لاهور جي احتساب عدالت عليم خان کي 9 ڏينهن جي جسماني رمانڊ تي نيب حوالي ڪري ڇڏيو

1Shares

لاهور(بيورو) احتساب عدالت نيب جي درخواست منظور ڪندي پنجاب جي سينيئر وزير عبدالعليم خان کي 9 ڏينهن جي جسماني رمانڊ لاءِ نيب حوالي ڪري ڇڏيو آهي. پنجاب جي سينيئر وزير عبدالعليم خان خلاف نيب جي درخواست احتساب عدالت منظور ڪندي 9 ڏينهن جو رمانڊ ڏئي ڇڏيو آهي. نيب پاران عبدالعليم خان جو 15 ڏينهن جو جسماني رمانڊ وٺڻ جي اپيل ڪئي وئي هئي. احتساب عدالت جي جج سد نجم الحسن عليم خان خلاف اثاثا ڪيس جي ٻڌڻي ڪئي. نيب جي وڪيل وارث علي جنجوعا دليل ڏيندي چيو ته عبدالعليم خان 2003ع ۾ ايم پي اي چونڊيو، ان دوران هن 900 ڪنال پراپرٽي ٺاهي، 2003ع ۾ عليم خان ڏيڍ ڪروڙ جو گهر خريد ڪيو، 2005ع ۾ عليم خان پنهنجي گهر واري جي نالي سان ڪمپني ٺاهي، ڪمپني ۾ وڏي رقم سيڙپڪاري ڪئي. 2017ع ۾ هن پرڏيهه ۾ فليٽ خريد ڪيو، انڪري وڌيڪ جاچ لاءِ عليم خان جو 15 ڏينهن جو جسماني رمانڊ ڏنو وڃي. نيب پراسيڪيوٽر تفصيلي رپورٽ کڻي احتساب عدالت ۾ پيش ٿيو، جنهن ۾ چيو ويو هو ته عبدالعليم خان هيڪسم انويسٽمينٽ اوورسيز لميٽيڊ ڪمپني يوڪي ۾ ٺاهي، هيسڪم انويسٽمينٽ اوورسيز لميٽيڊ ڪمپني ۾ 99 هزار 52 پائونڊ جو حساب نه مليو، عليم خان آر اينڊ آر انٽرنيشنل ايف زيڊ سي يو اي اِي ۾ ٺاهي، هن جميرا ڳوٺ، ويلا اورنج ليڪ ويلا جميرا گالف دبئي ۾ اثاثا ٺاهيا. نيب چيو ته آف شور ڪمپنين جو پئسو ڪٿان آيو، عبدالعليم خان جواب ڏئي ناهي سگهيو، پاڪستان ۾ انويسٽمينٽ ڪئي پر پئسا ڪٿان آيا؟ جواب نه مليو، زمين جي خريداري لاءِ رقم ڪٿان آئي؟ عليم جواب نه ڏنو، آف شور ڪمپنين ۽ آمدني کان وڌيڪ اثاثن تي مڪمل شاهديون احتساب عدالت ۾ پيش ڪري رهيا آهيون. عبدالعليم جي وڪيل نيب جي درخواست جي مخالفت ڪندي چيو ته ڪمپني جا 878 ملين جا اثاثا ڊڪليئر ڪيا، سمورا اثاثا قانون مطابق رڪارڊ تي موجود آهن، سياست ۾ اچڻ جو مقصد اهو نه هو ته حڪومتي پئسي مان سڀ ڪجهه ٺاهيو وڃي، منهنجي دوري جي سموري سرڪاري رقم رڪارڊ تي موجود آهي. پي ٽي آءِ اڳواڻ عدالت کي اپيل ڪئي ته مان ڪجهه چوڻ چاهيان ٿو، جيڪو ڪجهه چوندس قسم کڻي چوندس. عدالتي اجازت تي عليم خان نيب خلاف ڦاٽ کاڌو ۽ چيو ته 2002ع کان ڪا شڪايت ناهي آئي، اختيارن جو ڪو غلط استعمال نه ڪيو، هن بس ايئن ئي ڪيس ٺاهيو، اهي سموريون شيون ٽيڪس رڪارڊ ۾ به شامل آهن، مون کي پئسا ورثي ۾ مليا آهن، جيڪو ڪجهه رڪارڊ ۾ هو اهو مون پاڻ ڏنو، نيب جڏهن سڏايو ته پيش ٿيس، نيب ڪو به رڪارڊ انگلينڊ يا يو اي اِي مان ناهي گهرايو. 

1Shares

اپنا تبصرہ بھیجیں