آءِ ايف ايف پاڪستان کي قرض ڏيڻ تي راضپو ظاهر ڪري ڇڏيو، ڪرپشن سان ٽيڪس جو پئسو چوري ٿيندو آهي: عمران خان

 دبئي(م ڊ) وزير اعظم عمران خان سان عالمي مالياتي اداري (آءِ ايم ايف) جي مينجنگ ڊائريڪٽر ڪرسٽين لوگارڊ ملاقات ڪئي. وزير اعظم عمران خان جي آءِ ايم ايف جي منيجنگ ڊائريڪٽر ڪرسٽين لوگارڊ سان ملاقات دبئي ۾ ٿيندڙ ورلڊ گورنمنٽ سمٽ جي موقعي تي ٿي. ملاقات ۾ پرڏيهي وزير شاهه محمود قريشي ۽ ناڻي واري وفاقي وزير سميت ٻيون اختياريون موجود هيون. ملاقات ۾ ملڪي معاشي صورتحال ۽ بيل آئوٽ پيڪيج تي ڳالهيون ڪيون ويون. عالمي مالياري اداري جي منيجنگ ڊائريڪٽر ڪرسٽين لوگارڊ چيو ته وزير اعظم عمران خان سان سٺي ملاقات ٿي جنهن ۾ پاڪستان ۾ هلندڙ معاشي ترقي ۽ مستقبل جي امڪانن تي ڳالهيون ٿيون. هن چيو ته پاڪستان سان جاري آءِ ايم ايف پروگرام تي ڳالهيون کي نظر ۾ رکندي ڳالهيون ٿيون. آءِ ايم ايف جي ايم ڊي موجب فيصلو ڪندڙ پاليسين ۽ معاشي سڌارن جي مضبوط پيڪيج سان پاڪستاني معيشت ۾ مضبوطي ايندي.آءِ ايم ايف پاڪستان کي ايندڙ مالي سال دوران 6 ملين ڊالر قرض ڏيڻ تي راضپو ظاهر ڪيو آهي. حڪومت جي معاشي وفد ۽ آءِ ايم ايف وچ ۾ ملاقاتن ۾ اتفاق ٿي ويو آهي. آءِ ايم ايف پاڪستان جي شرطن کي مڃيندي قرض ڏيڻ تي راضپو ظاهر ڪيو آهي. پاڪستان طرفان آءِ ايم ايف کي خاطري ڪرائي وئي آهي ته هو پنهنجي اداري ايف بي آر ۾ سڌارا آڻيندا. معاشي وفد آءِ ايم ايف کي خاطري ڪرائي آهي ته پاڪستان سوشل سڪيورٽي نيٽ ورڪ ۾ اڳ کان وڌيڪ خرچ ڪيو ويندو.  حڪومت طرفان آءِ ايم ايف کي خاطري ڪرائي وئي آهي ته پنهنجي خرچن ۾ وڌيڪ 10 سيڪڙو تائين گهٽتائي ڪئي ويندي جڏهن ته آءِ ايم ايف جي وفد حڪومت جي بجلي جا وڌيڪ اگهه نه وڌائڻ جو موقف قبول ڪيو آهي ڇو ته هو اڳ ئي وڌايل اگهن تي متفق آهن.  ملاقات دوران وزيراعظم عمرنا خان آءِ ايم ايف سربراهه کي ٻڌايو ته پاڪستان معاشي سڌارا آني رهيو آهي. ڪرسٽين لوگارڊ چيو ته آءِ ايم ايف پاڪستان جي مدد لاءِ تيار آهي. پاڪستاني معيشيت ۾ استحڪام معاشي سڌارن سان ايندو، وزيراعظم ۽ آءِ ايم ايف سربراهه وچ ۾ ملاقات تي بيل آئوٽ پيڪيج تي اتفاق ڪيو ويو. آءِ ايم ايف جي پڌرنامي موجب پاڪستان سان معاشي سڌارن تي اتفاق ٿيو آهي. ٻئي طرف شاهه محمود قريشيءَ چيو ته آءِ ايم ايف سان معاشي سڌارن تي اتفاق ٿيو آهي. وزيراعظم ۽ ڪرسٽين لوگارڊ جي ملاقات فائديمند رهي. آءِ ايم ايف سان هم آهنگي ٿي وئي آهي. بنيادي نقطن تي آءِ ايم ايف سان اتفاق ٿيو آهي. جلد ٽيڪنيڪل تفصيل طئي ڪيا ويندا. ٻئي طرف دبئي ۾ ورلڊ گورنمينٽ سمٽ کي خطاب ڪندي . وزيراعظم عمران خان چيو ته 60 جي ڏهاڪي ۾ پاڪستان تيزي سان ترقي ڪندڙ ملڪ هو پر بدقسمتي سان پاڪستان ترقي جي رفتار برقرار نه رکي سگهيو جنهن سبب ماضي جا حڪمرانن جو عوام جو پئسو عياش ۾ اڏارڻ هو، ماڻهو ماضي جي حڪومتن تي اعتماد نه ڪندا هئا ان لاءِ هو ٽيڪس نه ڏيندا هئا. هن چيو ته ماضي ۾ ٽيڪس جو پئسو حڪمرانن جي عياشين تي خرچ ٿيندو رهيو. عمران خان چيو ته ترقي جي بنيا دئي بهتر طرز حڪمراني آهي، خيرات ۾ اسان تمام اڳتي ۽ ٽيڪس ڏيڻ ۾ تمام پوئتي آهيون، جڏهن ماڻهو ايترا سٺا آهن ته ٽيڪس ڇو نه ٿا ادا ڪن، ان جو سبب ماڻهن جي حڪمرانن تي اعتماد جي کوٽ آهي، ڪرپشن سان ٽيڪس جو پئسو چوري ٿيندو آهي.هن چيو ته سڌارا ڏکيا آهن پر ضروري آهن، جڏهن اوهان شڪست مڃي وٺندا آهيو تڏهن ئي اوهان کي شڪست ملندي آهي، جڏهن اوهان سڌارا ڪندا آهيو ته ماڻهن کي ڏکيائين کي منهن ڏيڻو پوندو آهي، اسان معاشي سڌارا ڪري رهيا اهيون، سرمائيدار پاڪستان جو رخ ڪري رهيا آهن. وزيراعظم عمران خان چيو ته ماضي ۾ گڏيل عرب امارات جي ايئرلائن جوڙڻ ۾ پاڪستان انٽرنيشنل ائيرلائنز معاونت ڪئي هئي، اسان کي پنهنجي ٽيلينٽ کي اڳتي آڻڻو پوندو، مان پاڪستان کي تمام مٿي کڻي وڃڻ چاهيان ٿو.هن وڌيڪ چيو ته مون غلطين مان سبق سکيو آهي، سرمائيدارن کي چوان ٿو ته هي وقت آهي پاڪستان ۾ سرمائيداري ڪرڻ جو، سرمائيدار هن بهترين موقعي کي ضايع نه ڪن. وزير اعظم عمران خان چيو ته خوشي آهي ته اسلامي دنيا ۾ به اهڙي ڪانفرنس ٿي رهي آهي، 60 واري ڏهاڪي ۾ پاڪستان تيزي سان ترقي ڪري رهيو هو ۽ يو اي اي جي ايئرلائن سان پي آءِ اي سهڪار ڪيو  پر بدقسمتي سان پاڪستان ترقي جي رفتار برقرار نه رکي سگهيو. وزير اعظم چيو ته ڪانفرنس ۾ شرڪت ڪندڙن کي ٻڌائڻ چاهيان ٿو ته ڪرڪيٽ کان سياست ۾ ڪيئن آيس اِهو ٻڌائڻ چاهيان ٿو ته آئون پاڪستان ۾ ڇا چاهيان ٿو، منهنجي ماءُ ڪينسر سبب لاڏاڻو ڪيو ته احساس ٿيو ته پاڪستان ۾ ڪا به ڪينسر  جي اسپتال ناهي، ڪرڪيٽ کان ريٽائرڊمنٽ بعد اسپتال بڻائڻ تي ڌيان ڏنو جڏهن ته اسان خيرات مان گهڻو اڳتي ۽ ٽيڪس ڏيڻ ۾ گهڻو پوئتي آهيون. عمران خان چيو ته جڏهن ماڻهو ايترا سٺا آهن ته پوءِ ٽيڪس ادا ڇو ناهن ڪندا ان ڪري ماڻهو ماضي جي حڪومتن تي اعتماد ناهن ڪندا ۽ ٽيڪس ناهن ڏيندا، ڪرپشن سان ٽيڪس جو پيسو چوري ٿيندو آهي ان ڪري سڌارن ۾ ڏکيائي آهي پر ضروري آهي. هن چيو ته ترقي جو بنياد رکو بهتر حڪمراني آهي، حڪومت شفاف ٿيندي ته ملڪ تيزي سان ترقي ڪندو، معاشي سڌارن سان سيڙپڪار پاڪستان جو رخ ڪري رهيا آهن ان ڪري ٻيا سيڙپڪار به پاڪستان ۾ سيڙپڪاري ڪرڻ جو اِهو موقعو ضايع نه ڪن ۽ پاڪستان ۾ سياحت جا سڀ کان وڌيڪ موقعا آهن. هن وڌيڪ چيو ته آءِ ايم ايف جي پاڪستان سان سهڪار کي ساراهيندي چيو ته اسان مالياتي خساري کي گهٽ ڪرڻ جي ڪوشش ڪري رهيا آهيون.