مخالف ڌر مني بجيٽ کي رد ڪري ڇڏيو، احتجاج، هنگامو، ڪاپيون ڦاڙي ڇڏيون

اسلام آباد  (بيورو) مخالف ڌر جي ميمبرن ناڻي وزير اسد عمر جي خطاب وقت سخت گوڙ شور ۽ احتجاج ڪندي ايجنڊا جون ڪاپيون ڦاڙي ڇڏيون اربع تي قومي اسيبلي جي اجلاس دوران ناڻي وزير اسد عمر ضمني بجيٽ پيش ڪئي ان جي تقرير دوران اپوزيشنميمبرن سخت نعرا هنيا ۽ گوڙ ۽ شور ڪندا رهيا پ پ پ جي اسيمبلي ميمبر سيد نويد قمر اسپيڪر کي پيغام ڏيڻ لاءِ سيڪريٽري اسيمبلي جي روسٽرم تي پهتو جنهن تي اسد عمر چيو ته اسپيڪر صاحب فڪر نه ڪريو اوهان هن کي ڳالهائڻ ڏيو تقرير دوران اپوزيشن ميمبرن ڪوڙو ڪوڙو جا نعرا هنيا ۽ ڪيترن ئي ميمبرن ايجنڊا جون ڪاليون ڦاڙي ڇڏيون اپوزيشن به سخت گوڙ سبب وزيراعظم عمران خان ڪنن ۾ هيڊ فون لڳائي ورتو ان موقعي تي وزيراعظم عمران خان تسبيح پڙهندو رهيو ۽ مرڪندو رهيو ناڻي وزير اسد عمر جي تقرير دوران اپوزيشن ميمبرن پاران گو نيازي گو ۽ مختلف قسمن جا نعرا لڳايا ويا. ٻئي طرف پرڏيهي وزير شاهه محمود قريشي جي خطاب وقت اپوزيشن پاران سخت گوڙ ۽ نعرا هنيا ويا اربع تي مخالف ڌر اڳواڻ شهبازشريف پاران ڪيل تقرير جي جواب ۾ شاهه محمود قريشي خطاب ڪيو ان موقعي تي مخالف ڌر ميمبرن گوڙ شور ڪيو ۽ تقرير دوران وقفي وقفي سان نعرا هڻندا رهيا (ن) ليگ جو اسيمبلي ميمبر اڳوڻو وزير خواجه آصف به پنهنجي سيٽ تي ويٺي پرڏيهي وزير کي ٽوڪڻ شروع ٿي ويو جنهن تي اسپيڪر هدايت ڪئي ته اوهان ايئن نه ڪريو هن چيو ته هائوس ۾ ماحول کي بهتر ڪرڻ لاءِ سمورن ميمبرن سان مشاورت ڪري چڪو آهيان ۽ سمورا ميمبر مهرباني ڪري ايوان جي ماحول کي خراب ڪرڻ کان پاسو ڪن جڏهن ته اپوزيشن ميمبر مسلسل گوڙ شور ڪندا رهيا ۽ حڪومت مخالف سخت نعريبازي ڪندا رهيا. ٻئي طرف مخالف ڌر حڪومت طرفان اڄ قومي اسمبلي جي اجلاس ۾ پيش ڪئي ويندڙ مني بجيٽ جي مخالفت ڪندي سخت احتجاج ڪرڻ جو فيصلو ڪيو آهي.  قومي اسمبلي ۾ مخالف ڌر اڳواڻ شهباز شريف جي چيمبر ۾ مخالف ڌر جو گڏيل اجلاس ٿيو جنهن ۾ ڪيترائي اهم فيصلا ڪيا ويا آهن. اجلاس ۾ مريم اورنگزيب، راڻا تنوير، راڻا ثناءَ الله، نويد قمر، خورشيد شاهه، شيري رحمان، راجا پرويز اشرف ۽ امير حيدرخان شرڪت ڪئي. خانگي ٽي وي چئنل جي رپورٽن موجب اجلاس ۾ شرڪت ڪندڙن گڏيل طور تي فيصلو ڪيو آهي ته مني بجيٽ جي سخت مخالفت ڪئي ويندي ۽ قومي اسمبلي جي اجلاس ۾ سخت احتجاج ڪيو ويندو، اڳواڻن چيو ته حڪومت طرفان ظالماڻا ٽيڪس لاڳو ڪرڻ قبول ناهي.  پيپلز پارٽي جي اڳواڻ نويد قمر ان موقعي تي چيو ته حڪومت پهريان مني بجيٽ ۾ 70 ارب رپين جا ٽيڪس هنيا ۽ هاڻ وڌيڪ 170 ارب رپين جا ٽيڪس لڳايا پيا وڃن.