وزيراعظم پاران ٻيهر مهانگائي جو اعتراف، غريبن کي ڪڪڙيون، ٻڪريون ۽ ڳئون ڏيڻ جو اعلان

0Shares

اسلام آباد (بيورو) وزيراعظم عمران خان ٻيهر مهانگائي جو اعتراف ڪندي اڳوڻي حڪومت کي ذميوار قرار ڏئي ڇڏيو راولپنڊي چائلڊ اينڊ مڌرڪيئر اسپتال جو افتتاح ڪندي عمران خان چيو ته اسان کي حڪومت ملتي تڏهن ملڪ قرضن ۾ ٻڏل هو اڳوڻي حڪومت ملڪ تي 30 هزار ارب رپين جو قرض چاڙهي ڇڏيو هن چيو ته مون کي مهانگائي جو احساس آهي غريب ماڻهو سخت پريشان آهن بجلي ۽ گئس جا اگهه ڪمپنين تي قرض وڌي وڃڻ سبب وڌايا آهن عمران خان چيو ته قوم کي ڪجهه وقت مشڪل ۾ گذارڻو پوندو مرحيليوار سمورا معاملا حل ڪنداسين ملڪي معيشت جي بهتري لاءِ  قدم کڻي رهيا آهيون غريبن کي ڪڪڙيون ٻڪريون ۽ ڳئون ڏينداسين شهر ۾ سستا گهر ٺاهي ڏنا ويندا اسان اهڙي حڪمت عملي جوڙي رهيا آهيون منهن سان ملڪ ترقي ڪندو. ٻئي طرف وزيراعظم عمران خان چيو آهي ته ڏکيا فيصلا قوم ۽ ملڪ جي وسيع مفاد ۾ ڪري رهيا آهيون، ڪرپشن ۽ ترقي جو سفر گڏ نه ٿو هلي سگهي.  وزيراعظم عمران خان سان سندس پارلياماني معاملن بابت صلاحڪار بابر اعواڻ ملاقات ڪئي. ملاقات دوران آئيني، قانوني ۽ سياسي معاملن تي مشورا ڪيا ويا.  ان موقعي تي وزيراعظم عمران خان چيو ته قومي ادارن جي نئين سر تنظيم سازي جو عمل پٽڙي تان نه لهندو. هن چيو ته پاڪستان تيزيءَ سان معاشي استحڪام طرف وڌي رهيو آهي، قوم ڪرپشن ۽ غربت مان ڇوٽڪارو چاهي ٿي، مايوس نه ڪنداسين. سندس چوڻ هو ته ڏکيا فيصلا قوم ۽ ملڪ جي وسيع مفاد ۾ ڪري رهيا آهيون، ڪرپشن ۽ ترقي جو سفر گڏ نه ٿو هلي سگهي. بابر اعواڻ چيو ته قوم حڪومتي پاليسين تي ڀرپور اعتماد جو اظهار ڪيو آهي، قومي ترقي لاءِ ادارن جي مضبوطي ۽ نئين سر تنظيم سازي ضروري آهي. هن چيو ته  ڪرپشن جا مرڪزي ڪردار هڪ هڪ ڪري وائکا ٿي چڪا آهن، احتساب جو عمل بنا فرق جي جاري آهي، ڦرلٽ ڪندڙن کي انجام تائين پهچايو ويندو.

0Shares

اپنا تبصرہ بھیجیں