العزيزيه ريفرنس: نواز شريف سزا جي معطلي بابت فيصلو سپريم ڪورٽ ۾ چيلينج ڪري ڇڏيو

1Shares

اسلام آباد(بيورو) ن ليگي قائد ميان نواز شريف اسلام آباد هاءِ ڪورٽ جي فيصلي خلاف سپريم ڪورٽ ۾ درخواست داخل ڪري ڇڏي. رپورٽن مطابق اڳوڻي وزيراعظم نواز شريف العزيزيا ريفرنس ۾ سزا معطل ڪرڻ ۽ ضمانت لاءِ سپريم ڪورٽ سان رابطو ڪندي اپيل ڪئي آهي ته هاءِ ڪورٽ جو 25 فيبروري وارو فيصلو ڪالعدم قرار ڏنو وڃي. نواز شريف جي وڪيل خواجا حارث درخواست داخل ڪندي چيو آهي ته اسلام آباد هاءِ ڪورٽ قانون ۾ ڏنل اختيارن کي استعمال ڪرڻ ۾ ناڪام ٿي ۽ فيصلو ڏيندي پنهنجي اختيارن جي استعمال ۾ غلطي ڪئي، عدالت ضمانت جي اصولن کي نظر ۾ نه رکيو ۽ سپريم ڪورٽ جي طئي ڪيل حدن جو غلط اطلاق ڪيو، هاءِ ڪورٽ فرض ڪري ورتو ته نواز شريف کي اسپتال ۾ علاج جون سهولتون ميسر آهن، جڏهن ته ان جو گهربل علاج به شروع ناهي ٿيو. پٽيشن ۾ چيو ويو آهي ته العزيزيا ريفرنس ۾ نواز شريف جي سزا معطل ڪري کيس ضمانت ڏني وڃي. 05

1Shares

اپنا تبصرہ بھیجیں