نواز شريف حڪومت سان ڊيل ڪئي آهي ۽ نه وري اين آر او گهريو آهي، انتقام جو نشانو بڻايو پيو وڃي: (ن) ليگ

لاهور(بيورو) پاڪستان مسلم ليگ (ن) جي مرڪزي اڳواڻن چيو آهي ته نوازشريف حڪومت کان نه اين آر او گهريو آهي ۽ نه ئي ڊيل ڪنداسين نوازشريف ڇا پنهنجي زال جي لاڏاڻي ۽ ڌيٰ سميت جيل وڃڻ کان پوءِ ڊيل ڪندو ايئن ڊيل ناهي ٿيندي نوازشريف دل جو مريض اهي پر کيس ان اسپتال ۾ رکيو ويو آهي جتي دل جو وارڊ ئي نه آهي ملڪ جي اهم قومي اڳواڻ سان اهڙو ورتاءُ مذمت جوڳو آهي ڪنهن جي بيماري کي سياست جو موضوع نه بنائڻ گهرجي نوازشريف کي سياسي انتقام جو نشانو بڻايو پيو وڃي ۽ 3 ڀيرا وزيراعظم رهندڙ شخص سان اهڙي ورتاءُ سان ٻاهرين دنيا ۾ ڪو سٺو پيغام نه پيو وڃي اهڙن خيالن جو اظهار سردار اياز صادق ۽ احسن اقبال سروس اسپتال ۾ علاج هيٺ اڳوڻي وزيراعظم نوازشريف جي عيادت لاءِ اچڻ جي موقعي تي ميڊيا سان ڳالهائيندي ڪيو اياز صادق چيو ته نوازشريف جي صحت ٺيڪ نه آهي تنهنڪري ميڊيڪل بورڊ جوڙيو ويو جنهن ان سان سومر ڏينهن ملاقات ڪئي آهي هن چيو ته نوازشريف کي ذهني طور تي ٽارچر ڪيو پيو وڃي سندس خواهش آهي ته کيس واپس ڪوٽ لکپت جيل موڪليو وڃي ۽ هو علاج لاءِ اسپتال به نه پئي اچڻ چاهيو جيل سپرنٽنڊنٽ ۽ ڊپٽي سپرٽنڊننٽ چيو ته اوهان کي هر حال ۾ اسپتال کڻي وڃڻو پوندو هن چيو ته نوازشريف دل جو مريض آهي پر کيس ان اسپتال ۾ آندو ويو آهي جتي ڪارڊيڪ وارڊ ئي نه آهي سمجهه ۾ نه پيو اچي ته هتي ڇو رکيو ويو آهي نوازشريف جي معاملي ۾ ڪرپشن جو ڪوئي اشو نه آهي پر ان سان جيڪو ورتاءُ ڪيو پيو وڃي جيڪڏهن ان جڳهه تي ڪو ٻيو به هجي ها ته ان جي ذهن تي بار هجي ها ۽ جنهن ذهني ازيت مان هو لنگهي رهيو آهي ان ازيت کي ٻيو ڪوبه سمجهي نه ٿو سگهي هن نوازشريف پاران ڊيل جي حوالي سان چيو ته نوازشريف ڪنهن حڪومت سان ڊيل جي ڳالهه نه ڪئي آهي ۽ نه ئي ڪنهن حڪومت کان اين آر او گهريو آهي احسن اقبال چيو ته تهريڪ انصاف سياست ۾ نفرت کي ان حد تائين وڌائي ڇڏيو آهي جو هر مسئلي کي مذاق بڻايو پيو وڃي نوازشريف جي هارٽ سرجري ۽ ڪلثوم نواز جي بيماري کي به مذاق بڻايو ويو جڏهن مون تي قاتلاڻو حملو ٿيو ته ماڻهن کي ڪنفيوز ڪرڻ لاءِ منهنجي ڪڏهن کاٻي ٻانهن جي پٽي ته ڪڏهن ساڄي ٻانهن جي پٽي بڻايو پيو وڃي سڀني کي خبر آهي ته شهبازشريف ڪينسر جهڙي مرض جو مقابلو ڪيو جيتوڻيڪ ڪنهن کي هي مرض لڳي به وڃي ته هو سڄي زندگي سڌو نٿو ٿي سگهي ان جي باوجود شهبازشريف بهادري سان مقابلو ڪيو ۽ ملڪ به خدمت به ڪئي ڪنهن جي بيماري کي سياست جو موضوع نه بڻايو وڇي هن چيو ته نوازشريف جي علاج جي معاملي تي غفلت ۽ لاپرواهي مذمت جوڳو عمل آهي مهذب ملڪن ۾ اهڙو ورتاءُ ڪنهن دشمن سان به ناهي ڪيو ويندو نوازشريف جيل ۾ سخت گرمي ۽ سخت سردي برداشت ڪندو رهيو آهي نوازشريف ڪوئي قاتل نه آهي پر سياسي انتقام جو نشانو بڻايو پيو وڃي. هن شيخ رشيد ۽ فواد چوڌري جي حوالي سان چيو ته مان سندن ڪنهن جملي جو جواب ڏيڻ به توهين سمجهان ٿو انهن جي جهڙي نموني تربيت ٿي آهي منهنجي اهڙي تربيت نه آهي جو مان ڪنهن دشمن لاءِ به اهڙي قسم جا لفظ ڳالهايان هن چيو ته زال جي لاڏاڻي ۽ ڌيءَ سميت جيل وڃڻ کان پوءِ ڊيل ٿيندي؟ ايئن ڊيل ناهي ٿيندي نوازشريف هميشه اصولن جي سياست ڪئي آهي ۽ هو هميشه ان تي عمل ڪندو رهيو آهي ان جو حق آهي ته کيس انصاف ملي ۽ اسان کي پوري اميد آهي ته اسان کي عدالتن مان انصاف ملندو ۽ هو آزاد ٿيندو ان وقت ضرورت آهي ته جنهن ڊاڪٽر ان جي سرجري ڪئي آهي ان سان ڪنسلٽ ڪيو وڃي هو هڪ سينيئر سياستدان ۽ هن ملڪ جو اثاثو آهي پر نهايت قومي اڳواڻ جي علاج ۾ انتهائي درجي جي لاپرواهي جي مسلم ليگ (ن) مذمت ڪري ٿي ۽ اسان مطالبو ڪيون ٿا ته کيس دل جي طبي ماهرن جي نگراني ۾ علاج جون سهولتون فراهم ڪيون وڃن. ٻئي طرف اڳوڻي وزيراعظم محمد نوازشريف سان سروسز اسپتال ۾ سندس ڀاڻيجي محسن لطيف ملاقات ڪري خيريت معلوم ڪيو محسن لطيف نوازشريف لاءِ ناشتو به آندو ان حوالي سان محسن لطيف چيو ته بيماري سبب نوازشريف صحيح نموني سان خوراڪ نه پيو کائي ۽ ان ناشتي ۾ صرف پپيتو کاڌو هن چيو ته نوازشريف جي علاج جي معاملي تي اسان کي خدشا آهن دل جي بيماري جي ڪري نوازشريف ٻين بيمارين جو به شڪار ٿي رهيو نوازشريف جي دل جي علاج جي معاملي تي عملي قدم ناهن کنيا وي ۽ پي آءِ سي جا ڊاڪٽر نوازشريف جي علاج جي معاملي تي محتاط نظر اچن محسن لطيف چيو ته ڊيل جي ڳالهين تي به نوازشريف سان ڳالهه ٻولهه اڄ اهي ئي ڳالهيون ٿي رهيون آهن جيڪي ڪلثوم نواز جي بيماري جي موقعي تي ٿينديون هيون.