ڪو به ادارو بي لغام ناهي، پوليس ڪيستائين پاڻ کي بچائيندي، احتساب ٿيڻ گهرجي: مرتضيٰ وهاب

1Shares

ڪراچي(چيف رپورٽر) اطلاعات، قانون ۽ اينٽي ڪرپشن کاتن بابت وزيراعليٰ سنڌ جي صلاحڪار بئريسٽر مرتضيٰ وهاب چيو آهي ته احتساب سڀني جو ٿيڻ کپي پوليس به احتساب کان مٿاهين ناهي اسان جيڪو قانون ٺاهي رهيا آهيون ان ۾ڪنهن قسم جي مداخلت جو تصورئي ناهي، پر ڪنهن شهري سان نا انصافي ٿي ته ان کي انصاف ڏينداسي ڪنهن شهري سان نا انصافي ٿيندي ته ڪميٽي فيصلو ڪندي ڪميٽي ۾ سول سوسائٽي جا نمائندا شامل هوندا. اهڙن خيالن جو اظهار هن سنڌ اسيمبلي ۾ ميڊيا ڪارنر تي صحافين سان ڳالهائيدي ڪيو. هن چيو ته پوليس جو ڪم پوليسنگ ڪرڻ آهي اهو ڪهڙو طريقو آهي پوليس عوام تي فائرنگ ڪري.۽ انهن جي جانين سان کيڏي اسان چاهيون ٿا ته بهتري آڻيون ۽ قانون کي وڌيڪ بهتر بڻايون .هن چيو ته اسلام آباد ۽ ڪي پي ڪي پوليس حڪومت جي ماتحت آهي پر اعتراض سنڌ حڪومت تي ڪيا وڃن ٿا.بئريسٽر مرتضيٰ وهاب چيو ته پوليس کي وڏو اسلحو رکڻ گهرجي پر عوامي هندن تي استعمال ڪرڻ مناسب ناهي وزيراعلي هائوس ٻاهريان پوليس کي وڏي اسلحو رکڻ کان روڪي رکيو آهي.پر شهرين تي وڏو اسلحو استعمال ڪيو پيو وڃي. گذريل ڏينهن واري واقعي سميت 6 واقعا پيش آيا آهن اسان چاهيون ٿا ڪو به ادارو بي لگام نه هجي. ميڊيا ۽ ٻئي ذريعين سان افواهون وڌايون وينديون آهن ته پوليس کي اختيار ناهن هن چيو ته وزيراعليٰ هائوس ٻاهريان وڏو اسلحو موجود ناهي پر شهر جي ڪيترن ئي علائقن ۾ اسلحي جي نمائش ڪئي ويندي آهي سنڌ حڪومت هر ڀيري چيو ته شهري علائقن ۾ وڏو اسلحو استعمال نه ڪيو وڃي. هڪ سوال جي جواب ۾ هن چيو ته نشوا جو والد حڪومت کان مدد گهري رهيو آهي ارشاد رانجهاڻي کي بي دردي سان قتل ڪيو ويو پيل لاش تي سياست ڪئي وئي هڪ سوال جي جواب ۾ هن چيو ته سپريم ڪورٽ جنوري 2019 تي ٽن وڏن ادارن اين آئي سي وي ڊي، اين آئي سي ايڇ ۽ نيشنل ميوزيم کي وفاق حوالي ڪرڻ جو فيصلو ڏنو هو پر 90 ڏينهن پورا ٿي ويا وفاق ڪنٽرول وٺڻ جي ڪوشش به نه ڪئي  صرف وڏا وڏا دعوا ڪيا ويا وفاقي حڪومت انهن ادارن لاءِ ڪا بجيٽ مقرر ناهي ڪئي  ۽ نه ئي سنڌ حڪومت سان ڳالهايو آهي صرف ميڊيا تي پوائنٽ اسڪورنگ ڪئي وئي ۽ ڪو اپاءُ ناهي ورتو ويو انهن ٽنهي ادارن جي بهتري لاءِ سنڌ حڪومت عملي اپاءُ ورتا آهن ۽ انهن ادارن جي حوالگي جي حوالي سان نظر ثاني جي درخواست داخل ڪئي وئي آهي ۽ وڏي وزير هدايت ڏني آهي ته صحت کاتي کي خط لکيو وڃي جنهن ۾ چيو وڃي ته هو صرف عملي کي پگهارون ڏين باقي خرچا اسان پان کڻنداسين ۽ انهن ادارن کي سياست جي نظر نه ٿيڻ ڏينداسي ۽ عوام جي سهولتن کي وڌيڪ بهتر بڻائينداسي. هڪ سوال جي جواب ۾ هن چيو ته ڪراچي جي مسئلن ۾ اختيار تي روئڻ نه گهرجي ۽ ڪم ڪيو وڃي اختيار وزيراعلي سنڌ وٽ رهندا اسان شهر کي روشنين جي شهر ۾ تبديل ڪيو آهي.

1Shares

اپنا تبصرہ بھیجیں