“ وزيراعظم وزارت اطلاعات سنڀالڻ جي آڇ ڪئي آهي” شيخ رشيد جي دعويٰ، يوٽرن به وٺي ڇڏيو

لاهور  (بيورو)  ريلوي واري وفاقي وزير شيخ رشيد چيو آهي ته وزيراعظم عمران خان مون کي اطلاعات  واري وزارت سنڀالڻ جو چيو آهي ته  لاهور ۾ پريس ڪانفرنس ڪندي صحافي  جي سوال تي  هن چيو ته وزيراعظم عمران خان سان 4 گڏجاڻيون ٿيون  وزيراعظم مون کي  چيو ته وزارت اطلاعات ۾ اچو.  فواد چوڌري  بابت سوال تي هن چيو ته هو لنڊن ۾ 8 ڏينهن کان پڪنڪ  تي آهي ان کي چيو اهي ته واپس اچي  وڃي. شيخ رشيد  وري يوٽرن  وٺندي  چيو ته مان ريلوي ۾ خوش آهيان.  پنهنجي ڪارڪردگي  ڏيکاريندس.  دنيا هيڏانهن  هوڏانهن  ٿي وڃي پر فواد چوڌري  جي جاءِ نه وٺندس. هن چيو  ته  ڪو ائين نه سوچي ته آئون فواد چوڌري جي خلاف آهيان. هو بهترين  وزير آهي. فواد چوڌري جو سپورٽر آهيان. لنڊن پڪنڪ  واري ڳالهه  مذاق ۾ ڪئي. فواد چوڌري   کي فون ڪري چيو آهي ته  واپس اچو اوهان جي ضرورت آهي.   شيخ رشيد چيو ته وزيراعظم کي اختيار آهي ته 3 سالن کانپوءِ چونڊون ڪرائي يا وري 6 مهينن کانپوءِ، چونڊون جلد ڪرائڻ سان ڪا قيامت نه ايندي، پاڪ فوج حڪومت سان ڪلهو ڪلهي ۾ ملائي بيٺل آهي.لاهور ۾ پريس ڪانفرنس ڪندي ريلوي واري وفاقي وزير شيخ رشيد چيو ته اڳوڻي حڪومت جي وڏي غلطي هئي جو اها پنهنجي قد کان وڏا ڪم ڪري رهي هئي، هر ماڻهو نواز شريف کي سمجهايو ته پنهنجي قد کان وڏو ڪم نه ڪيو. هن چيو ته نواز شريف ۽ مريم نواز شريف جي ڊيل نه ٿي آهي، تنهنڪري هن خاموشي ٽوڙي آهي.شيخ رشيد چيو ته شهباز شريف اين آر او لاءِ تڙپي رهيو آهي، شهباز شريف لاءِ طبي رپورٽ اچي ٿي ته ڇت کليل هجڻ گهرجي، اي سي لڳل هجڻ گهرجي، قيد ۾ بسترو هجي ۽ ناشتو بهترين ڏنو وڃي. شيخ رشيد چيو ته 31 ڊسمبر کانپوءِ اسان وٽ ٽڪيٽ جي گنجائش نه هوندي، 2 مال گاڏيون هلندڙ مهيني شروع ڪري رهيا آهيون، ٻنهي مال گاڏين تي ڪنٽينر آڻڻ جي سهولت هوندي.هن چيو ته فريٽ ٽرينن ۾ خانگي ڪمپنيون دلچسپي جو اظهار ڪري رهيون آهن، هو اڳتي اچن، ايم ايل ٽو ۽ ٿري ۾ اسان جي انجنيئرنگ ڪور دلچسپي ظاهر ڪئي آهي، ڪوشش هوندي ته ايل ٽو ۽ ٿري به ميدان تي آڻيون. شيخ رشيد چيو ته 31 ڊسمبر تائين ايم ايل ون جو فيصلو ٿي ويندو، سمورين ريلوي پٽڙين کي تبديل ڪيو ويندو.