پاڪستان هاڻي ڪرائي جي بندوق طور استعمال نه ٿيندو، پاڪ- ڀارت اختلاف جنگ سان حل ڪرڻ خودڪشي هوندي: وزيراعظم

اسلام آباد (بيورو) وزيراعظم عمران خان هڪ دفعو ٻيهر واضح ڪيو ته هاڻي پاڪستان ڪرائي جي بندوق طور استعمال نه ٿيندو ٻين جي امداد ۽ قرض مفت ناهن هوندا ان لاءِ قيمت چڪائڻي پوي ٿي پاڪستان ان جي وڏي قيمت چڪائي آهي ڏيڍ لک نيٽو فوج ۽ 2 لک کان وڌيڪ افغا فوجي 16 سالن ۾ افغان جنگ کٽي نه سگهيا اسان جي پرڏيهي پاليسي اهڙي هوندي جو پاڪستاني عوام جي فائدي ۾ هجي پاڪستان ۽ ڀارت ايٽمي ملڪ آهن ۽ اختلافن کي جنگ سان حل ڪرڻ خودڪشي هوندي ڪشمير مسئلي جو حل به فورسز جو استعمال نه آهي. ڳالهين ذريعي آهي چيني اسان جي لاءِ تازي هوا جو جهوٽو آهن قبضا مافيا ۽ ڏوهاري سياستدانن جي خلاف ڪارروائي ۾ رياستي ادارا آزاد آهن اربين رپيا لٽيندڙ حڪمران پهريون ڀيرو قانون جي وڪڙ ۾ اچي رهيا آهن جيڪا هڪ وڏي تبديلي آهي ترڪ ٽي وي کي ڏنل هڪ انٽرويو ۾ آمريڪا سان لاڳاپن جي حوالي سان ڳالهائيندي وزيراعطم عمران خان چيو ته پاڪستان تي هميشه اهو الزام مڙهيو وڃي ٿو ته آمريڪا سان لاڳاپا هڪ طرفو رهيا جڏهن اوهان ٻين جي امداد ۽ قرضن تي ڀاڙيو ٿا ته اهو مفت ناهي هوندو اوهان کي ان جي قيمت چڪائڻي پوي ٿي وزيراعظم سوال ڪيو ته 3 کان 4 هزار حقاني گروپ جا ماڻهو ڪيئن سبب بڻجي سگهن ٿا جڏهن ته ڏيڍ لک نيٽو فوج ۽ 2 لک کان وڌيڪ افغان فوجي 16 سالن ۾ افغانستان جنگ نه کٽي سگهيا هن چيو ته مان ڊگهي عرصي کان چئي رهيو آهيان ته افغانستان جي مسئلي جو فوجي حل نه آهي جنهن کي اڄ سڀني تسليم به ڪيو آهي. ان سوال جي جواب ۾ ته مسئلي جي حل ۾ پاڪستان ڇا ڪري سگهي ٿو وزيراعظم عمران خان چيو ته پاڪستان افغانستان جي پاڙيسري ملڪن سان گڏجي طالبان، آمريڪا ۽ افغان عملدارن کي ڳالهين جي ميز تي آڻڻ لاءِ ڪم ڪري سگهي ٿو ته سياسي مفاهمت ٿي سگهي وزيراعظم عمران خان چيو ته ڪشمير جو هڪ وڏو مسئلو آهي گذريل سال ڪشمير ۾ ڀارتي ظلم جاري رهيو نوجوانن کي گوليون هڻي شهيد ڪيو ويو هن مسئلي جو حل فورسز جو استعمال نه آهي پر ڳالهيون آهن. ٻئي طرف وزيراعظم عمران خان جي صدارت هيٺ توانائي بابت ڪابينا ڪميٽي جو اعلان ٿيو.  اجلاس ۾ وفاقي وزيرن غلام سرور  خان ۽ عمر ايوب لوڊشيڊنگ ۽ گئس بحران بابت بريفنگ ڏني. وزيراعظم طرفان وفاقي وزيرن پاران گئس بحران ۽ لوڊشيڊنگ جو ذميوار هڪ ٻئي کي قرار ڏيڻ تي ڪاوڙ جو اظهار ڪيو ويو. وزيراعظم چيو ته آئون دنيا کان پئسا گهري رهيو آهيان ۽ اوهان نقصان ڪري رهياآهيون، وزيراعظم لوڊشيڊنگ گهٽائڻ لاءِ  قدم کڻڻ جو حڪم ڏنو.