نيوزيلينڊ ۾ آذان جي گونج، 2 منٽن جي خاموشي، شهيدن کي خراج عقيدت پيش

ويلنگٽن(م ڊ) ڪرائسٽ چرچ سانحي جي سڳو ۽ شهيدن کي خراج عقيدت پيش ڪرڻ لاءِ سرڪاري ٽي وي ۽ ريڊيو تي اڄ جمعي جي آذان ۽ خطبو نشر ڪيو ويو جڏهن ته شهيدن جي ياد ۾ پوري ملڪ ۾ 2 منٽن جي خاموشي به اختيار ڪئي وئي. نيوزيلينڊ ۾ مسلمانن سان يڪجهتي جي اظهار لاءِ هزارين ماڻهو النور مسجد آڏو هيگلي پارڪ ۾ جمع ٿيا جتي وزيراعظم جيسينڊا آرڊرن به شريڪ هئي، وزيراعظم سميت ڪيترين ئي غير مسلم عورتن اذان جي احترام ۾ مٿو ڍڪي رکيو هو. پوري ملڪ ۾ جمعي جي آذان کانپوءِ 2 منٽن جي خاموشي اختيار ڪئي وئي ۽ ڪرائسٽ چرچ سانحي جي سمورن شهيدن کي خراج عقيدت پيش ڪئي وئي جنهن کانپوءِ جمعي جو خطبو ۽ نماز ادا ڪئي وئي. جمعي نماز کان اڳ هيگلي پارڪ پهچڻ تي نيوزيلينڊ جي وزيراعظم جيسنڊا آرڊرن مختصر خطاب ۾ ايمان وارن جي هڪ جسم جيان هجڻ بابت حديث نبوي صه بيان ڪئي. ٻئي طرف هيگلي پارڪ ۾ جمعي جي نماز کانپوءِ وزيراعظم نيوزيلينڊ جيسنڊا آرڊرن حضور پاڪ صه جي حديث مبارڪ پڙهي ٻڌائيندي خطاب جي شروعات ڪئي. وزيراعظم نيوزيلينڊ جيسنڊا آرڊرن نيوزيلينڊ جي هيگلي پارڪ ۾ جمعي جي نماز جي ادائيگي کان اڳ حضور پاڪ صه جي حديث مبارڪ پڙهي ٻڌائيندي خطاب جي شروعات ڪئي. وزيراعطم حديث پڙهڻ کانپوءِ مسلمانن سان يڪجهتي جو اظهار ڪندي چيو ته نيوزيلينڊ اوهان سان ڏک ۾ شريڪ آهي، اسان سڀ هڪ آهيون. هوڏانهن نيوزيلينڊ جي وزيراعظم جيسنڊا آرڊرن جي مسلمانن سان يڪجهتي جي اظهار ۽ محبت تي پوري دنيا سندس تعريف ڪري رهي آهي پر ڪجهه انتهاپسندن کي ان جي انسانيت سان محبت شايد پسند ناهي آئي ۽ انهن ڌمڪيون ڏيڻ شروع ڪري ڇڏيون آهن. تفصيل موجب نيوزيلينڊ جي سرڪاري ٽي وي ۽ ريڊيو  تي جمعي جي آذان ۽ خطبو پهريون ڀيرو نشر ڪيو ويو جڏهن ته النور مسجد ۾ جمعي جي نماز جي موقعي تي برطانوي وزيراعظم جيسنڊا آرڊرن شرڪت ڪئي ۽ ان موقعي تي نبي پاڪ صه جي حديث مبارڪ به پڙهي ٻڌائي. نيوزيلينڊ جي وزيراعظم جيسنڊا آرڊرن هن وقت مسلمان دنيا ۾ تمام گهڻو احترام ۽ عزت حاصل ڪري چڪي آهي ڇو ته سندس ويجهو انسانيت سڀ کان وڏي آهي. مائيڪرو بلاگنگ ويب سائيٽ ٽوئيٽر تي انتهاپسندن جيسنڊا آرڊرن کي ڌمڪي جوڳا پيغام موڪلڻ شروع ڪري ڇڏيو آهي، کيس هڪ ٽوئيٽر واهپيدار طرفان بندوق جي تصوير موڪلي وئي ۽ ان سان لکيو ته هاڻ اوهان جو نمبر آهي.