جعلي اڪائونٽس ڪيس: آصف زرداري ۽ فريال ٽالپر جي ضمانت ۾ 15 مئي تائين واڌ

0Shares

اسلام آباد (بيورو) اسلام آباد هاءِ ڪورٽ جعلي اڪائونٽ ڪيس ۾ اڳوڻي صدر آصف علي زرداري ۽ سندس ڀيڻ فريال ٽالپر جي ضمانت ۾ 15 مئي تائين واڌ ڪري ڇڏي. ٻڌڻي جسٽس عامر فاروق ۽ جسٽس محسن اختر ڪياني تي ٻڌل ڊويزن بئنچ ڪئي آصف علي زرداري ۽ فريال ٽالپر عدالت جي ڪمري ۾ موجود هئا ٻڌڻي شروع ٿي ته وڪيل فاروق ايڇ نائڪ چيو ته پارڪ لين، توشه خان، پنڪ ريزيڊنسي ۾ نيب انڪوائري ڪري رهي آهي جسٽس عامر فاروق پڇاڻو ڪيو ته ڇا نيب جي جواب جي ڪاپي اوهان کي ملي ويئي آهي فاروق ايڇ نائڪ ٻڌايو ته سمورا جواب ملي ويا آهن جسٽس محسن اختر ڪياني نيب کان پڇاڻو ڪيو ته نيب ڪهڙي انڪوائري ۾ گرفتاري وارنٽ جاري ڪيا سردار مظفر عباسي چيو ته پاڪ لين ۾ نيب گرفتاري وارنٽ جاري ڪيا آهن فاروق نائڪ چيو ته هاڻي جواب مليو آهي ان کي ڏسي جواب مٿان جواب ڏينداسين هن چيو ته ڊاڪٽر بن شاهه ڪيس ۾ ضمانت ٿي ۽ نيب ٻئي ڪال اپ نوٽيس ۾ گرفتار ڪري ورتو جسٽس محسن اختر ڪياني چيو ته نيب ٻڌائي ته ان کي ڪهڙي انڪوائري ۾ ان اسٽيج تي گرفتار ته ناهي ڪرڻو نيب پراسيڪيوٽر چيو ته هڪ انڪوائري ۾ گرفتاري وارنٽ جاري ڪيا آهن جسٽس محسن اختر ڪياني چيو ته سوال اهو آهي ته اوهان ان کي سرپرائز نه ڏيندا، نمبر مسئلو نه آهي پر خبر پوي ته ان جي خلاف ڪيتريون انڪوائريون هلي رهيون آهن نيب پراسيڪيوٽر چيو ته جنهن اسٽيج تي ان جو رول ايندو ان بابت ان کي ٻڌائي ڇڏينداسين جسٽس عامر فاروق چيو ته عجيب ڳالهه آهي جنهن جي خلاف ڪيس هلي رهيو آهي ان کي ٻڌائڻو نه آهي جسٽس عامر فاروق نيب پراسيڪيوٽر کي هدايت ڪئي ته جيتريون به انڪوائريون ان جي خلاف هلي رهيون آهن انهن بابت ٻڌايو هن چيو ته جيڪڏهن کين انڪوائري ۾ گهربل نه آهي ته نيب اٿارٽيز کان پڇا ڪري بيان ڏي جنهن کان پوءِ عدالت آصف زرداري ۽ فريال ٽالپر جي ڪچي ضمانت ۾ 15 مئي تائين واڌ ڪري ڇڏي اڳوڻي صدر آصف علي زرداري خلاف ڪيتريون انڪوائريون هلي رهيون آهن، نيب کان لکت ۾ جواب گهري ورتو.

0Shares

اپنا تبصرہ بھیجیں