نيب شريف خاندان خلاف جاچ جو دائرو وڌائي ڇڏيو، حمزه شهباز، سندس والده ۽ 2 ڀينرون طلب

لاهور  (بيورو)  آمدني کان  وڌيڪ اثاثا رکڻ واري ڪيس ۾ شريف خاندان جي خلاف جاچ جو دائرو  وڌيڪ وسيغ  ڪري  ڇڏيو.  نيب  لاهور  پاران  شهبازشريف  جي اهليه ۽  ٻنهي صاحبزادين  کي گهرائي ورتو.  ذريعن موجب حمزه شهباز  کي آئينده  هفتي دوران جاچ جي لاءِ  طلب ڪيو ويو آهي. حمزه شهباز شريف کي نيب  پاران 16 اپريلتي  آمدني کان  وڌيڪ اثاثن  واري ڪيس ۾ جڏهن ته 15 اپريل تي حمزه شهبازشريف کي چنيوٽ ملز  ڪيس ۾ وڌيڪ ثبوت ملڻ تي گهرايو ويو.  ذريعن مطابق   شريف جي صاحبزادين   کي وڌيڪ اثاثا واري ڪيس ۾ 18 اپريل تي جڏهن ته رابعه شريف جڏهن ته 19  اپريل تي جويريه شريف نيب ۾ پيش ٿيڻ جو حڪم ڏنو ويو آهي. ذريعن موجب آمدني کان وڌيڪ اثاثن واري ڪيس ۾ نيب چيئرمين  پاران  شهبازشريف جي اهليت  نصرت شهبازشريف جي خلاف  باقائده جاچ جي منظوري ڏني آهي جنهن بعد  لاهور نيب  پاران نصرت شهباز کي 17  اپريل تي  ذاتي  حيثيت ۾ طلب ڪيو ويو آهي.  ذريعن موجب  شهبازشريف پنهنجي اهليه  نصرت شهباز کي ڪروڙين رپين جي ماليت جا اثاثا تحفي ۾ ڏنا ويا آهن جڏهن ته ميان شهبازشريف  پنهنجي اهليه کي  5 ڪروڙ 57 لک 72 هزار جي رقم پڻ تحفي ۾ ڏني آهي.  ٻئي طرف نيب ٽيم مني لانڊرنگ ڪيس ۾ پوليس پارٽي سان گڏ قومي اسيمبلي ۾ مخالف ڌر جي اڳواڻ شهباز شريف جي ڌيءُ جي گهر نوٽيس ڏيڻ پهچي وئي. ن ليگ ترجمان مريم اورنگزيب الزام هنيو آهي ته نيب جي ٽيم پوليس سان گڏ ماڊل ٽائون ۾ نواز شريف جي ڌيءُ جي گهر جو گهيرو ڪيو. سندس چوڻ هو ته نيب ڪنهن کي به اهڙي ريت نوٽيس وصول ڪرائيندو آهي، اهي ڪهڙي قسم جون ڪارروائيون آهن. هوڏانهن نيب طرفان جاري ڪيل پڌرائيءَ ۾ چيو ويو آهي ته شهباز شريف جي ڌيءُ جي گهر تي ڇاپو ناهي هنيو ويو، شهباز شريف جي ڌيءُ جي گهر جو گهيرو ڪرڻ جي خبرن ۾ ڪا سچائي ناهي، مخصوص عنصر نيب کي بدنام ڪرڻ لاءِ من گهڙت پروپئگنڊا ڪري رهيا آهن. نيب پڌرائي موجب ٽيم شهباز شريف جي نياڻين جي گهر طلبي نوٽيس پهچائڻ وئي، طلبي جو نوٽيس ذاتي طور وڃي وصول ڪرايو ويندو آهي. نيب چيو آهي ته پوليس جي اڪيلي گاڏي سيڪيورٽي لاءِ ٽيم سان گڏ هئي، شريف خاندان خلاف آمدني کان وڌيڪ اثاثن ۽ مبينا مني لانڊرنگ ڪيس تي جاچ جاري آهي. نيب آمدني کان وڌيڪ اثاثن واري ڪيس ۾ شهباز شريف جي گهر ڀاتين کي 16 اپريل تي طلب ڪيو آهي.