سنڌ اسيمبلي ۾ خالد مقبول جي بيان خلاف مذمتي ٺهراءُ منظور، سنڌ جي ورهاڱي جي ڳالهه ڪندڙ پاڻ ٽڪرا ٿي ويا: مراد علي شاهه

5Shares

ڪراچي(اسٽاف رپورٽر) سنڌ اسيمبلي ۾ صوبائي وزير شهلا رضا طرفان متحدا قومي موومينٽ پاڪستان جي اڳواڻ انفارميشن ٽيڪنالاجي بابت وفاقي وزير خالد مقبول صديقي کي سنڌ ورهائڻ جي حوالي سنا بيان خلاف مذمتي قرارداد اڪثريتي راءِ سان منظور ڪئي وئي. سنڌ اسيمبلي جو اجلاس اسپيڪر آغا سراج دراني جي صدارت هيٺ ٿوي، اجلاس ۾ صوبائي وزير شهلا رضا طرفان وفاقي وزير خالد مقبول صديقي جي بيان خلاف مذمتي قرارداد پيش ڪئي وئي. قرارداد ۾ چيو يوو آهي ته هتي مهاجر ڪوبه ناهي پر اسان سڀ پاڪستاني ۽ سنڌي آهيون ان ڪري ايم ڪيو ايم اڳواڻ خالد مقبول صديقي سنڌ جي ورهاڱي بيان تي معافي گهري. قرارداد ۾ چيو ويو آهي ته ڪجهه عرصي کان ڪراچي جي عوام کي بيوقوف بڻايو ويو، سنڌ ڌرتي اسان جي ماءُ آهي ۽ اسان ڪيئن ان جي ورهاڱي جي ڳالهه ڪري سگهون ٿا؟. شهلا رضا قرارداد ۾ چيو ته اسان کي ٻولي جي مسئلا مان اڳتي نڪرڻو پوندو. ان کانپوءِ اسيمبلي ۾ خالد مقبول صديقي جي بيان خلاف مذمتي قرارداد اڪثريتي راءِ سان منظور ڪئي وئي. ان کان اڳ اجلاس ۾ سنڌ جي وڏي وزير مراد علي شاهه جي تقرير دوران اپوزيشن طرفان احتجاج به ڪيو ويو. ٻئي طرف سنڌ جي وڏي وزير مراد علي شاهه متحدا قومي موومينٽ جو نالو وٺڻ بنا چيو آهي ته جنهن سنڌ جي ورهاڱي جو سوچو اهو ٽڪرا ٽڪرا ٿي ويو، ٻڌايو ٻيا گهڻا ٽڪرا چاهيو ٿا؟. صوبائي اسيمبلي جي اجلاس کي خطاب ڪندي سنڌ جي وڏي وزير مراد علي شاهه ايم ڪيو ايم ميمبرن کي ڪنهن جي پريشر ۾ اچي ليڊر  تبديل ڪرڻ جو طعنو به هنيو، هن سڌو موقف اختيار ڪندي هڪ ڀيرو ٻيهر ورجايو ته سڀئي ٻڏي وٺن ارڙيهين ترميم ختم نه ٿيندي. سنڌ اسيمبلي جي اجلاس ۾ حڪومتي ۽ اپوزيشن ميمبرن هڪ ٻئي خلاف سخت نعريبازي ڪئي جنهن سبب ايوان مڇي مارڪيٽ جو منظر پيش ڪرڻ لڳو، اسپيڪر اپوزيشن ميمبرن کي چيو ته اوهان ويهي رهو، جڏهن اوهان جي قرارداد ايندي تڏهن ڳالهايو. ان موقعي تي سنڌ جي وڏي وزير متحدا قومي موومينٽ ميمبرن تي ٺٺول ڪندي چيو ته ڪراچي جي ماڻهن انهن کي ڌتڪاري ڇڏيو، اهي اڄ ڪلهه پي ٽي آءِ جي پويان لڳل آهن، تمام جلد انهن کي تحريڪ انصاف جي به خبر پئجي ويندي، سندن پراڻي عادت آهي ڳالهائيندا رهندا، رولز جي خبر ناهي ۽ ڳالهيون ڪن ٿا. هن جو چوڻ هو ته پوري دنيا ڀٽو کي مڃي ٿي اهي ڪجهه به چون اسان جو ليڊر هڪ آهي ۽ هميشه مڃون ٿا، اسان انهن جيان ڪنهن ٻئي جي پريشر ۾ اچي پنهنجو ليڊر نه مٽائينداسين. وڏي وزير چيو ته تحريڪ انصاف وارا اسان جا پئسا روڪيا آهن ۽ هاڻي رهي شور مچائڻ لاءِ اچي ويا آهن ان شور ۾ به اسان انهن تي ڀاري آهيون ان تي پي ٽي آءِ ميمبرن به گوڙ ڪيو وڏي وزيري چيو ته اڄڪلهه 30 رپيا ڪلو وارا ڪدو به 65 رپيا ڪلو ٿي ويا آهن هن چيو ته ٿرڪول تي اڳ ٻن سيڙپڪارن کي پڇايو ويو پروجيڪٽ ۾ رنڊڪون آيون، ٿرڪول جي پهرين بلاڪ ۾ 4 فيز ٺهندا ٿرڪول جي ڪوئلي پاڪستان کي تبديل ڪري ڇڏيو، شهيد بينظير ڀٽو جي ڳالهه سچ ثابت ٿي.03

5Shares
کیٹاگری میں : سنڌ

اپنا تبصرہ بھیجیں