ٿر ۾معصوم ٻار مري رهيا آهن ۽ حڪومت خاموش تماشائي بڻيل آهي: صنعان قريشي

حيدرآباد: جئي سنڌ قومي محاذ (بشير خان گروپ) پاران سائين جي ايم سيد جي مزار سيراندي کان جلسو ڪيو ويو.سالگرهه جو ڪيڪ ڪاٽيو ويو ۽ قومي تراني سان سالگرهه جي شروعات ڪئي.  انهيءَ موقعي تي جسقم جي چئرمينصنعان خان قريشي  2019 واري سڄي سال کي سائين جي ايم سيد جي سالگرهه طور ملهائڻ جو اعلان ڪيو. هن چيو ته هن سڄي سال کي جي ايم سيد جي فڪر کي ڦهلائڻ طور  ملهايو ويندو. هن  چيو ته سائين جي ايم سيد جو فڪر عدم تشدد وارو آهي. جنهن تي اسان ۽ اسان جا ڪارڪن عمل ڪري رهيا آهن.ان باوجود اسان کي سائين جي ايم سيد جي سالگرهه جي خوشي واري ڏينهن تي جلسو ڪرڻ نه ڏنو ويو۽ سن طرف ايندڙ اسان جي ڪارڪنن جي رستا روڪ ڪئي وئي. گذريل هڪ هفتي کان ڪارڪنن جي گهرن تي پڇوليس ۽ قانون لاڳو ڪندڙن طرفان چڙهايون ڪيون ويو. اهڙي ريت اسان جي ڪارڪنن کي هراسان ڪيو ويو. ان جي باوجود جن ڪارڪنن بهادري جو مظاهرو ڪري ڏکي وقت ۾ سن پهچي سالگرهه ۾ شرڪت ڪئي آهي.سائين پنهنجي سالگرهه ملهائن وارو سلسلو شروع ڪيو هو، اهو منهنجي بابا بشير خان قريشي جاري رکيو ۽ مان به ان سالگرهه کي ملهائي رهيو آهيان.هن جسقم جي انهن ڪارڪنن کي سلام پيش ڪيان ٿو۽ وچن ٿو ڪريان ته ڪارڪنن کي ڪڏهن به اڪيلو نه ڇڏيو ويندو. صنعان خان قريشي وڌيڪ چيو ته اسان ۽ اسان جا ڪارڪن پر امن آهن ۽  سائين جي ايم سيد جي عدم تشدد واري فلسفي تي هلي رهيا آهن. ان ڪري انهن کي پر امن ئي رهڻ ڏنو وڃي. هن چيو ته ٿر ۾ معصوم ٻار مري رهيا آهن، پر حڪومت خاموش تماسائي بنيل آهي.غريب ٿر وارن جي حڪومت پاران ڪنهن به قسم جي سار نه لڌي وڃي ٿي.انهيءَ موقعي تي جسقم جي  اڳواڻن امجد مهيسر، ديدار شام، ڏاڏو اطهر سومرو ، محمد سمون، الطاف ايڊوڪيٽ، صفدر تنيو ، انور چانڊيو ۽ ٻين  تقريرون ڪيون ۽ قومي گيت ڳايا.