حڪومت مهانگائي جو طوفان آڻي ڇڏيو، پيٽرول 9.35 ۽ هاءِ اسپيڊ ڊيزل 4.89 رپيا في ليٽر مهانگا

اسلام آباد  (بيورو) پيٽرول 9.35 ۽ هاءِ اسپيڊ ڊيزل 4.89 رپيا في ليٽر مهانگا. تفصيل موجب  اي سي سي پاران پئٽرول جي قيمت 108 رپيا في ليٽر ڪرڻ جي منظوري ڏئي ڇڏي. ناڻي واري صلاحڪار حفيظ شيخ جي صدارت هيٺ اقتصادي رابطا ڪميٽي جو اجلاس ٿيو، اجلاس ۾  پيٽرول جي قيمت 9.35 رپيا واڌ سان 108 رپيا في ليٽر مقرر ڪرڻ جي منظوري ڏئي ڇڏي. جنهن موجب لائيٽ ڊيزل جي اگهه ۾ 6 رپيا 40 پئسا ۽ گاسليٽ جو اگهه 7 رپيا 46 پئسا  في ليٽر واڌ ڪرڻ جي منطوري ڏني وئي. سيڙپڪاري ڪانفرنس کي خطاب ڪندي ناڻي واري صلاحڪار حفيظ شيخ چيو ته مهانگائي هڪ مسئلو آهي جنهن تي حڪومت پريشان آهي، آءِ ايم ايف  سان ڳالهيون هلي رهيون آهن، معاملا جلد حل ٿي ويندا. نوان اگهه 7 مئي تي ڪابينا جي منظوري بعد لاڳو ٿيندا، وزارتن جي سپليمينٽري گرانٽ ۽ پنجاب رينجرز لاءِ ضمني گرانٽ جي سمري منظور ڪئي وئي ٻئي طرف وزيراعظم جي ناڻي جي صلاحڪار عبدالحفيظ شيخ واضح ڪيو ته تيل جي قيمت ڪنترول ڪرڻ حڪومت جي هٿ ۾ نه آهي آءِ ايم ايف سان معاملا جلد طئي ٿي ويندا جنهن کان پوءِ صورتحال بهتر ٿي ويندي دنيا ۾ ڪوبه ملڪ اڪيلي سر ترقي نٿو ڪري سگهجي گڏجي هلڻو پوندو جمعي تي تقريب کي خطاب ڪندي حفيظ شيخ چيو ته حڪومت خرچ گهٽائڻ لاءِ مضبوط قدم کنيا آهن هن چيو ته امپورٽ ۽ ايڪسپورٽ ۾ توازن آڻڻ جي ضرورت آهي هن چيو ته دنيا ۾ ڪنهن به ملڪ اڪيلي سر ترقي ناهي ڪئي موجود وسيلن مان ڀرپور فائدو وٺڻ لاءِ ڪوشان آهيون هن چيو ته آءِ ايم ايف سان ڳالهيون ٿي رهيون آهن معاملا جلد حل ٿي ويندا حفيظ شيخ چيو ته پي ٽي آءِ جي منشور موجب اقتصادي ترقي لاءِ قدم کڻي رهيا آهيون هن چيو ته احساس پروگرام تحت ڏتڙيل طبقن کي اڳيان آندو ويندو هن چيو ته ايندڙ بجيٽ ميڪرو اڪنامڪ فريم ورڪ جوڙيندو هن چيو ته نئين بجيٽ ۾ خرچ ۽ آمدني جي فرق کي گهٽائڻ لاءِ قدم کنيا ويندا هن چيو ته گذريل 13 سالن ۾ ڪابه ڪمپني خانڳائي ناهي ويئي منهنجي دور ۾ 34 ڪمپنيون خانڳايون ويون حفيظ شيخ چيو ته سيڙپڪاري کي هٿي وٺرائڻ لاءِ پهريان کان موجود سيڙپڪارن سان هاڪاري رويو اختيار ڪرڻو پوندو. حفيظ شيخ چيو ته  مهانگائي هڪ مسئلو آهي جنهن تي حڪومت پريشان آهي. هن چيو ته 13 سالن ۾ ڪنهن به اداري جي نجڪاري ناهي ڪئي وئي. 04