو آهي. ياد رهي ته آصف زرداري 9 مئي تي نيب کان معذرت ڪندي 15 ڏينهن جي مهلت گهري هئي. پر نيب طرفان 15 ڏينهن جي مهلت ڏيڻ کان انڪار ڪيو ويو هو. ٻئي طرف قومي احتساب بيورو (نيب) اڳوڻي صدر آصف زرداري خلاف جعلي اڪائونٽس ڪيس ۽ ڪيسن جي تفصيلن بابت آصف زرداري جي درخواست تي جواب تيار ڪري ورتو آهي. جيڪو اسلام آباد هاءِ ڪورٽ ۾ جمع ڪرايو ويندو.  اڳوڻي صدر آصف علي زرداري نيب ڪيسن جي تفصيل لاءِ اسلام آباد هاءِ ڪورٽ ۾ درخواست داخل ڪئي هئي. اڳوڻي صدر هن وقت تائين پنجن ڪيسن ۾ ضمانت حاصل ڪري رکي آهي. قومي احتساب بيورو جواب تيار ڪيو آهي. آصف زرداري خلاف ڪيسن ۽ انڪوائرين جي لسٽ اسلام آباد هاءِ ڪورٽ ۾ جمع ڪرائي ويندي. نيب ذريعن موجب جعلي اڪائونٽس ڪيس جون 22 انڪوائريون هلي رهيون آهن، پارڪ لين، توشا خانه گاڏين، بلٽ پروف گاڏين جي جاچ جاري آهي. جواب ۾ چيو ويو آهي نوري آباد پاور منصوبي، ٺٽي ۽ دادو شگر ملز جي انڪوائري جاري آهي. نيب جو چوڻ آهي ته جعلي اڪائونٽس ۾ نيب جون 6 انڪوائريون به جاري آهن ۽ جعلي اڪائونٽس جا چار ريفرنس به داخل ٿي چڪا آهن. نيب موجب  آصف علي زرداري خلاف جعلي اڪائونٽس ڪيس جون ٽوٽل 22 انڪوائريون هلي رهيون آهن.  جنهن ۾ ميگا مني لانڊرنگ، پنڪ ريزيڊنسي، واٽر سپلائي اسڪيمن جا ريفرنس داخل ٿي چڪا آهن. ياد رهي ته آصف زرداري نيب ۾ هلندڙ سمورن ڪيسن جا تفصيل حاصل ڪرڻ لاءِ درخواست داخل ڪئي هئي.

0Shares

اپنا تبصرہ بھیجیں