حددخلين خلاف آپريشن ۾ ڪنهن سان ناانصافي نه ٿيندي، ڪرپشن ۽ بيروزگاري جو خاتمو ڪنداسين: وزيراعظم

0Shares

ڪراچي (چيف رپورٽر) وزيراعظم عمران خان چيو آهي ته حڪومت ڪراچي سميت صوبي جي ترقي لاءِ قدم کڻي رهي آهي حددخليون آپريشن ۾ ڪنهن سان ناانصافي نه ٿيندي آچر تي وزيراعظم عمران خان هڪ ڏينهن جي دوري تي ڪراچي پهتو سنڌ جو گورنر عمران اسماعيل ۽ وزيراعظم عمران خان وچ ۾ گورنر هائوس ۾ ون ٽو ون ملاقات ۾ صوبي جي سياسي امن امان جي صورتحال تي ڳالهه ٻولهه ڪئي وئي. وزيراعظم ۽ گورنر سنڌ وچ ۾ ٿيندڙ ملاقات ۾ اتحادي جماعتن سان ورڪنگ رليشن شپ، ترقياتي منصوبن تي به ڳالهه ٻولهه ڪئي وئي جڏهن ته عمران اسماعيل وزيراعظم کي گلستان جوهر ڌماڪي جو تفصيل به ٻڌايو وزيراعظم عمران خان چيو ته حڪومت ڪراچي سميت صوبي جي ترقي لاءِ قدم کڻي رهي آحي ڪراچي کي ان جو وقار ۽ ٻيهر معاشي ترقي طرف آڻڻو آهي هن چي وته وفاق جي سهڪار سان هلندڙ منصوبا جلد مڪمل ڪيا ويندا صوبي ۽ وفاق ۾ هم آهنگي کي هٿي ڏني ويندي ۽ واپارين جا خدشا ۽ مسئلا ختم ڪيا ويندا سنڌ جي گورنر وزيراعظم کي ڄاڻ ڏيندي ٻڌايو ته آءِ جي سنڌ کان ڌماڪي جي رپورٽ طلب ڪئي وئي آهي دهشتگردن کي هر صورت ۾ وائکو ڪيو ويندو عمران اسماعيل وزيراعظم عمران خان کي شهر ۾ حددخلين خلاف آپريشن، واپارين جا مسئلا ۽ عوام ۾ وڌندڙ بيچيني کان به ڄاڻ ڏني. ان کان  اڳ وزيراعظم عمران خان آچر جي منجهند اٽڪل ڏيڍ وڳي ڪراچي پهتو ڪراچي ايئرپورٽ تي سندس استقبال سنڌ جي گورنر ۽ وڏي وزير سيد مراد علي شاهه ڪيو ايئرپورٽ تان وزيراعظم عمران خان هيليڪاپٽر ذريعي ڪامرس ڪاليج جي گرائونڊ پهتو جتان هو گاڏي ۾ گورنر هائوس پهتو وزيراعظم جو عهدو سنڀالڻ کانپوءِ سندس هي ڪراچي جو ٻيو دورو آهي. ڪراچي پهچڻ تي سيڪيورٽي جا سخت انتظام ڪيا ويا ايئرپورٽ کان گورنر هائوس سيڪيورٽي جي سلسلي ۾ پوليس ۽ رينجرز جا اهلڪار مقرر ڪيا ويا.  ٻئي طرف وزيراعظم عمران خان چيو ته پرڏيهي سيڙپڪار پاڪستان ۾ سيڙپ ڪري رهيا آهن ۽ هتي سيڙپڪاري جا وڏا موقعا موجود آهن، هن چيو ته حڪومت هڪ مختلف سوچ کڻي آئي آهي. بزنس ۽ سيڙپڪاري کي هٿي وٺرائڻ ۽ تحفظ ڏيڻ چاهيون ٿا ۽ مارڪيٽ ۾ استحڪام آڻڻ چاهيون ٿا اوهان وٽ ان لاءِ آيو آهيان ته اوهان ڪجهه تجويزون ڏيو ان موقعي تي اسٽاڪ ايڪسچينج جي وفد پهرين ملاقات ۾ وزيراعظم کي عهدو سنڀالڻ تي مبارڪون ۽ ملڪ ۾ مالي استحڪام ۽ سٺي ڪارڪردگي تي حڪومت جي مالياتي ٽيم جي تعريف ڪئي. وفد وزيراعظم کي اسٽاڪ بروڪرز ۽ اسٽاڪ مارڪيٽ جي حوالي سان ٻين معاملن تي آگاهه ڪيو ۽ مالياتي استحڪام لاءِ تجويزون ڏنيون. ڪيتريون ئي تجويزون منظور ڪيون ويون ذريعن موجب وفد پاران حڪومت جي مالياتي پاليسي تي مڪمل سپورٽ جي خاطري ڪرائي وئي. ملاقات ۾ ٽيڪس بيس وڌائڻ، اسٽاڪ مارڪيٽ ۾ آءِ ٽي جو استعمال، غيرقانوني ادائگين جي روڪٿام تي اتفاق ڪيو ويو ان موقعي تي ناڻي وزير اسد عمر ، مخدوم خسرو بختيار، فيصل واوڊا ، علي زيدي، خالد مقبول صديقي، سنڌ جو گورنر عمران اسماعيل، مملڪتي وزير حماد اظهر، وزيراعظم جو صلاحڪار ڊاڪٽر عشرت حسين، وزيراعظم جو اسپيشل اسسٽنٽ نعيم الحق ۽ افتخار دراني به موجود هو. ٻئي طرف گورنر هائوس ۾ وزيراعظم عمران خان سان پارٽي اڳواڻن عمران اسماعيل، خرم شير زمان، فردوس شميم نقوي، حليم عادل شيخ، فيصل واوڊا، علي زيڊي ۽ ٻين پڻ ملاقات ڪئي. ذريعن موجب ملاقات دوران  اسيمبلي ميمبرن وزيراعظم کي ڪراچيءَ ۾ حددخلين خلاف جاري آپريشن بابت پنهنجي خدشن کان آگاهه ڪيو.

0Shares

اپنا تبصرہ بھیجیں