گوادر ۾ دهشتگردي، بسن مان لاهي سڃاڻپ کانپوءِ اهلڪارن سوڌو 14 مسافر گوليون هڻي قتل

0Shares

ڪوئيٽا(م ڊ) بلوچستان صوبي جي ضلعي گوادر ۾ مڪران ڪوسٽل هاءِ وي تي اڻڄاتل هٿياربندن بس مان لاهي 14 مسافرن کي قتل ڪري ڇڏيو شهيدن ۾ پاڪستان ڪوسٽ گارڊ، نيوي جا اهلڪار به شامل هئا ٻن ڄڻن ڀڄي حياتيون بچايون ۽ ليويز کي واقعي جو اطلاع ڏنو سيڪيورٽي فورسز ذريعن موجب اربع ۽ خميس جيوچ واري رات گوادر ۾ مڪران ڪوسٽل هاءِ وي تي بزي ٽاپ جي هنڌ وٽ سيڪيورٽي فورسز جي وردي پهريل 15 کان 20 هٿياربندن ڪراچي کان گوادر ۽ گوادر کان ڪراچي ويندڙ مسافر بسن کي چيڪنگ جي بهاني روڪي بسن ۾ موجود مسافرن جا سڃاڻپ ڪارڊ چيڪ ڪيا ۽ مختلف بسن مان 16 ڄڻن کي لاهي پاڻ سان گڏ وٺي ويا جنهن کان پوءِ دهشتگردن هٿ ٻڌي 14 ڄڻن کي قتل ڪري ڇڏيو ۽ سندن لاش مڪران ڪوسٽل هاءِ وي تي نوربخش هوٽل ويجهو اڇلائي فرار ٿي ويا فائرنگ دوران ٻه مسافر موقعو ڏسي فرار ٿي وڃڻ ۾ ڪامياب ٿي ويا جن ويجهي ليويز ٿاڻي کي واقعي بابت اطلاع ڏنو واقعي بابت اطلاع ملندي ئي سيڪيورٽي فورسز واقعي واري هنڌ پهتي ۽ لاش تحويل ۾ وڍي اورماڙه اسپتال منتقل ڪري ڇڏي جتي لاشن جي سڃاڻپ يوسف، وسيم، فرحان الله، علي رضا، ذوالفقار، هارون، علي اصغر، حمزه، رضوان، ذهين جي نالن سان ٿي آهي جڏهن ته آخري اطلاعن تائين ٻين ماڻهن جي سڃاڻپ جاري هئي ذريعن موجب مارجي ويلن ۾ سرڪاري ملازم به شامل آهن جن جو تعلق پاڪستان نيوي، ايئرفورس، پاڪستان ڪوسٽ گارڊز سان ٻڌايو پيو وڃي ذريعن موجب بلوچستان جي چيف سيڪريٽري حيدر علي تصديق ڪئي ته هٿياربندن فرنٽيئر ڪور پس جون ورديون پهريل هيون گهرو سيڪريٽري ٻڌايو ته مقتولن ۾ نيوي ۽ ڪوسٽ گارڊ جا اهلڪار به شامل آهن واقعي کان پوءِ سيڪيورٽي فورسز گوادر ۽ ڀرپاسي ۾ سرچ آپريشن شروع ڪري جوابدارن جي ڳولا شروع ڪئي. آءِجي پي بلوچستان حسن بٽ مطابق بزي ٽاپ جي علائقي ۾ رات ساڍي 12 وڳي کان هڪ وڳي تائين اٽڪل 15 کان 20 هٿياربندن ڪراچي کان گوادر ايندڙ ويندڙ پنج کان 6 بسن کي روڪي ان ۾ موجود مسافرن جا سڃاڻپ ڪارڊ ڏٺا ۽ کين گاڏي تان لاهي قتل ڪري ڇڏيو. هن واقعي بابت ٻڌايو ته هي ٽارگيٽ ڪلنگ آهي ۽ مقتولن کي سندن سڃاڻپ ڪارڊ ڏسي ڀرسان کان گوليون هنيون ويون. ٻئي طرف بلوچ راجي آجوئي سنگر (براس) حملي جي ذميواري قبول ڪري ورتي آهي.

0Shares

اپنا تبصرہ بھیجیں