وزيراعظم پاران ڀارت کي ٻيهر ڳالهين جي آڇ، جنگ شروع ٿي ته حالتون منهنجي ۽ مودي جي ڪنٽرول ۾ نه هونديون: عمران خان

4Shares

اسلام آباد(بيورو) وزيراعظم عمران خان هڪ ڀيرو ٻيهر ڀارت کي ڳالهين جي آڇ ڪري ڇڏي. قوم کي خطاب ڪندي وزيراعظم عمران خان چيو ته ڪالهه کان جيڪا صورتحال هئي ان تي قوم کي اعتماد ۾ وٺڻ چاهيان پيو. وزيراعظم چيو ته پلوامه حملي کانپوءِ ڀارت کي هر قسم جاچ ڪرڻ جي آڇ ڪئي، عمران خان چيو ته سڌي ريت آڇ ڪئي ته پاڪستان ڪنهن به طرح جي جاچ ۾ سهڪار ڪرڻ لاءِ تيار آهي، اهو پاڪستان جي/ مفاد ۾ ناهي ته اسان جي زمين استعمال ڪئي وڃي، اسان کي جاچ ۾ ڪو به مسئلو نه هو، اسان تيار هئاسين پر مونکي خدشو هو ته ان باوجود ڀارت ڪو نه ڪو ايڪشن کڻندو، تنهنڪري چيو هو ته جواب ڏيڻ اسان جي مجبوري هوندي ڇاڪاڻ ته ڪو به خودمخيار ملڪ ڪنهن کي پنهنجي ملڪ ۾ اچي ڪارروائي جي اجازت نٿو ڏئي ۽ پاڻ ئي منصب بڻجي فيصلو به ڪندو. هن وڌيڪ چيو ته مونکي خدشو انڪري هو ته ڀارت ۾ چونڊون آهن، انڪري کين چيو ته جواب ڏيڻو پوندو.  وزيراعظم ٻڌايو ته منهنجي ٽنهي هٿياربند فوج جي سربراهن سان ڳالهه ٻولهه ٿي آهي ڪالهه انڪري ايڪشن نه کنيو ته گذريل صبح جڏهن ايڪشن ٿيو هو ته اسان پوري طرح نقصان بابت آگاهه نه هئاسين. تنهنڪري جيستائين خبر پئي ها ته ڪو به ايڪشن کڻڻ غير ذميواري هجي ها، ان لاءِ اسان انتظار ڪيو ۽ فوج اڄ ايڪشن ڪيو، اسان جو اڳواٽ منصوبو هو ته ان ايڪشن ۾ ڪو به جاني نقصان نه ٿئي رڳو ڀارت کي اهو ٻڌايون ته اسان ۾ به صلاحيت آهي، جيڪڏهن اوهان اچي سگهو ٿا ته اسان به اوهان ڏانهن اچي ڪارروائي ڪري سگهون ٿا.  عمران خان به ڀارت جي 2 مِگ جهان جي بارڊر تي انگيجمنٽ ۽ انهن جي تباهه ٿيڻ جي تصديق ڪئي ۽ ٻڌايو ته ڀارت جن ٻن پائليٽن کي گرفتار ڪيو ويو آهي.  هن چيو ته اسان هٿان کان ڪاڏي وينداسين، تنهنڪري ڀارت کي چوان ٿو ته هتي عقل ۽ حڪمت عملي تمام گهڻو ضروري آهي، دنيا ۾ جيتريون به جنگيون ٿيون سڀني جنگن ۾ غلط اندازا لڳا، ڪنهن به نه سوچو ته جنگ شروع ڪري ڪاڏي وينداسين، پهرين عالمي جنگ مهينن بدران سالن ۾ ختم ٿي، ٻي عالمي جنگ ۾ به ائين ٿيو ۽ دهشتگردي خلاف جنگ ۾ آمريڪا سوچو به نه هو ته هن کي 17 سال افغانستان ۾ ڦاٿل رهڻو پوندو. وزيراعظم عمران خان چيو ته جنگ شروع ٿي ته هالتون منهنجي ۽ مودي جي ڪنٽرول ۾ نه هونديون، جنگ سان تباهي ٿيندي آهي، پاڪستان ۽ ڀارت جنگ جي سٽ برداشت نٿا ڪري سگهن، ڀارت کي سوال آهي ته جيئن هٿيار اوهان ۽ اسان وٽ آهن، ڇا اسان غلط انداز برداشت ڪري سگهون ٿا، ڇا اسان کي هن وقت سوچڻ نه گهرجي ته هن وقت جيڪو ٽڪراءُ ٿيندو ته ڳالهه ڪٿي ويندي، پوءِ اها ته منهنجي ۽ مودي جي ڪنٽرول ۾ نه هوندي، جنگ سان مسئلا حل نه ٿيندا آهن، ڀارت کي بيهر دعوت ڏيان ٿو ته اسان پلواما واقعي جي جاچ لاءِ تيار آهيون، اسان ڳالهيون چاهيون ٿا.اسان کي هن وقت عقل ۽ حڪمت جو استعمال ڪرڻ ضروري آهي، ڪنهن به نه سوچيو ته جنگ شروع ڪري ڪيڏانهن وينداسين.

4Shares

اپنا تبصرہ بھیجیں