“ڌاريا نه کپن- ڊيم نامنظور” شهدادپور ۾ سنڌ ايڪشن ڪميٽي جي سڏ تي هزارين ماڻهن جي ريلي

شهدادپور (ن هه) سنڌ ايڪشن ڪميٽي جي سڏ تي سنڌو درياءَ تي ڊيمن، ڌاري آباد ڪاري، قومي ڪارڪن جي گمشدگي ۽ خراب  حڪمراني خلاف شهدادپور جي هالا چوڪ کان ايڪشن ڪاميٽي جي ڪنوينر سيد جلال محمود شاهه جسقم سينئر وائيس چيئرمين امجد خان مھيسر، عوامي تحريڪ جي مرڪزي صدر رسول بخش خاصخيلي، جسم چيئرمين رياض چانڊيو، جسقم آريسر جي چيئرمين اسلم خيرپوري، جيئي سنڌ لبرل فرنٽ جي سربراهه نواز خان زنئور، عوامي جمهوري پارٽي جو جنرل سيڪريٽري آدم ٽالپر، جسقم مرڪزي اڳواڻ ديدار شام، ايس. يو. پي اڳواڻ روشن ٻرڙو جي اڳوڻي ۾ هزارين ماڻهن جي ريلي ڪڍي وئي، جيڪا اسٽيشن روڊ تي هڪ وڏي جلسي جي شڪل اختيار ڪري وئي ان موقعي تي شهر جي علي چوڪ ۾ جلسي کي خطاب ڪندي ايڪشن ڪميٽي جي ڪنوينر سيد جلال محمود شاھ خطاب ڪندي چيو ته سنڌو درياءَ تي ڪو به ڊيم قبول ناهي، سنڌ ڊيمن خلاف مسلسل احتجاج پئي ڪري، هن چيو تہ ڪرپشن سبب زرداري گرفتاري جي ڊپ کان جلسا پيو ڪري هن چيو ته زرداري جي گرفتاري تي سنڌ خوشي جو اظهار ڪندي، هن چيو ته سنڌ مان ڌاري آباد ڪاري کي نيڪالي ڏني وڃي، قومي ڪارڪنن کي آزاد ڪيو وڃي، جڏهن تہ جلسي کي جسقم سينئر وائيس چيئرمين امجد خان مھيسر خطاب ڪندي چيو تہ سنڌ اسان جي ماءُ آهي جنهن جي وجود جي بقا لاءِ هر قرباني ڏيڻ لاءِ تيار آهيون، هن چيو سنڌو درياءَ تي ڪو به ڊيم قبول ناهي، شهيد ارشاد راجهاڻي جي قاتل کي گرفتار نه ڪري حڪومت پنهنجي بيوسي جو اظهار پئي ڪري، عوامي تحريڪ جي سربراهه رسول بخش خاصخيلي خطاب ڪندي چيو ته ڪالاباغ ڊيم  سميت سنڌ تي ڪو به ڊيم قبول ناهي، حڪمرانن کي ان هوڏ تان لهڻ گهرجي، نت سنڌ جو ماڻهو سندن گهيراءُ ڪندو، جسم چيئرمين رياض علي چانڊيو خطاب ڪندي چيو ته سنڌ جي مالڪي لاءِ نڪتا آهيون، حڪمران پنهنجو رويو ٺيڪ ڪرڻ ٻي صورت ۾ سنڌ جا ماڻهو سندس گهرن تي توا ٽنگيندا، جيئي سنڌ لبرل فرنٽ زنواز خان زئور خطاب ۾ چيو ته سنڌ سنڌو درياهه تي ڊيمن ٺاهڻ جي حق ۾ ناهي، سنڌ کي ڪالاباغ ڊيم سميت ڪو به ڊيم قبول ناهي، هن چيو ته ارشاد راجهاڻي جا قاتل گرفتار ڪيا وڃن بي صورت ۾ اسان سمجهندا سين ان قتل ۾  حڪمران ملوث آهن، جسقم آريسر جي چيئرمين اسلم خير پوري چيو ته ڌاريو ماڻهو هاڻي گوليون هڻي ماري پيو، 1954 کان پوءِ آيل ڌاري ماڻهو کي سنڌ مان نيڪالي ڏني وڃي، عوامي جمهوري پارٽي جي خادم ثالپر خطاب ڪندي چيو تہ سنڌو درياھ ڊيمن جو راڳ هاڻي بند ٿيڻ گهرجي، جلسي کي خطاب ڪندي جسقم مرڪزي پريس سيڪريٽري ديدار شام چيو ته  ارشاد راجهاڻي جو قتل ڌارين ماڻهن کي ووٽ جو حق ڏئي سياست ۾ شامل ڪرڻ جو نتيجو آهي، ڌارين کي سنڌ مان نيڪالي ڏني وڃي، جڏهن ته جلسي کي  روشن ٻرڙو، دودو ديشي، عزيزالله ٻوهيو سنڌ ايڪشن ڪميٽي ضلع سانگهڙ اڳواڻ ڪامريڊ محمد خان پنهور.باغي مجاهد .اي جي پي مرڪزي جنرل سڪريٽري خادم حسين ٽالپر .عوامي تحريڪ جي ڊاڪٽر رسول بخش  خاصخيلي. بار اسوسيئنيشن شھدادپور ايڊووڪيٽ غلام مصطفيٰ سومرو.منور خاصخيلي منور شيخ اسلم آزاد خاصخيلي.بهادر رند.اظھر اقبال خطاب ڪندي چيو ته سنڌ اسان جي ماءُ آهي، جنهن تي پنهنجو سر قربان ڪنداسين، پر سنڌ مٿان ڪو به ڊيم قبول نه ڪنداسين، ارشاد راجهاڻي جو قتل سنڌ ۾ ڌاري ماڻهو کي ووٽ جو حق ڏئي سياست ۾ شامل ڪرڻ جو نتيجو آهي،هنن چيو ته بيگناه ماڻهن کي جبري گم ڪري کين ٽاررچر ڪرڻ بعد بيدردي سان قتل ڪيو پيو وڃي .۽ ڌارين جي آبادڪاري ڪري سنڌين کي اقليت ۾ تبديل ڪري سنڌ جي حقن کي ڌاڙو هنيو پيو وڃي هنن چيو ته رمشا وساڻ سميت سنڌ جي نياڻين سان ظلم ڪيو پيو وڃي پر لاقانونيت جو راڄ قائم ڪيو ويو آهي. ان موقعي تي علي چوڪ ۾ ڌرڻو پڻ هنيو ويو.